முடியும் என்றால் முடியும்! – ஒரு தன்னம்பிக்கை கதை!

முடியும் என்றால் முடியும்! – ஒரு தன்னம்பிக்கை கதை!

கல்லென்றால் அது கல்.

கடவுள் என்றால் அது கடவுள் என்பார்கள்.

பார்க்கும் பார்வைதான் உங்களுக்கு இந்த உலகை உருவாக்குகிறது.

அது போல, முடியும் என்றால் உங்களால் முடியும்.

முடியாது என்றால் உங்களால் முடியாது.

இதை விளக்கும்படியான கதை ஒன்றை அறிவோமா?

தொழிலில் நஷ்டம் ஏற்பட்டதால் ஒரு பூங்காவில் சோர்ந்து போய் அமர்ந்திருந்தார் ஒரு தொழிலதிபர்.

அப்போது அங்கே வந்த இன்னொரு தொழிலதிபர் அவரை விசாரித்தார்.

முடிவில், உன் சோர்வைப் போக்க உனக்கு என்ன தேவை என்றார்?

ஒரு கோடி ரூபாய் பணம் இருந்தால் நஷ்டத்தில் இருக்கும் என் தொழிலை லாபத்திற்குக் கொண்டு வந்து விடுவேன் என்றார் சோர்வுற்றிருந்த தொழிலபதிபர்.

கவலைப்படாதே. இதோ ஒரு கோடி ரூபாய்க்கான காசோலை. இதை வைத்துக் கொள். அடுத்த வருடம், இதே மாதம், இதே நாள், இதே நேரம். நான் இங்கே வருவேன். அப்போது இந்த ஒரு கோடி ரூபாயைத் திருப்பிக் கொடுத்தால் போதும் என்று கூறிவிட்டு விசாரித்த தொழிலபதிபர் சென்று விட்டார்.

சோர்வுற்றிருந்த தொழிலபதிபருக்கு உற்சாகம் வந்து விட்டது.

உடனே தனது நிறுவனத்துக்குச் சென்றார்.

தன் ஊழியர்களிடம் பேசினார்.

ஒரு கோடி ரூபாய்க்கான காசோலை வந்திருக்கும் செய்தியைச் சொன்னார்.

ஊழியர்களுக்கும் உற்சாகம் வந்து விட்டது.

இருந்தாலும், அந்தத் தொழிலபதிபர் அந்த ஒரு கோடி ரூபாய்க்கான காசோலையை இப்போது பயன்படுத்தப் போவதில்லை. இதை அப்படியே பெட்டியில் வைத்துப் பூட்டப் போகிறேன் என்றார்.

ஊழியர்களுக்கு அதிர்ச்சி.

அப்போது அவர் சொன்னார், நாம் நஷ்டமடைந்ததற்கு என்ன காரணம் என்பதைக் கண்டறிந்து முதலில் சரி செய்வோம். தேவைப்பட்டால் நாம் இந்தக் காசோலையைப் பயன்படுத்துவோம் என்றார்.

ஊழியர்கள் ஒத்துக் கொண்டனர். ஒவ்வொருவரும் நஷ்டம் அடைந்ததற்கான காரணம் என்ன என்பதைக் கண்டறிந்து சரி செய்யத் துவங்கினர்.

வெகு விரைவிலேயே அந்த நிறுவனம், கோடிக் கணக்கான ரூபாயாக இருந்த கடனை அடைத்து, கோடிக்கணக்கான லாபம் சம்பாதிக்கும் நிறுவனமாக மாறியது.

ஓராண்டு முடிந்து அந்த நாள் வந்த போது இப்போது நட்டத்திலிருந்து லாபத்திற்குத் திரும்பிய தொழிலதிபர் அந்தப் பூங்காவிற்குச் சென்றார்.

தனக்கு ஒரு கோடி ரூபாய் காசோலை கொடுத்த தொழிலதிபரைத் தேடினார்.

அவர் வரவே இல்லை.

அந்தக் காசோலையை எடுத்துக் கொண்டு போய் வங்கியில் விசாரித்தார்.

அது செல்லாத காசோலை என்றார்கள் வங்கியாளர்கள்.

ஒரு செல்லாத காசோலையா தன்னை நட்டப் பாதையிலிருந்து லாபப் பாதைக்குத் திருப்பியது? என யோசித்தார் அந்தத் தொழிலதிபர்.

தன்னிடம் ஒரு கோடி இருப்பதாக நம்பிய நம்பிக்கையும், எப்படி நட்டம் வந்தாலும் சமாளித்துக் கொள்ளலாம் என்று அந்தக் காசோலை தந்த தன்னம்பிக்கையும்தான் தன்னை மாற்றியது என்பதை உணர்ந்தார்.

எந்தச் சூழ்நிலையையும் சமாளிக்க முடியும் என்ற தன்னம்பிக்கை எப்படி தன்னை மாற்றியது என்பதை அவர் உணர்ந்து கொண்டார்.

முடியும் என்ற நம்பிக்கை இருந்தால் போதும், எத்தகைய சூழ்நிலையிலிருந்தும் மேலேழ முடியும் என்பது அவருக்குப் புரிந்தது. உண்மைதானே?

ஆகவே முடியும் என்றே நினையுங்கள். உங்களால் முடியும்.

இந்தக் கதை உங்களுக்குப் பிடித்திருக்கும் என்று நம்புகிறோம்.

இது போன்ற பயனுள்ள கதைகளுக்குத் தொடர்ந்து இணைந்திருங்கள்.

நன்றி!

வணக்கம்!

*****

வெற்றிக்கு ஐந்து விதிகள்!

வெற்றிக்கு ஐந்து விதிகள்!

வெற்றிக்கு வழிகாட்டும் எத்தனையோ விதிகள் இருந்தாலும் இந்த ஐந்து விதிகளும் உங்களை வெற்றியை நோக்கி அழைத்துச் செல்லும் உன்னத விதிகள். எதிலும் வெற்றி பெற வேண்டும் என்று நினைப்பவர்கள் எந்த ஐந்து விதிகளை எப்போதும் மனதில் கொள்ளுங்கள்.

விதி 1 :

எது நடந்து விடக் கூடாது என்று நினைக்கிறீர்களோ, அதுவே நடக்கும் என்பது மர்பி விதி. எனவே எது நடக்கக் கூடாது என்று நினைக்கிறீர்களோ அப்படி நினைக்காமல், எது நடக்க வேண்டுமோ அதை நினைக்கத் தொடங்குங்கள். இதுதான் வெற்றிக்கான முதல் விதி.

விதி 2 :

எந்தப் பிரச்சனையாக இருந்தாலும் அது எவ்வளவு தீர்க்க முடியாத பிரச்சனையாக இருந்தாலும் அதை எழுத்தால் எழுதுங்கள். அப்படி எழுதினாலே அந்தப் பிரச்சனைக்கான தீர்வு கிடைத்து விடும் என்பது கிட்லின் விதி. ஆகவே எந்தப் பிரச்சனையாக இருந்தாலும் அதை எழுதுங்கள். இதுதான் வெற்றிக்கான இரண்டாம் விதி.

விதி 3 :

எந்த வேலையாக இருந்தாலும் அந்த வேலையைச் செய்வதற்கான தெளிவான வழிமுறைகளை வகுப்பதுதான் அந்த வேலையை முடிப்பதற்கான சரியான வழி என்பது கில்பர்ட் விதி. ஒரு வேலையை எப்படி செய்வது என்ற தெளிவான வழிமுறையை வகுக்கா விட்டால், அது சாதாரண வேலையாக இருந்தாலும் அதை உங்களால் செய்து முடிக்க முடியாது. ஆகவே வேலையை எப்படி செய்வது என்பதற்கான தெளிவான விதியை வகுத்து விடுங்கள். இதுவே வெற்றிக்கான மூன்றாவது விதி.

விதி 4 :

நீங்கள் ஏற்கனவே வெற்றி பெற்றவர் என்றாலும் உங்கள் அறிவையும் புத்திசாலித்தனத்தையும் தொடர்ந்து வளர்த்துக் கொள்ள வேண்டும் என்பது வில்சன் விதி. அவ்வாறு வளர்க்கவில்லை என்றால் உங்களால் தொடர்ந்து வெற்றிகளைப் பெற முடியாது. நீங்கள் பெற்ற ஒரே ஒரு வெற்றியோடு தேங்கிப் போக வேண்டியதுதான். இதுதான் வெற்றிக்கான நான்காவது விதி.

விதி 5 :

தேவை இல்லாத நேரங்களில் தேவை இல்லாத முடிவுகளை எடுப்பதைத் தவிர்க்க வேண்டும் என்பது பால்கேன்ட் விதி. நிறையை பேர் தேவை இல்லாத நேரத்தில் தேவையில்லாத முடிவுகளை எடுப்பதாலேயே தோற்றுப் போகிறார்கள். ஆகவே அநாவசிய முடிவுகளை எடுத்து தேவையில்லாமல் தோற்றுப் போகாதீர்கள். இதுவே வெற்றிக்கான ஐந்தாவது விதி.

வாழ்க்கையில், வேலையில், படிப்பில் என்று எதில் வெற்றி பெற நினைத்தாலும், நீங்கள் இந்த ஐந்து விதிகளையும் பின்பற்றினால் எல்லாவற்றிலும் வெற்றி பெறுவது உறுதி.

நீங்கள் வெற்றி பெற வாழ்த்துகள்!

*****

பழக்க வழக்கத்தில் ஒரு கண் வையுங்கள்!

பழக்க வழக்கத்தில் ஒரு கண் வையுங்கள்!

நீ எதைப் பழகுகிறாயோ அதுவே உன் வழக்கமாகிறது.

அது பழக்கமாகிறது என்பதை அறியாமல் கூட நீ அதைச் செய்யலாம்.

ஆனால் அது உன் வழக்கமாகி விடும்.

எதைச் செய்தாலும் அதைச் செய்வதற்குக் கடன் வாங்குபவர்கள் அதைத்தான் பழகுகிறார்கள்.

அதுவே அவர்களது வழக்கமாகி விடுகிறது.

ஒன்றைச் செய்வதற்காகச் சேமிக்கத் தொடங்குபவர்கள் அதைத்தான் பழகுகிறார்கள்.

அதுவே அவர்களது வழக்கமாகி விடுகிறது.

இப்போது எது உங்கள் வழக்கமாக இருக்கிறது?

அதை நீங்கள் எப்படி பழகினீர்கள் என்பதை யோசித்துப் பாருங்கள்.

முறை என்பது முக்கியம்.

அது மிகச் சரியாக இருப்பது எப்போதும் முக்கியம். அதில் பிசிறடித்தால் சிக்கல்தான்.

சரியான முறையே பழக்கமாக இருந்தால், அப்படிச் செய்வதே வழக்கமாக இருந்தால் அதன் விளைவுகள் மிகப் பிரமாதமாக இருக்கும்.

கொஞ்சம் அப்படி இப்படி என்றாலும் விளைவுகள் ஒரு மாதிரியாகத்தான் இருக்கும்.

மிகப் பெரிய வெற்றி என்பது முக்கியமில்லை.

சாதாரண வெற்றி என்றாலும் அது எப்போதும் உங்களுக்குச் சாத்தியமானதாக இருக்க வேண்டும்.

அது உங்களுக்கு வசப்படும் வெற்றியாக இருக்க வேண்டும்.

அது உங்களது முறையான, சரியான பழக்க வழக்கத்தில்தான் இருக்கிறது.

ஆகவேதான் உங்கள் பழக்க வழக்கத்தில் எப்போதும் ஒரு கண் வைத்திருங்கள்!

அது உங்களை எப்போதும் ஒரு படி உயர்வாகவே வைத்திருக்கும்!

*****

 

நல்ல சிந்தனைகள் நான்கு!

நல்ல சிந்தனைகள் நான்கு!

1) உன்னால் முடியாது என்று நீ சொல்வதை வேறு யாரோ ஒருவர் செய்து கொண்டிருக்கிறார். இந்த உலகில் ஒருவரால் முடிவது உன்னால் ஏன் முடியாது? காற்றே சிமினியாக மாறி தீபத்தைக் காக்கும் போது அந்த ஒளியை யாரால் அழிக்க முடியும்?

2) எல்லா மாற்றங்களும் சவால்களைச் சந்திக்க வேண்டியிருக்கும், குறிப்பாகத் துவக்கத்தில். ஆகவே எல்லா மாற்றங்களும் எதிர்ப்பை எதிர்கொள்ளும் என்பதை ஏற்றுக் கொள்ளுங்கள். எதிர்ப்பை எதிர்கொள்ள எப்போதும் தயாராக இருங்கள்.

3) எல்லாரும் கார் வாங்குவது முக்கியமில்லை. அதற்கான சாலை வசதிகளைச் செய்து கொடுக்க முடியுமா என்பதுதான் முக்கியம். ஏழைகளும் கார் வைத்திருக்கிறார்கள் என்பது முக்கியமில்லை. பணக்காரர்களும் பொது போக்குவரத்தைப் பயன்படுத்துகிறார்களா என்பதுதான் முக்கியம்.

4) எப்போதும் பலவீனம்தான் காரணம் தேடும். வலுத்ததற்குக் காரணம் தேவையில்லை. அது எப்படியும் ஜெயித்து விடும். அதற்கு நீங்கள் உங்களுக்கு நீங்களே வலிமை ஏற்றிக் கொள்ளுங்கள்.

*****

படிப்பில் சூப்பர் ஸ்டார் ஆக…!

படிப்பில் சூப்பர் ஸ்டார் ஆக…!

படிப்பில் நீங்கள் சூப்பர் ஸ்டார் ஆக வேண்டுமா?

நிச்சயம் ஆகலாம்.

அதற்கு முன்பு நடிப்பில் யார் சூப்பர் ஸ்டார் என்று பார்ப்போம். நடிப்பில் யார் சூப்பர் ஸ்டார் என்று உங்களுக்குத் தெரியாதா என்ன?

இந்திய திரையுலகின் சூப்பர் ஸ்டார் அமிதாப் பச்சன்.

தமிழ்த் திரையுலகின் சூப்பர் ஸ்டார் ரஜினி காந்த்.

இவர்கள் இருவரையும் பின்பற்றியே அவர்கள் நடிப்பில் சூப்பர் ஸ்டார் ஆனதைப் போல, நீங்கள் படிப்பில் சூப்பர் ஸ்டார் ஆகலாம்.

அது எப்படி என்கிறீர்களா?

அவர்கள் நடிப்பில் கடைபிடிக்கும் நுட்பங்களை நீங்கள் படிப்பில் கடைபிடித்தால் நிச்சயம் நீங்களும் சூப்பர் ஸ்டார் ஆகலாம்.

அவர்கள் அப்படி என்னதான் நுட்பங்களைக் கடைபிடிக்கிறார்கள்?

ரஜினி, அமிதாப் இருவரும் தங்கள் தொழில் வாழ்க்கையில் கடைபிடிக்கும் ஒழுக்கம் அபரிமிதமானது. நீங்களும் அப்படி ஒழுக்கத்தைக் கடைபிடிக்கலாம்.

அவர்கள் இருவரின் பணிவைப் பற்றிச் சொல்ல வேண்டியதில்லை. நீங்களும் அப்படி பணிவானவர்களாக இருக்கலாம்.

இருவருமே இயக்குநர்களை மதிப்பதில் நிகரற்றவர்கள். நீங்களும் அப்படி ஆசிரியர்களை மதிக்கலாம்.

தங்கள் குருநாதர்களையும் தங்களுக்கு உதவியர்களையும் அவர்கள் இருவரும் எப்போதும் மறப்பதில்லை. நீங்களும் அப்படி இருக்கலாம்.

இருவருமே படப்பிடிப்புத் தளத்துக்குச் சரியான நேரத்துக்கு முன்பாக வருவதை வழக்கமாகக் கொண்டுள்ளனர். நீங்களும் அப்படி பள்ளிக்குத் தனிப்பயிற்சிக்குச் செல்லலாம்.

அவர்களுக்கு ஒதுக்கப்பட்ட நேரத்தைத் தாண்டியும் படப்பிடிப்பு நீண்டாலும் பொறுமையாக அவ்வளவு நேரமும் ஒத்துழைத்து நடித்துக் கொடுப்பவர்கள். நீங்களும் அப்படி சில பாடப்பகுதிகளைப் படித்து முடிக்க நேரமானால் பொறுமையாக அவசரப்படாமல் ஆத்திரப்படாமல் நிதானம் தவறாமல் இருந்து படித்து முடிக்கலாம்.

இருவருமே அவர்களுக்கான வசனத்தை முன்கூட்டியே வாங்கி மனதில் பதிய வைத்துக் கொண்டு கண்ணாடி முன் நடித்துப் பார்த்து விட்டு படப்பிடிப்புத் தளத்துக்கு வருவதை வழக்கமாகக் கொண்டவர்கள். நீங்களும் அப்படி நாளை நடத்த இருக்கும் பாடத்தை இன்றே படித்துப் பார்த்து விட்டு வகுப்பறைக்குச் செல்லலாம்.

அதிலும் அமிதாப் பச்சன் எத்தனை பக்க வசனமென்றாலும் அதை தலைகீழாகக் கேட்டாலும், இடையில் எங்கிருந்து கேட்டாலும் சொல்லக் கூடிய ஆற்றல் படைத்தவர். நீங்களும் அப்படி பாடப்பகுதியைப் படித்து வைத்திருந்தால் எப்படி இருக்கும்.

அவர்களின் தொழில் வெற்றிக்கு இந்த அர்ப்பணிப்பும் ஒழுக்கமும் அக்கறையும் நேர்த்தியும்தான் காரணம் என்றால் அது உண்மைதானே! அப்படியொரு அர்ப்பணிப்பு, ஒழுக்கம், அக்கறை, நேர்த்தி உங்களுக்கும் வந்து விட்டால்…. சொல்லவும் வேண்டுமோ, நீங்களும் படிப்பில் சூப்பர் ஸ்டார்தானே!

ஆகவே, மாணவர்களாகிய இளைய தலைமுறையினருக்கு இவ்விருவரிடமிருந்து தெரிந்து கொள்வதற்கான முக்கியமான செய்திகள் இருக்கின்றதுதானே. அவை என்ன என்று தொகுத்துச் சொன்னால் நலமாக இருக்கும் என்கிறீர்களா?

சரியாக நேரத்திற்குப் பள்ளிக்குச் செல்லுதல், சரியான நேரத்தில் வீட்டுப்பாடங்களை முடித்தல், சில பாடங்களைப் படித்து முடிப்பதற்குக் கூடுதல் நேரமானாலும் பொறுமையாக இருந்து படித்தல், படித்ததை எப்படிக் கேட்டாலும் அதைச் சொல்லக் கூடிய வல்லமை பெறுதல் போன்ற விசயங்களை ரஜினி மற்றும் அமிதாப்பைப் பார்த்துக் கற்றுக் கொள்ளலாம்தானே!

அப்படி கற்றுக் கொண்டால் படிப்பில் நீங்களும் ஒரு சூப்பர் ஸ்டார்தான்! ஆமாம் நடிப்பில் மட்டும்தான் சூப்பர் ஸ்டார் இருக்க வேண்டுமா என்ன? படிப்பில் நீங்கள் சூப்பர் ஸ்டாராக இருங்கள்!

*****

வேட்டையன் சொன்ன ரகசியம்!

வேட்டையன் சொன்ன ரகசியம்!

தமிழ்த் திரையுலகின் வசூல் வேட்டையன் ரஜினி.

அவரது ‘வேட்டையன்’ திரைப்படம் விரைவில் வெளி வர இருக்கிறது.

இந்நிலையில் ரஜினி சொன்ன ஒரு செய்தி தோல்விகளையும், தடைகளையும் கண்டு துவளாது இருக்க வேண்டியதன் அவசியத்தைச் சொல்கிறது?

ரஜினியின் ஆறிலிருந்து அறுபது வரை, புவனா ஒரு கேள்விக்குறி, தளபதி, முள்ளும் மலரும் போன்ற படங்கள் எப்போதும் பார்ப்பதற்கான அற்புத படங்கள்.

அது போன்ற படங்களைப் பற்றி வேட்டையன் பட இயக்குநர் ஞானவேல் சிலாகித்துச் சொல்லியிருக்கிறார்.

உடனே ரஜினி அப்படங்களின் போது நடந்த பின்னணி உண்மைகளை உடைத்துச் சொல்லியிருக்கிறார்.

தளபதி படத்தில் ஒரு காட்சியைச் சரியாக எடுப்பதற்குள் பல முறை நடித்திருக்கிறார் ரஜினி. அதாவது திரைமொழியில் சொல்ல வேண்டுமானால் பல டேக்குகள் வாங்கியிருக்கிறார்.

முள்ளும் மலரும் படத்தில் அப்படி தன்னைச் சிரமப்பட்டு நடிக்க வைத்தவர்கள் மகேந்திரனும் பாலு மகேந்திராவுமும்தான் என்ற உண்மையைப் போட்டு உடைத்திருக்கிறார்.

ஆறிலிருந்து அறுபது வரை என்ற படத்திலிருந்து பாதியிலிருந்து வெளியேறிய அவரை எல்லாரும் பேசி ஆற்றுப்படுத்தி நடிக்க வைத்திருக்கிறார்கள். அப்படம் பெரிதாகப் போகாது என்று ரஜினியே நினைத்திருக்கிறார். ஆனால் அப்படம் மிகப்பெரிய வெற்றியைப் பெற்றது.

புவனா ஒரு கேள்விக்குறியில் 11 பக்க வசனத்தைப் பேசக் கொடுத்த போது ரஜினி மிரண்டிருக்கிறார். அப்போது முத்துராமன்தான் தன்னம்பிக்கை கொடுத்திருக்கிறார்.

இப்படி பல தடைகளைக் கடந்திருக்கிறார் அவர். முடியாது என்று நினைத்துப் பின்வாங்கியிருக்கிறார். வெற்றி பெறாது என்று நினைத்துச் சோர்ந்து போயிருக்கிறார். ஒரு காட்சி சரியாக வர வேண்டும் என்பதற்காகப் பல முறை நடித்திருக்கிறார்.

பல தடைகள், சோர்வுகள், தளர்ச்சிகளை வெற்றிகரமாக எதிர்கொண்டே அவர் இன்று திரையுலகின் உச்ச நட்சத்திரமாக ஆகியிருக்கிறார்.

வெற்றி பெற்றுச் சாதிக்க வேண்டும் என்று நினைப்பவர்கள் ரஜினி சொன்ன இந்த விசயங்களைக் கவனத்தில் கொள்வது நல்லது.

தடைகளைத் தாண்டித்தான் ஆக வேண்டும்.

அப்படித் தாண்டும் போது தடுமாறியும் விழ வேண்டியிருக்கும்.

ஒரு சிறு வெற்றிக்காகப் பல முறை முயற்சி செய்ய வேண்டியிருக்கும்.

அப்படி முயற்சி செய்யும் போது பின்வாங்கவும் நேரிடும்.

எல்லாவற்றையும் எதிர்கொள்வதன் மூலமாகத்தான் ஒரு மனிதர் வெற்றி எனும் கனியின் ருசியை ரசிக்க முடியும்.

சூப்பர் ஸ்டாருக்கே அப்படி என்றால், சுமாரான ஸ்டார்களான நமக்கு நேர்வதெல்லாம் பிரச்சனைகளா என்ன?

*****

சாதிக்க எதுவும் தடையில்லை! பாரா ஒலிம்பிக்கில் சாதித்த இந்தியா!

சாதிக்க எதுவும் தடையில்லை!

பாரா ஒலிம்பிக்கில் சாதித்த இந்தியா!

பாரிசில் நடைபெற்ற 2024 ஆம் ஆண்டிற்கான ஒலிம்பிக்கில் கூட இந்தியா இந்த அளவுக்குப் பதக்கங்களை வெல்லவில்லை. பாரா ஒலிம்பிக்கில் இந்தியா 29 பதக்கங்களை வென்றிருக்கிறது.

இதற்கு முன் 2020 இல் டோக்கியோவில் நடைபெற்ற பாரா ஒலிம்பிக்கிலும் இந்தியா சாதனை படைத்திருக்கிறது. அப்போது இந்தியா 19 பதக்கங்களை வென்றிருக்கிறது. இதுவும் அப்போது இந்தியா ஒலிம்பிக்கில் பெற்ற பதக்கங்களின் எண்ணிக்கையை விட அதிகம்.

இந்த முறை இந்தியா பாரா ஒலிம்பிக்கில் பெற்றுள்ள 29 பதக்கங்களில் 7 பதக்கங்கள் தங்கப் பதக்கங்கள். பதக்கப்பட்டியலில் இந்தியாவின் இடம் 18.

அது சரி இந்த பாரா ஒலிம்பிக் என்றால் என்னவென்று தெரியுமா? மாற்றுத் திறனாளிகளுக்கான ஒலிம்பிக் போட்டியே பாரா ஒலிம்பிக் போட்டியாகும். வழக்கமாக நடத்தப்படும் ஒலிம்பிக் போட்டிகள் நிறைவு பெற்றதும் பாரா ஒலிம்பிக் போட்டிகள் நடத்தப்படுகின்றன.

பாரா ஒலிம்பிக் எப்போது ஆரம்பிக்கப்பட்டது தெரியுமா? 1960 இல் ஆரம்பிக்கப்பட்டது.

பாரா ஒலிம்பிக் போட்டிகள் ஏன் ஆரம்பிக்கப்பட்டன தெரியுமா? இரண்டாம் உலகப் போரில் காயமுற்ற ராணுவ வீரர்களுக்கு மறுவாழ்வும் ஊக்கமும் கொடுக்கும் வகையில் இப்போட்டிகள் நடத்தப்பட்டன. 1948 இல் லண்டன் ஒலிம்பிக் போட்டியில் அவர்களுக்கான சில போட்டிகள் நடத்தப்பட்டன. ஆனால் 1960 இல் மாற்றுத் திறனாளிகளுக்கான பாரா ஒலிம்பிக் போட்டிகள் என்று தனித்து நடத்தப்பட்டன.

2024 பாரிஸ் பாரா ஒலிம்பிக்கில் துப்பாக்கிச் சுடுதலில் தங்கம் வென்ற அவனி லெகாரா ஒரு விபத்தால் வீல் சேரில் வாழ்க்கையை நடத்துபவர்.

வில்வித்தைப் போட்டியில் வெண்கலம் வென்றிருக்கும் சீத்தல் தேவி இரண்டு கரங்களும் இல்லாதவர். இரண்டு கரங்களும் இல்லாமல் வில் வித்தைப் போட்டியில் கலந்து கொண்ட முதல் வீராங்கனை இவர்தான். தோள்பட்டை மற்றும் தாடையின் உதவியுடன் இவர் அம்பை எய்திப் பதக்கத்தை வென்றிருக்கிறார்.

இந்த பாரா ஒலிம்பிக்கில் தமிழக வீரர்களின் பங்கும் அளப்பரியது.

காஞ்சிபுரம் துளசிமதி முருகேசன் பாட்மின்டனில் வெள்ளி வென்றிருக்கிறார்.

திருவாருர் மனிஷா ராமதாஸ் பாட்மின்டனில் வெண்கலம் வென்றிருக்கிறார்.

சேலம் மாரியப்பன் தங்கவேலு உயரம் தாண்டுதலில் வெண்கலம் வென்றிருக்கிறார். இவர் ரியோ பாரா ஒலிம்பிக்கில் தங்கமும், டோக்கிய பாரா ஒலிம்பிக்கில் வெள்ளியும் தற்போது வெண்கலமும் வென்றிருக்கிறார் என்பது குறிப்பிடத்தக்கது. தொடர்ச்சியாக மூன்று பாரா ஒலிம்பிக்கில் பதக்கம் வென்றவர் என்ற சாதனையையும் படைத்திருக்கிறார்.

சாதிக்கப் பிறந்தவர்கள்தானே மனிதர்கள்.

சாதனைக்கு எதுவுமே தடையில்லை.

தோல்விகளோ, ஊனமோ எதுவுமே தடையில்லை.

சாதிக்க வேண்டும் என்று துணிந்து எழுந்து விட்டால் சாதனையே எல்லை. அதை நம் இந்திய வீரர்கள் நிரூபித்திருக்கிறார்கள். அவர்களின் உத்வேகத்தையும் சாதனைகளையும் மனதில் கொண்டு நாமும் சாதனை படைக்க நம்மை நாமே தூண்டிக் கொள்வோம். சாதித்துக் காட்டுவோம். சாதிக்கப் பிறந்தவர்கள் நாம் என்பதை நிரூபிப்போம்.

தோல்விகள் உங்களை மூழ்கடிக்க விட்டு விடாதீர்கள்!

தோல்விகள் உங்களை மூழ்கடிக்க விட்டு விடாதீர்கள்!

நோபல் பரிசு பெறும் மௌங்கி பவென்டி சொல்லும் தன்னம்பிக்கைப் பாடம்.

வேதியியலில் 2023 ஆம் ஆண்டிற்கான நோபல் பரிசு பெறும் மௌங்கி பவென்டி கல்லூரியின் முதல் பருவத் தேர்வில் வேதியியல் பாடத்தில் தோல்வியடைந்தவர் என்ற செய்தியை உங்களால் நம்ப முடிகிறதா? அந்தத் தோல்வி அவரை வெகுவாகப் பாதித்திருக்கலாம். ஆனால் அந்தத் தோல்வி அவரை மூழ்கடித்து விடாமல் அவர் பார்த்துக் கொண்டார். அதனால்தான் இன்று எந்த வேதியியல் தேர்வில் தோல்வியைடைந்தாரோ அதே வேதியியல் துறையில் நோபல் பரிசு பெறும் அளவிற்கு உயர்ந்திருக்கிறார்.

நுண் குவாண்டம் புள்ளிகளின் கண்டுபிடிப்பு மற்றும் தொகுப்புக்காக நடப்பாண்டில் வேதியியல் துறைக்கான நோபல் பரிசு பெறுகிறார்

அமெரிக்காவின் மஸாசுசெட்ஸ் பல்கலைக்கழகத்தின் மௌங்கி பவென்டி. 62 வயதாகும் மௌங்கி பவென்டி துனிசிய மற்றும் பிரெஞ்சு பாரம்பரியத்தை உடையவர்.  இவர் தனது பள்ளிப் படிப்பு வரை எளிதாகவே அறிவியல் பாடங்களைப் படித்து வந்துள்ளார். ஆனால், 1970 இல் பள்ளிப்படிப்பை முடித்துவிட்டு ஹார்வேர்டு பல்கலைக்கழகத்தில் சேர்ந்ததும், அவரைத் திடீரென ஓர் அச்சம் தொற்றிக்கொண்டது.

 அப்போது அவர் தேர்வுகளுக்கு படிக்காமலும், அவ்வளவு பெரிய கல்லூரி மற்றும் பேராசிரியர்களைப் பார்த்து மிரண்டும் போயிருந்திருக்கிறார்.

தான் ஹார்வார்டு பல்கலைக் கழகத்தில் முதல் தேர்வு எழுதிய அனுபவத்தை அவர் இப்படி நினைவு கூர்கிறார்.

“முதல் வேதியியல் தேர்வெழுதியது எனக்கு இன்னமும் நினைவிருக்கிறது. முதல் கேள்வியைப் பார்க்கிறேன்.. பதில் தெரியவில்லை. இரண்டாவது கேள்வியைப் பார்க்கிறேன்.. அதே நிலைதான். அதற்கும் பதில் கிடைக்கவில்லை. இறுதியாக அந்தத் தேர்வில் 100க்கு 20 மதிப்பெண்கள் எடுத்து வகுப்பிலேயே கடைசி மதிப்பெண் எடுத்த மாணவராக அறியப்பட்டேன். அப்போது நான் நினைத்தது இதுதான், அடக்கடவுளே.. என் கதை முடிந்துவிட்டது, இனி நான் இங்கே என்ன செய்யப்போகிறேன்?” 

ஆனால், அந்தத் தோல்விக்குப் பிறகு பவென்டி வாழ்க்கையில் நிகழ்ந்ததெல்லாம் விடாமுயற்சியும் தன்னம்பிக்கையும் நிகழ்த்திய ஆச்சரியங்கள். பிறகு பவென்டி வேதியியலைக் காதலிக்கக் கற்றுக்கொண்டார், அதோடு தேர்வுகளுக்குத் தயாராகும் கலையையும் அறிந்துகொண்டார். உடனடியாக தன்னை சரி செய்யும் பணியைத் தொடங்கிவிட்டிருந்தார்.

எப்படி படிக்க வேண்டும் என்பதைக் கற்றுக் கொண்டார். அதுவரை அது பற்றி அவருக்குத் தெரிந்திருக்கவில்லை. அதைக் கற்றுக் கொண்ட பிறகு சந்தித்த தேர்வுகள் அனைத்திலும் 100க்கு 100 மதிப்பெண்கள் எடுத்தார். 

இதன் மூலம் நோபல் பரிசு பெற்ற வேதியியல் விஞ்ஞானியான பவென்டி இளைஞர்களுக்குச் சொல்லும் செய்தி இதுதான், “விடாமுயற்சியை விட்டு விடாதீர்கள். மற்றும் எந்த தோல்வியும் உங்களை அழிக்க விட்டுவிடாதீர்கள். ஏனெனில் நான் சந்தித்த முதல் தோல்வி அது. அது என்னை மூழ்கடித்துவிட்டிருக்கும். ஆனால் அவ்வாறு நான் விட்டுவிடவில்லை.”

ஆகவே எந்தத் தோல்வியும் உங்களை மூழ்கடிக்க விட்டு விடாதீர்கள். தோல்விகளிலிருந்து விடா முயற்சி மூலமாக மீண்டு வாருங்கள். என்ன செய்ய வேண்டும், எப்படிச் செய்ய வேண்டும், என்ன மாற்றத்தை உருவாக்கிக் கொள்ள வேண்டும் என்று யோசித்து தோல்விகளிலிருந்து வெளியே வாருங்கள். தோல்விகளிலிருந்து பாடம் படித்து வெற்றியைப் பெறுங்கள்.

*****

மார்க் சக்கர்பெர்க் பற்றி அறிந்து கொள்வோம்!

மார்க் சக்கர்பெர்க் பற்றி அறிந்து கொள்வோம்!

யார் இந்த மார்க் சக்கர்பெர்க் என்கிறீர்களா?

நீங்கள் முகநூலைப் (பேஸ்புக்) பயன்படுத்தினால் நீங்கள் இவரைப் பற்றி அறியாமல் இருக்க மாட்டீர்கள். இவர்தான் முகநூலை உருவாக்கிய அதன் நிறுவனர். இன்ஸ்டாகிராம், வாட்ஸ் ஆப், திரெட்ஸ் ஆகிய நிறுவனங்களின் தலைவரும் இவரே.

இவரது முழுபெயர் மார்க் எலியட் சக்கர்பெர்க்.

இவரது அப்பா ஒரு பல் மருத்துவர். அம்மா ஒரு மனநல ஆலோசகர். இவருக்கு மூன்று சகோதரிகள். படிக்கும் காலத்தில் கணினி அறிவியலில் மேதை. அப்பாவின் பல் மருத்துவத்திற்கு வரும் நோயாளிகள் குறித்த தரவு சேகரிப்பிற்காகப் பள்ளி வயதிலேயே ஒரு மென்பொருளை உருவாக்கித் தந்திருக்கிறார். விளையும் பயிர் முளையிலேயே தெரியும் என்பது உண்மைதானே!

அமெரிக்காவின் புகழ் பெற்ற ஹார்வார்ட் பல்கலைக்கழகத்தில் படித்தவர் படிப்பை முடிக்காமல் வெளியே வந்து முகநூலை உருவாக்கினார். அங்குள்ள கல்லூரி மாணவர்களுக்கு உரையாடும் வகையில் இவர் உருவாக்கியதே முகநூல். இது நடந்தது 2004இல்.

முகநூலை உருவாக்கி மிக இள வயதிலேயே 2008 இல் பில்லியனர் ஆனார். இவர் பிறந்தது 1984 இல். 20 வயதில் முகநூலை உருவாக்கி 24 வயதிலேயே பில்லியனர் ஆகி விட்டார்.

2003இல் பிரிசில்லாவைச் சந்தித்தார். 2012இல் திருமணம் செய்து கொண்டார். இவருக்கு மூன்று மகள்கள் உள்ளனர். அவர்களின் பெயர்கள் மேக்சிமா, ஆகஸ்ட், ஆரெலியா.

2021இல் மெட்டாவை உருவாக்கினார். மெட்டாவின் கீழ்தான் தற்போது முகநூல், இன்ஸ்டாகிராம், வாட்ஸ் ஆப், திரெட்ஸ் ஆகியவை இயங்குகின்றன.

இவரது சொத்து மதிப்பு 115 பில்லியன் டாலர். உலகின் ஏழாவது பெரும் பணக்காரராக இருக்கிறார். இவருக்கு நிறக்குருடு என்ற கண்பார்வை குறைபாடு உள்ளது. இதனால் இவரால் பச்சை மற்றும் சிவப்பு நிறத்தை வேறுபடுத்திப் பார்க்க முடியாது. பேஸ்புக் லோகோ மற்றும் பின்னணி நீல நிறத்தில் இருப்பதற்கு இது ஒரு காரணம் என்று குறிப்பிடுவர்.

மார்க் சக்கர்பெர்க் பற்றிப் புரிந்து கொள்ள…

மார்க் சக்கர்பெர்க்கின் புகழ்பெற்ற வாசகங்கள் சிலவற்றை நீங்களே பாருங்களேன்.

1. மக்களுக்கு பகிர்வதற்கான அதிகாரத்தை வழங்குவதன் மூலம், உலகை மிகவும் வெளிப்படையானதாக ஆக்குகிறோம்.

2. நீங்கள் அனைவருக்கும் குரல் கொடுத்து மக்கள் அதிகாரத்தை வழங்கும்போது, அமைப்பு பொதுவாக நல்ல இடத்தில் முடிவடையும். எனவே, நமது பங்கை நாம் எதைப் பார்க்கிறோமோ, அந்த அதிகாரத்தை மக்களுக்கு வழங்குகிறோம்.

3. இணைய வலை இப்போது மிக முக்கியமான திருப்புமுனையில் உள்ளது. சமீப காலம் வரை, இணையத்தில் இயல்புநிலையாக பெரும்பாலான விஷயங்கள் சமூகமாக இல்லை, பெரும்பாலான விஷயங்கள் உங்கள் உண்மையான அடையாளத்தைப் பயன்படுத்துவதில்லை. இயல்புநிலை சமூகமாக இருக்கும் வலையை நாங்கள் உருவாக்குகிறோம்.

4. தங்கள் நிறுவனங்களின் வெற்றியில் செழித்து வளர்ந்த இளைய தலைமுறையினருடன், நம்மில் பலருக்கு நம் வாழ்நாளில் முன்னரே திருப்பித் தரவும், நமது பரோபகார முயற்சிகளின் தாக்கத்தைப் பார்க்கவும் ஒரு பெரிய வாய்ப்பு உள்ளது.

5. மக்களைப் புரிந்துகொள்வது நேரத்தை வீணடிப்பதில்லை.

6. இன்றைய Facebook என்பது தகவல்களின் தொகுப்பு அல்ல, இது தொடர்பில் இருக்கவும் தகவல்களைப் பகிரவும் பேஸ்புக்கைப் பயன்படுத்தும் நபர்களின் சமூகம். அவர்கள் எங்களை நம்பும் வரை மட்டுமே அதைச் செய்வார்கள்.

7. நான் செய்யும் அனைத்தும் உடைந்துவிடும், ஆனால் நான் அதை விரைவாக சரிசெய்கிறேன்.

8. ஆப்ஸ் உலகின் மையம் அல்ல. மக்கள் தான்.

9. ஆப்பிள், கூகுள், அமேசான், சாம்சங் மற்றும் மைக்ரோசாப்ட் ஆகியவற்றை விட பேஸ்புக் மிகவும் வித்தியாசமான இடத்தில் உள்ளது. நாங்கள் ஒரு சமூகத்தை உருவாக்க முயற்சிக்கிறோம்.

10. தனியுரிமை மற்றும் இதுபோன்ற சிக்கல்களைப் பற்றி கவலைப்படும் பலர், நாம் செய்யும் எந்த சிறிய தவறுகளையும் எடுத்து, முடிந்தவரை பெரிய ஒப்பந்தமாக மாற்றுவார்கள்.

*****

வாய்ப்புகளைப் பயன்படுத்துங்கள்!

வாய்ப்புகளைப் பயன்படுத்துங்கள்!

உங்களுக்கு இப்போதே ஒரு நிரப்பப்படாத காசோலை தரப்படுகிறது

நீங்கள் விரும்பிய தொகையை நிரப்பிக் கொள்ளலாம்

அப்படி நிரப்பிக் கொண்டால் நீங்கள் வாய்ப்புகளைப் பயன்படுத்துபவராகிறீர்கள்

நிரப்ப தயங்கினால் நீங்கள் வாய்ப்புகளைப் பின்னடையச் செய்பவராகிறீர்கள்

வாய்ப்புகளைக் கொடுக்கத்தான் முடியும்

பயன்படுத்திக் கொள்ளாமல் போவதற்கு யார் என்ன செய்ய முடியும்

உங்கள் தயக்கங்களாலோ பயங்களாலோ வாய்ப்புகளைப் பயன்படுத்தாமல் இருந்து விடாதீர்கள்

சரியான வாய்ப்புகளைப் பயன்படுத்தாமல் விட்டு விடாதீர்கள்

வாய்ப்புகள் கிடைக்கும் போதும், அமையும் போதும் சரியாகப் பயன்படுத்திக் கொள்ளுங்கள்

இதுவே எல்லா காலத்திலும் வெற்றியின் ரகசியமாக இருக்கிறது

*****

Don't let failures get you down!

Don't let failures get you down!

A lesson in self-confidence from Nobel laureate Maungi Pawendi.

Can you believe the news that the 2023 Nobel Prize winner in Chemistry, Maungi Baventi failed in Chemistry in his first semester exam? That defeat must have affected him greatly. But he made sure not to let that defeat overwhelm him. That is why today he has risen to the level of winning the Nobel Prize in the field of chemistry in which he failed the exam.

He was awarded the Nobel Prize in Chemistry this year for the discovery and synthesis of microscopic quantum dots.

62 year old Moungi Baventi is of Tunisian and French heritage. He has studied science subjects with ease till his schooling. But in 1970, after finishing school and joining Harvard University, a sudden apprehension gripped him.

At that time he did not study for the exams and was intimidated by such a big college and professors.

This is how he recalls the experience of writing his first exam at Harvard University.

“I still remember writing the first chemistry exam. Looking at the first question.. I don't know the answer. Looking at the second question.. Same situation. There was no answer to that either. Finally I scored 20 marks out of 100 in that exam and was known as the last student in the class.

That's what I thought, oh my god, my story is over, what am I going to do here?”

But after that failure, everything that happened in Paventy's life was a miracle of perseverance and self confidence. Paventy then learned to love chemistry and the art of preparing for exams. He had immediately set about fixing himself up.

He learned how to read. He didn't know about it until then. After learning it he scored 100 out of 100 in all the exams he wrote.

This is the message of the Nobel Prize winning chemist Poventi to the youth, “Don't give up perseverance. And don't let any failure destroy you. Because it was my first failure. It would have overwhelmed me. But I didn't give up.”

So don't let any failure overwhelm you. Recover from failure through effort. Come out of failures thinking about what to do, how to do it, and what change to make. Learn from failures and achieve success.

*****

ஜாக் மா பற்றி தெரிந்து கொள்வோமா?

ஜாக் மா பற்றி தெரிந்து கொள்வோமா?

யார் இந்த ஜாக் மா?

அலிபாபாவின் நிறுவனர்களில் ஒருவர்தான் ஜாக் மா.

இவர் ஒரு சீனத் தொழில் அதிபர்.

சீனாவின் ஹாங்சோ நகரில் ஒரு நடுத்தரக் குடும்பத்தில் பிறந்தவர்.

இவர் ஆங்கிலம் கற்றுக் கொள்வதற்காக வெளிநாட்டினருக்கு இலவச பயண வழிகாட்டியாகச் செயல்பட்டிருக்கிறார்.

12 டாலர் சம்பளத்திற்கு ஆங்கில ஆசிரியராகவும் பணியாற்றியிருக்கிறார்.

இவர் வேலை தேடிய காலங்களில் இவருக்கு வேலை தர கே.எப்.சி. நிறுவனம் மறுத்திருக்கிறது. இன்று இவர் பல்லாயிரக்கணக்கானோருக்கு வேலை தரும் நிலையில் உள்ளார்.

1994இல் ஒரு மொழிபெயர்ப்பு நிறுவனத்தைத் தொடங்கினார் ஜாக் மா.

1995 இல் அமெரிக்கா சென்ற போது சீனப் பொருட்கள் இணையத்தில் இல்லாததைப் பார்த்த ஜாக் மா அதையே தமக்கான வியாபார வாய்ப்பாகப் பார்த்தார்.

1999இல் அலிபாபாவைத் தொடங்கிய 19 பேரில் இவரும் ஒருவர்.

அலிபாபா ஓர் இணைய வணிக நிறுவனம் (இ காமர்ஸ் நிறுவனம்) என்றாலும் ஜாக் மாவிற்கு இணையத்தைப் பொருத்த வரையில் இணையத்தில் தேடுவதும் மின்னஞ்சல் அனுப்புவதும் தவிர வேறு எதுவும் தெரியாது என்பது வியப்பான ஒன்றல்லவா! இன்று அலிபாபா உலகெங்கும் பிரபலமான ஓர் இணைய வணிக நிறுவனம்.

ஓர் ஆணின் வெற்றிக்குப் பின்னால் ஒரு பெண் இருப்பார் என்பது போல ஜாக் மாவின் வெற்றிக்குப் பின் இருப்பவர் அவர் காதல் மனைவியான ஷாங் யிங்.

தற்போது 25 பில்லியன் டாலர் சொத்து மதிப்புடன் உலகின் 63வது பெரிய பணக்காரராக உள்ளார் ஜாக் மா.

இவர் எப்போதும் தன்னிடம் எந்த வியாபாரத் திட்டமும் இல்லை என்கிறார். அதுவே தன்னுடைய வியாபார வெற்றிக்குக் காரணம் என்றும் சொல்கிறார். இது ரொம்பவே விசித்திரமான காரணம்தான் இல்லையா!

*****

ஜெப் பெசோஸ் பற்றி அறிந்து கொள்வோமா?

ஜெப் பெசோஸ் பற்றி அறிந்து கொள்வோமா?

யார் இந்த ஜெப் பேசோஸ்?

உங்களுக்கு அமேசான் பற்றி தெரியும் என்றால் உங்களுக்கு ஜெப் பெசோஸ் பற்றித் தெரியாமல் இருக்காது.

அமேசானை நிறுவியர் ஜெப் பேசொஸ்.

ஆரம்பத்தில் இணைய வழியில் புத்தகம் விற்கும் நிறுவனமாக ஆரம்பித்து இன்று அமேசான் விற்காத பொருட்களே இல்லை என்ற நிலை வந்து விட்டது. இப்படி ஒரு நிலையை உருவாக்கியவர்தான் அமேசானை உருவாக்கிய ஜெப் பெசோஸ்.

ஜெப் பெசோஸ் பிறந்த போது அவரது தாய்க்கு வயது 17. திருமணமான ஒன்றரை வருடங்களில் அவரது தாயார் கணவரைப் பிரிந்தார். இவரைக் கைக்குழந்தையாகச் சுமந்து கொண்டே அவரது தாயார் கல்லூரி படிப்பை முடித்தார். இதெல்லாம் ஜெப் பெசோஸ் வாழ்க்கையில் நடந்த போராட்டம் மற்றும் சாதனை அத்தியாயங்கள் என்றுதான் சொல்ல வேண்டும்.

படிக்கும் காலத்திலயே ஜெப் பெசோஸ் மெக் டொனால்ட் உணவகத்தில் பகுதி நேரமாகப் பணியாற்றியிருக்கிறார். கல்விச் சுற்றுலா ஏற்பாடு செய்து பணம் சம்பாதித்திருக்கிறார்.

இவர் பிரின்ஸ்டன் பல்கலைக்கழகத்தில் இன்ஜினியரிங் படித்தவர்.

படிப்பை முடித்து வால் ஸ்ட்ரீட்டில் நிதி நிறுவனங்களில் வேலை பார்த்திருக்கிறார். ஒரு நிதி நிறுவனத்தில் இளம் வயதிலேயே துணைத் தலைவர் ஆகியும் அந்த வேலையை விட்டு விட்டு அமேசான் நிறுவனத்தைத் தொடங்கித் தனது 35வது வயதில் அதாவது 1999இல் பில்லியனர் ஆனார். அப்படியானால் இவர் பிறந்தது எப்போது என்கிறீர்களா? நீங்களே கணக்கிட்டுப் பாருங்களேன். இவர் பிறந்தது 1964இல்.

2021 இல் இவர்தான் உலகின் நம்பர் ஒன் பணக்காரர். அப்போது அவரது சொத்தின் மதிப்பு 181 பில்லியன் டாலர்.

தற்போது அவரது சொத்தின் மதிப்பு 157 பில்லியன் டாலர். உலகின் மூன்றாவது பெரும் பணக்காரராக இருக்கிறார்.

புதுமையான சிந்தனைகளும் அச்சிந்தனைகளின் வழி மக்களின் தேவைகளை நிறைவு செய்தலும் ஒருவரைப் பணக்காரர் ஆக்கும் என்பதற்கு ஜெப் பெசோசின் வாழ்க்கை ஒரு நல்ல எடுத்துக்காட்டு எனலாம். ஆம்! இன்று அமேசான் அதே அளவோடு நின்று விடாமல் அமேசான் பிரைம், அமேசான் மியூசிக் என்று அமேசான் விரிந்து கொண்டே இருக்கிறது அல்லவா!

இத்தகவல்கள் / விவரங்கள் உங்களுக்குப் பயனுள்ளதாக அமைந்திருக்கும் என்று நம்புகிறேன்.

மீண்டும் ஒரு பயனுள்ள தகவலோடு / விவரங்களோடு இதே வலைப்பூவில் (www.teachervijayaraman.blogspot.com) சந்திப்போம்.

நன்றி!

வணக்கம்!

*****

வால்ட் டிஸ்னியின் விடா முயற்சியும் விஸ்வரூப வெற்றியும்!

வால்ட் டிஸ்னியின் விடா முயற்சியும் விஸ்வரூப வெற்றியும்!

விடாமுயற்சியின் சொந்தக்காரராக எடிசனைக் குறிப்பிடுவர். எடிசன் மட்டுமா? வால்ட் டிஸ்னியையும் குறிப்பிடலாம். வெற்றியாளர்கள் அனைவருமே விடா முயற்சியின் சொந்தக்காரர்கள்தான்.

அமெரிக்காவின் சிகாகோவில் பிறந்த டிஸ்னிக்கு ஓவிய ஆர்வம் மிகுதி. அந்த ஆர்வத்தின் காரணமாகவே தொலைதூரக் கல்வியில் கேலிச்சித்திரம் (கார்டூன்) வரைய கற்றுக் கொண்டார்.

அந்தத் தொலைதூரக் கல்வி அவரது வாழ்க்கையை மாற்றியது. மாற்றியது என்றால் உடனடியாக மாற்றவில்லை. அவர் வரைந்த மிக்கி மௌஸ் பிரபலமாகும் வரை அவர் கேலிச்சித்திரங்களை வரைந்து கொண்டு பலவிதமான வேலைகளைப் பார்த்தார்.

செய்தித்தாள் போடுபவராக வேலை பார்த்தார். அவசரகால ஊர்தி (ஆம்புலன்ஸ்) ஓட்டுநராக இருந்தார். கலை நிறுவனங்களில் (ஆர்ட் ஸ்டூடியோ) வேலை பார்த்தார். விளம்பர தயாரிப்புப் பணிகளைச் செய்தார். கேலிச்சித்திரக் காணொளிகள் தயாரித்துப் பார்த்தார். எதிலும் அவருக்கு எதிர்பார்த்த வெற்றி கிடைக்கவில்லை. வெற்றி கிடைக்கா விட்டாலும் அவரது முயற்சிகள் ஓயவில்லை.

ஒரு நாள் அவரைச் சுற்றி விளையாடிய சுண்டெலி அவருக்குள் வித்தியாசமான படைப்பூக்க உண்ரவைத் தந்தது. அந்தச் சுண்டெலியை மகிழ்ச்சியான கேலிச்சித்திரமாக உருவாக்கினார். அதற்கு மார்டிமர் மௌஸ் எனப் பெயரிட்டார். அந்தப் பெயர் அவரது மனைவிக்குப் பிடிக்காததால் அதற்கு மிக்கி மௌஸ் எனப் பெயரிட்டார். அந்த மிக்கி மௌஸ் பாத்திரத்திற்கு அவரே குரல் கொடுத்து திரைக்காணொளிகளாக (அனிமேஷன் திரைப்படம்) உருவாக்கினார். மிக்கி மௌஸ் திரைக்காணொளிகள் அவருக்குப் பெரும் பெயர் பெற்றுத் தந்தது.

திரைக்காணொளிகளைத் தொடர்ந்து மிக்கி மௌஸ் பொம்மைகள், மிக்கி மௌஸ் படம் கொண்ட உடைகள், பைகள், இனிப்பு வகைகள், பனிக்கூழ் வகைகள் போன்றவற்றையும் வெளியிட்டு மிக்கி மௌஸை மேலும் பிரபலப்படுத்தினார்.

திரைக்காணொளிகளோடு நின்று விடாமல் மாபெரும் பொழுதுபோக்கு பொருட்காட்சி நிறுவனங்களையும் (தீம் பார்க்) உருவாக்கினார் டிஸ்னி. மிக்கி மௌஸ், சின்ட்ரெல்லா போன்ற குழந்தைகள் விரும்பும் பாத்திரங்களை மிகப் பெரிய அளவில் அமைத்து பொழுதுபோக்கு விருந்து படைத்தார்.

குழந்தைகள் விரும்பும் வகையில் அனைத்துப் பொழுதுபோக்கு அம்சங்களும் நிறைந்த டிஸ்னி உலகத்தை (டிஸ்னி லேண்ட்) 1955இல் உருவாக்கினார். அப்போதிலிருந்து தற்போது வரை டிஸ்னி உலகம் குழந்தைகளைக் கவரும் பிரமாண்ட பொழுதுபோக்கு உலகமாக உள்ளது.

வால்ட் டிஸ்னியின் விடாமுயற்சியே டிஸ்னி உலகம் எனும் விஸ்வரூப வெற்றியாக அன்றும் இன்றும் என்றும் நம் கண் முன் நிற்கிறது.

தோல்விகள் பல நேர்ந்தாலும் விடாமுயற்சி இருந்தால் வெற்றி என்பது சாத்தியமே என்பதை வால்ட் டிஸ்னியின் வாழ்க்கையும் நிரூபிக்கிறது என்றால் அது மிகையில்லைதானே!

*****