கல்வி & பொது அறிவுச் செய்திகள் – 27.10.2026

கல்வி & பொது அறிவுச் செய்திகள் – 27.10.2026

1) வங்கக் கடலில் உருவாகியுள்ள அர்னாப் புயல் அதிதீவிரப் புயலாக வலுப்பெற்று கிழக்குக் கடற்கரையை நோக்கி நகர்ந்து வருகிறது

2) அர்னாப் புயலால் தமிழகம், ஆந்திரா மற்றும் ஒடிசாவில் கனமழை பெய்து வருகிறது.

3) தாமாக முன்வந்து பதவியை ராஜினாமா செய்யும் எம்பி, எம்எல்ஏக்களுக்கு 5 ஆண்டுகள் போட்டியிட தடை விதிப்பது குறித்தும், இடைத்தேர்தல் செலவுத் தொகையை அவர்களிடமே வசூலிப்பது குறித்தும் பரிசீலிக்க உச்ச நீதிமன்றம் ஒப்புக் கொண்டுள்ளது.

4) நாட்டிலுள்ள அனைத்து நீதிமன்ற வளாகங்களிலும் பெண் வழக்கறிஞர்களுக்குத் தனி ஓய்வறை மற்றும் அடிப்படை வசதிகள் கட்டாயம் இருக்க வேண்டும் என்று உச்ச நீதிமன்றம் உத்தரவிட்டுள்ளது.

5) நவம்பர் 1 முதல் ஆயிரம் ரூபாய்க்கு மேல் மது வாங்குவோர் எண்ம பரிவர்த்தனை மூலமாகப் பணம் செலுத்துவது கட்டாயம் என டாஸ்மாக் நிர்வாகம் அறிவித்துள்ளது.

6) தேனி மாவட்ட சிறையிலிருந்து தப்பியோடிய 15 கைதிகளைப் பிடிக்க காவல் துறையினர் தீவிர வேட்டையில் ஈடுபட்டுள்ளனர்.

7) சபரிமலை ஐயப்பன் கோயில் தரிசனத்துக்கான இணையவழி முன்பதிவு அக்டோபர் 29 முதல் தொடங்கும்.

Education & GK News

1) Cyclone Arnab, which has formed in the Bay of Bengal, has intensified into a very severe cyclonic storm and is moving towards the east coast.

2) Cyclone Arnab is causing heavy rainfall in Tamil Nadu, Andhra Pradesh, and Odisha.

3) The Supreme Court has agreed to consider a proposal to impose a five-year ban on contesting elections for MPs and MLAs who resign from their posts voluntarily, and to recover the costs incurred for by-elections from them.

4) The Supreme Court has ordered that separate rest rooms and basic amenities for female lawyers must be provided in all court complexes across the country.

5) The TASMAC administration has announced that, effective November 1, those purchasing liquor worth more than Rs.1,000 must make payments through digital transactions.

6) The police have launched an intensive manhunt to apprehend 15 prisoners who escaped from the Theni District Jail.

7) Online booking for darshan at the Sabarimala Ayyappa Temple will commence on October 29.

மாறும் காலம், மலரும் தொழில்நுட்பம்!

மாறும் காலம், மலரும் தொழில்நுட்பம்!

வாழ்க்கை என்பது நேர மேலாண்மையின் உன்னதமான கோலம். காலம் என்னும் விலைமதிப்பற்ற நதியை எந்த அளவுக்கு நாம் பயனுள்ள நன்செய் நிலங்களுக்குப் பாய்ச்சுகிறோம் என்பதில்தான் நம் வெற்றியின் முகவரி அடங்கியிருக்கிறது. அன்றாடப் பணிகளில் நேரத்தைச் செலவிடுவதை விட, அதைச் சரியாக முதலீடு செய்வதே சான்றோரின் அடையாளம்.

முன்னொரு காலத்தில், ஒரு கருத்தை பிறருக்குக் காட்சிப்படுத்தி விளக்குவதற்கு நாம் பவர்பாயிண்ட் என்னும் தொழில்நுட்பச் சட்டகத்தில் நேரத்தைக் கரைத்தோம். வண்ணங்களைத் தேர்ந்தெடுப்பது, படங்களை வரிசைப்படுத்துவது, வடிவமைப்பு மாறாமல் பார்த்துக்கொள்வது என எண்ணற்ற மணிநேரங்கள் வடிவாக்கத்திற்கே வீணாயின. எண்ணங்களின் செழுமையை விட, அதைச் சீரமைக்கும் உழைப்பே அதிகமாகக் கேட்கப்பட்டது.

ஆனால், காலம் மாற்றத்தின் தோழன். "சுவர் இருந்தால் தான் சித்திரம் வரைய முடியும்" என்பார்கள். இங்கே நம் எண்ணங்கள் எனும் சுவருக்கு காம்மா (Gamma) என்னும் செயற்கை நுண்ணறிவுத் தளம் நொடிப் பொழுதில் அழகிய சித்திரத்தைத் தீட்டித் தருகிறது.

வெறும் சில குறிப்புகளை நாம் விதையாகத் தூவினால் போதும்; அதுவே அழகிய மரமாக உருவெடுத்து, தகவல்களையும் படங்களையும் வரைபடங்களையும் உள்ளடக்கிய முழுமையான விளக்கக் காட்சியாக, ஆவணங்களாக, ஏன் இணையப் பக்கங்களாகவே பரிணமிக்கிறது. நாம் புதிய தகவல்களைச் சேர்க்கும் போது, அதன் வடிவமைப்பு சிதையாமல் தானாகவே சீரமைத்துக் கொள்ளும் வசதி இதில் இருக்கிறது.

மாற்றங்களை விரும்புவோருக்கு இது ஒரு வரப்பிரசாதம். உருவாக்கப் பட்ட ஆவணத்தில் ஏதேனும் திருத்தங்கள் செய்ய வேண்டுமெனில், மீண்டும் முதன்முறையிலிருந்து தொடங்க வேண்டியதில்லை. "வண்ணத்தை மாற்று", "பத்தியைச் சுருக்கு" எனச் சிறிய கட்டளையிட்டால் போதும்; நொடியில் திருந்தி நிற்கும். பழைய பி.டி.எப் மற்றும் பவர்பாயிண்ட் ஆவணங்களைக்கூட இதில் பதிவேற்றி, நவீன ஆடையாகப் புதிய பொலிவை அளிக்க முடியும்.

வெறும் எழுத்துகளும் படங்களும் மட்டுமே ஒரு விளக்கக் காட்சியை முழுமையாக்கிவிடாது. யூடியூப் காணொளிகள், ஸ்பாட்டிபை பாடல்கள், படிவங்கள் என அனைத்தையும் இதனுள் நேரடியாக இணைக்கும் ஆற்றல் இதற்கு உண்டு. அதுமட்டுமன்றி, நாம் உருவாக்கிய படைப்பை எத்தனை பேர் பார்த்தார்கள், எந்தப் பக்கத்தில் அதிக நேரம் சிந்தித்துச் செலவிட்டார்கள் என்ற பகுப்பாய்வு  விவரங்களையும் இது துல்லியமாகத் தருகிறது.

"கருவியை இயக்குவது எளிது; ஆனால் அதனிடம் வேலை வாங்கும் கலை முக்கியமானது." எனும் வாக்கிற்கேற்ப, செயற்கை நுண்ணறிவுக் கருவிகளிடம் நாம் கொடுக்கும் கட்டளைகள் தெளிவானதாகவும், அதன் நோக்கம் துல்லியமானதாகவும் இருக்க வேண்டும்.

தொழில்முனைவோராகட்டும், விற்பனை வல்லுநர்களாகட்டும், மாணவர்களுக்கு வழிகாட்டும் ஆசிரியர்களாகட்டும் அல்லது திட்ட அறிக்கைகளைத் தயாரிக்கும் மேலாளர்களாகட்டும் கால விரயத்தையும் வடிவமைப்புச் சிக்கல்களையும் நீக்கி, வேகமாகவும் அழகாகவும் செயலாற்ற விரும்புவோருக்கு காம்மா (Gamma) ஒரு சிறந்த துணைவன்.

தொழில்நுட்பம் என்பது நம் அடிமை அல்ல, அது நம் ஆற்றலை உயர்த்தும் ஒரு நெம்புகோல். அதைச் சரியாகப் பயன்படுத்தி, நேரத்தைச் சேமித்து, நம் சிந்தனைக்கும் படைப்பாற்றலுக்கும் அதிக முக்கியத்துவம் கொடுப்பதே அறிவுடைமை. மாறும் உலகத்தோடு கரம்கோர்த்து முன்னேறுவோம்; வெற்றியின் சிகரங்களைத் தொடுவோம்!

*****

குரூப் 4 தேர்வுக்கான அணுகுமுறையும் மாதிரி வினா விடையும் – 7

குரூப் 4 தேர்வுக்கான அணுகுமுறையும் மாதிரி வினா விடையும் – 7

குரூப் 4 தேர்வுகளுக்குத் தயாராகும் தேர்வு ஆர்வலர்கள் பின்பற்ற வேண்டிய அணுகுமுறைகளையும், அவர்களுக்குப் பயன்படும் மாதிரி வினா விடைகளையும் கீழே காண்க. 

*****

குரூப் 2 & 2A மாதிரி வினா விடை – 56

குரூப் 2 & 2A மாதிரி வினா விடை – 56

குரூப் 2 மற்றும் 2 ஏ தேர்வுகளுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

கல்வி & பொது அறிவுச் செய்திகள் – 26.10.2026

கல்வி & பொது அறிவுச் செய்திகள் – 26.10.2026

1) நடப்பு ஆண்டில் 1320 அரசுப் பள்ளி மாணவர்கள் உயர்கல்வி நிறுவனங்களில் சேர்க்கை பெற்றுள்ளனர். இது கடந்த ஆண்டை விட 46 சதவீதம் அதிகம் ஆகும்.

2) வங்கக் கடலில் அர்னாப் புயல் இன்று உருவாகிறது. இப்புயல் 28 ஆம் தேதி அதிதீவிரப் புயலாக ஆந்திராவில் கரையைக் கடக்கும் என எதிர்பார்க்கப்படுகிறது.

3) தமிழகத்தில் தீவிரமாகத் தொடரும் கனமழைக்கு மூவர் பலியாகியுள்ளனர்.

4) பண்டிகைக் காலங்களில் உள்நாட்டுப் பொருட்களை வாங்குமாறு பிரதமர் நரேந்திர மோடி நாட்டு மக்களைக் கேட்டுக் கொண்டுள்ளார்.

5) 2029க்குள் மேலும் 4 ராக்கெட் ஏவுதளங்கள் அமைக்கப்படும் என இஸ்ரோ தலைவர் வி. நாராயணன் தெரிவித்துள்ளார்.

6) பிரபல சமையல் கலை நிபுணர் தாமு உடல்நலக் குறைவால் மரணமடைந்தார். அவருக்கு வயது 72.

Education & GK News

1) This year, 1,320 students from government schools have secured admission to higher education institutions—an increase of 46 percent compared to last year.

2) Cyclone 'Arnab' is set to form in the Bay of Bengal today. It is expected to intensify into a very severe cyclonic storm and make landfall in Andhra Pradesh on the 28th.

3) Three people have died due to the heavy, persistent rains in Tamil Nadu.

4) Prime Minister Narendra Modi has urged the nation to purchase domestic products during the festive season.

5) ISRO Chairman V. Narayanan has announced that four additional rocket launch pads will be established by 2029.

6) Renowned culinary expert Damu has passed away due to ill health. He was 72 years old.

காய்ச்சலைத் தாண்டிய வாழ்க்கைப் பயணம்

காய்ச்சலைத் தாண்டிய வாழ்க்கைப் பயணம்

பருவமழை பொழியத் தொடங்கும் போது பூமி தன் தாகத்தைத் தணித்துக் கொள்கிறது. ஆனால், அதே மழைக்காலம் மனித உடலுக்குச் சில சவால்களையும், சோதனைகளையும் அள்ளித் தருகிறது.

டெங்கு, சிக்குன்குனியா, மலேரியா, டைபாய்டு எனப் பெயர்கள் வெவ்வேறாக இருந்தாலும், நோய்த்தொற்று உடலை விட்டு விலகிய பிறகும் அது விட்டுச் செல்லும் சோர்வு என்ற சுவடு ஒரே மாதிரியானதுதான்.

காய்ச்சல் நின்றவுடன் நோய் முற்றிலும் குணமாகிவிட்டது என்று கருதுவது பலரின் அறியாமை. உடலின் இயல்பு நிலையை மீட்டெடுப்பது என்பது ஒரு கலை; அது அவசரப்பட்டு கடக்க வேண்டிய ஓட்டப்பந்தயம் அல்ல.

நோய்க்குப் பிந்தைய காலத்தில் உடலின் செரிமான சக்தி மிகவும் மெலிந்திருக்கும். பசியின்மை இருக்கும்போது கட்டாயப்படுத்தி அதிக உணவை உட்கொள்வது, காயம்பட்ட காலால் வேகமாக ஓட முயல்வதற்குச் சமம்.

அது போன்ற நேரங்களில் இட்டிலி, உப்புமா, கஞ்சி போன்ற எளிதில் செரிக்கக்கூடிய உணவுகளோடு காய்ச்சலுக்குப் பின்பான மீட்புப் பயணத்தைத் தொடங்க வேண்டும்.

செரிமானம் சீரடைந்த பிறகு பருப்பு, பச்சைப்பயறு, முட்டை, மீன் போன்ற புரதச்சத்து நிறைந்த உணவுகளைப் படிப்படியாகச் சேர்க்கலாம்.

நன்கு சமைத்த காய்கறிகளும், வாழைப்பழம், பப்பாளி, கொய்யா போன்ற நமது மண்ணின் பழங்களும் உடலுக்குத் தேவையான உயிர்ச்சத்துகள் எனும் வைட்டமின்களைத் தடையின்றி வழங்கும்.

உடலின் கழிவுகளை வெளியேற்றவும், உயிரணுக்களுக்குப் புத்துணர்ச்சி அளிக்கவும் நீர்ச்சத்து மிக அவசியம். சுத்தமான நீர், சூடான சாறுகள் எனும் சூப் வகைகள் மற்றும் தேவைப்படின் வாய்வழி எடுத்துக் கொள்ளும் உப்பு சர்க்கரைக் கரைசல் எனும் ஓ.ஆர்.எஸ் திரவங்களை அருந்துவது உடலை நீரிழப்பிலிருந்து காக்கும். என்றாலும் உணவு விஷயத்தில் நீரிழிவு, சிறுநீரக அல்லது இதயப் பிரச்சினை உள்ளவர்கள் மருத்துவரின் வழிகாட்டுதலைப் பின்பற்றுவது அவசியம்.

ஓய்வு என்பது சோம்பல் அல்ல; அது அடுத்த கட்டப் பாய்ச்சலுக்கான தயாரிப்பு என்பதை நோயிலிருந்து மீண்டவர்கள் உணர வேண்டும். காய்ச்சல் குறைந்த உடனே பழைய பணிச்சுமைக்குத் திரும்புவது உடலுக்குச் செய்யும் துரோகம். படிப்படியாகவே செயல்பாடுகளை அதிகரிக்க வேண்டும். தூக்கமும், அமைதியான ஓய்வுமே உடலின் காயங்களை ஆற்றும் மிகப்பெரிய மருந்துகள்.

தொடர் மூட்டுவலி, சோர்வு, இருமல் அல்லது பசியின்மை நீடித்தால் அதை சாதாரண பலவீனம் என்று அலட்சியப்படுத்தக் கூடாது.

குறிப்பாகக் காய்ச்சல் தணிந்த பின்னரும் பின்வரும் எச்சரிக்கை அறிகுறிகள் தென்பட்டால் உடனடியாக மருத்துவ உதவியை நாட வேண்டும். அவையாவன,

1) கடுமையான வயிற்றுவலி மற்றும் தொடர் வாந்தி

2) மூச்சுத்திணறல் அல்லது நெஞ்சுவலி

3) மயக்கம் மற்றும் சிறுநீர் அளவு குறைதல்

4) கண்கள் மஞ்சளாதல் அல்லது மீண்டும் அதிக காய்ச்சல் வருதல்

ஆக நோய்க்குப் பிந்தைய மீட்பு என்பது உணவு, தூக்கம், வாழ்க்கை முறை மாற்றம் ஆகியவற்றின் ஒருங்கிணைந்த கூட்டு முயற்சியாகும்.

இயற்கையின் விதிகளுக்குக் கீழ்ப்படிவதே ஆரோக்கியத்தின் ரகசியம். மழைக்காலம் நமக்கு நோய்களை மட்டும் தருவதில்லை; உடலின் மொழியைப் புரிந்து கொள்வதற்கான வாய்ப்பையும் தருகிறது.

நிதானமான உணவு, போதுமான ஓய்வு, நேர்மறையான மனநிலை என இம்மூன்றும் இருந்தால், காய்ச்சலுக்குப் பிந்தைய சோர்வை வென்று, நாம் மீண்டும் புத்தொளி வீசும் உடல் வலிமையைப் பெற முடியும்.

நோயற்ற வாழ்வே குறைவற்ற செல்வம் என்பதால் இச்செல்வத்தைச் சேர்த்து வைத்துக் கொள்ளவும் ஆர்வம் காட்டுவது தற்போதைய காலத்துக்கு அவசியம் ஆகும்.

*****

குரூப் 4 தேர்வுக்கான அணுகுமுறையும் மாதிரி வினா விடையும் – 6

குரூப் 4 தேர்வுக்கான அணுகுமுறையும் மாதிரி வினா விடையும் – 6

குரூப் 4 தேர்வுகளுக்குத் தயாராகும் தேர்வு ஆர்வலர்கள் பின்பற்ற வேண்டிய அணுகுமுறைகளையும், அவர்களுக்குப் பயன்படும் மாதிரி வினா விடைகளையும் கீழே காண்க. 

*****