Showing posts with label e.t. the extra terrestrial. Show all posts
Showing posts with label e.t. the extra terrestrial. Show all posts

Tuesday, 25 July 2023

ஜூலை 2023க்கான சிறார் திரைப்படம் - ஈ.டி.

ஜூலை 2023க்கான சிறார் திரைப்படம் - ஈ.டி.

ஜூலை 2023 மாதத்திற்கான சிறார் திரைப்படமாக ‘ஈ.டி. தி எக்ஸ்ட்ரா டெரஸ்ட்ரியல்’ (E.T. The Extra Terrestrial) என்ற திரைப்படம் பரிந்துரைக்கப்பட்டுள்ளது.

இத்திரைப்படம் ஓர் அறிவியல் புனைவுத் திரைப்படம் (Science Fiction) ஆகும். 1982 இல் இத்திரைப்படம் வெளியானது. இத்திரைப்படம் ஓர் ஆங்கில மொழி திரைப்படமாகும். புகழ்பெற்ற ஹாலிவுட் இயக்குநரான ஸ்டீபன் ஸ்பீல்பெர்க் இத்திரைப்படத்தைத் தயாரித்து இயக்கி உள்ளார்.

இத்திரைப்படத்தின் கதையை எழுதியவர் மெலிசா மேத்திசன் ஆவார்.

இத்திரைப்படத்தின் கதை என்னவென்பதைத் தெரிந்து கொள்வோமா?

ஒரு வேற்றுக்கிரகவாசி தவறுதலாகப் பூமிக்கு வந்து விட்டால் என்ன நடக்கும் என்ற ஒற்றை வரியிலிருந்து இப்படத்தின் கதை விரிகிறது.

தவறுதலாகப் பூமிக்கு வந்து விட்ட வேற்றுகிரகவாசிக்கும் எலியட் என்ற பத்து வயது சிறுவனுக்கும் நட்பு ஏற்படுகிறது. எலியட் வேற்றுகிரகவாசிக்கு ஈ.டி. என்று பெயர் சூட்டுகிறான். ஈ.டி.யானது எலியட் மற்றும் எலியட்டோடு தொடர்புடையவர்கள் மூலமாக பூமி பற்றியும் பூமியின் வாழ்க்கை முறை பற்றியும் அறிந்து கொள்கிறது. ஈ.டி. மீண்டும் தனது கிரகத்திற்குத் திரும்ப நினைக்கும் போது எலியட் அதற்கு எவ்வாறு உதவி செய்து அனுப்பி வைக்கிறான் என்பதை உணர்வு பூர்வமாகக் காட்சிபடுத்தி இருப்பதே இத்திரைப்படமாகும்.

இத்திரைப்படம் நான்கு ஆஸ்கர் விருதுகளையும், 2 கோல்டன் குளோப் விருதுகளையும், கிராமி விருதையும் வென்றுள்ளது.

இத்திரைப்படம் குறித்த செய்திகளைக் காட்சிகளோடு தமிழ் பின்னணியில் குரல் வழி (Voice over) தெரிந்து கொள்ள கீழே உள்ள காணொளியை Play செய்து பார்க்கவும்.

*****