குரூப் 4 தேர்வுக்கான மாதிரி வினா விடை – 20

குரூப் 4 தேர்வுக்கான மாதிரி வினா விடை – 20

குரூப் 4 தேர்வுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

உடலுக்கு ஏற்ற நல்லுணவு எது?

உடலுக்கு ஏற்ற நல்லுணவு எது?

இயற்கையோடு இணைந்து வாழ்வதே மனித குலத்தின் ஆகச்சிறந்த அறம். உயிரினங்கள் தங்களின் வாழ்வியலைத் தொடர்ந்து முன்னெடுத்துச் செல்ல உணவு இன்றியமையாத தேவையாக இருக்கிறது.

இயற்கையின் அற்புதப் படைப்பான உணவுச்சங்கிலி அறுபடாமல் இருக்கும் வரைதான், இவ்வுலகில் உயிர்களின் சமநிலை பேணப்படும்.

இதனை உணர்ந்தே நம் முன்னோர்கள் உணவை வெறும் பசி தீர்க்கும் பொருளாகப் பார்க்காமல், உடலைப் பேணும் அருமருந்தாகப் போற்றினர். திருவள்ளுவரும் தன் மறைமொழியில்,

"அற்றது அறிந்து கடைப்பிடித்து மாறல்ல

துய்க்க துவரப் பசித்து"                              (குறள், 944)

என்று மிக அழகாக எடுத்தியம்புகிறார். முன் உண்ட உணவு முழுமையாகச் செரித்த பின், உடலுக்குத் தீங்கற்ற மாறுபாடில்லாத உணவை, நன்கு பசி எடுத்த பிறகு அளவோடு உண்டு வந்தால், மனிதனுக்கு நோய் தீர்க்கும் மருந்து என்ற ஒன்றே தேவையில்லை என்பது வள்ளுவத்தின் திண்ணமான உண்மை.

ஆனால், காலத்தின் சுழற்சியில் நவீனமயமாக்கல் என்ற பெயரில் நம் உணவுப் பழக்கவழக்கங்கள் தலைகீழாக மாறிவிட்டன. உணவே மருந்து என்றிருந்த உன்னத நிலை மாறி, இன்று மருந்தே உணவு என்னும் கவலைக்கிடமான சூழலுக்கு நாம் தள்ளப்பட்டிருக்கிறோம்.

குறிப்பாக, இன்றைய வேகமான உலகில் துரித உணவுகள் நம் அன்றாட வாழ்வின் உணவுக் கலாச்சாரத்தை ஆக்கிரமித்துவிட்டன. அத்தகைய உணவுகளில் தவிர்க்க முடியாத ஒர் அங்கமாக உருவெடுத்திருப்பதுதான் பனீர்.

குழந்தைகள் முதல் பெரியவர்கள் வரை அனைவரும் விரும்பி உண்ணும் பனீர் 65, பனீர் மசாலா, பனீர் பிரியாணி, பனீர் சுக்கா, பனீர் பிரை என அந்தப் பட்டியல் நீண்டு கொண்டே செல்கிறது.

பாலில் இருந்து பெறப்படும் தூய்மையான பாலாடைக்கட்டி உடலுக்கு நன்மையையும், புரதச்சத்தையும் தரக்கூடியது என்பதில் ஐயமில்லை. வீடுகளிலேயே மிக எளிமையாகவும் மென்மையாகவும் இதனைத் தயாரிக்க முடியும்.

ஆனால், இன்று சந்தைகளிலும் உணவகங்களிலும் விற்கப்படும் பனீர் உண்மையிலேயே தூய்மையான பாலில் இருந்துதான் தயாரிக்கப்படுகிறதா என்னும் வினா ஒவ்வொருவர் மனதிலும் எழுகிறது.

பாலில் தயாரிக்கப்படும் பனீர் உடலுக்கு ஊட்டச்சத்து தருகிறது. ஆனால், அதிக லாபத்திற்காகச் சில இடங்களில் ரசாயனங்கள், தாவர எண்ணெய்கள், கொழுப்பு, ஸ்டார்ச் போன்றவற்றைச் சேர்த்துப் போலியாக உருவாக்கப்படும் செயற்கைப் பனீர் மனித உடலுக்குக் கடுமையான கேடுகளை விளைவிக்கிறது. இதில் பால் பொருட்கள் ஏதும் இல்லாததால், இது ஊட்டச்சத்திற்குப் பதிலாக நோய்களையே பரிசளிக்கிறது.

தற்போது தமிழகம் முழுவதும் பனீரின் பயன்பாடு நாள்தோறும் அதிகரித்துக்கொண்டே இருக்கிறது. இங்கு நாம் சிந்திக்க வேண்டிய ஆழமான வினாக்கள் சில உண்டு. அவையாவன,

1. தமிழகத்தில் இருக்கும் பசுக்களின் எண்ணிக்கை எவ்வளவு?

2. அவற்றிலிருந்து நாள்தோறும் பெறப்படும் பாலின் அளவு எவ்வளவு?

3. ஆனால், சந்தையிலும் உணவகங்களிலும் தினமும் விற்பனையாகும் பனீரின் அளவு எவ்வளவு?

இந்தக் கணக்கீட்டை ஒப்பீடு செய்து பார்த்தாலே உண்மை நிலை புலப்படும். தமிழகத்தில் இயங்கும் பல்வேறு தொழிற்சாலைகளிலும், கடைகளிலும் விற்கப்படும் பனீர் இயற்கையான பாலில் இருந்து தயாரிக்கப்படுகிறதா அல்லது ரசாயனங்கள் கலந்த செயற்கைப் பனீரா என்பதைக் கண்டறிய வேண்டிய கட்டாயத்தில் நாம் இருக்கிறோம்.

"சுவர் இருந்தால்தான் சித்திரம் வரைய முடியும்." என்பதைப் போல, ஆரோக்கியமான மக்கள் இல்லாமல் நாட்டின் உண்மையான வளர்ச்சி சாத்தியமாகாது. ஆகவே நாட்டின் மெய்யான மேன்மை என்பது அந்நாட்டு மக்களின் ஆரோக்கியத்தில்தான் அடங்கியிருக்கிறது.

நோயற்ற வாழ்வே குறைவற்ற செல்வம் என்பதை உணர்ந்து, இயற்கை உணவுப்பாதைக்குத் திரும்புவோம்; போலி உணவுகளைப் புறக்கணிப்போம்!

*****

குரூப் 4 தேர்வுக்கான மாதிரி வினா விடை – 19

குரூப் 4 தேர்வுக்கான மாதிரி வினா விடை – 19

குரூப் 4 தேர்வுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

போட்டித் தேர்வு வழிகாட்டி – 7

போட்டித் தேர்வு வழிகாட்டி – 7

போட்டித் தேர்வுகளுக்குத் தயாராகும் தேர்வு ஆர்வலர்களுக்குப் பயன்படும் பயனுள்ள தேர்வுக் குறிப்புகளைக் கீழே காண்க. 

*****

கல்வி & பொது அறிவுச் செய்திகள் – 07.11.2026

கல்வி & பொது அறிவுச் செய்திகள் – 07.11.2026

1) நவம்பர் இரண்டாம் வாரத்தில் தென்மேற்கு வங்கக் கடலில் புதிய காற்றழுத்த தாழ்வு மையம் உருவாக வாய்ப்புள்ளதாக வானிலை ஆய்வு மையம் தெரிவித்துள்ளது.

2) மத்திய கல்வி வாரியப் பள்ளிகளுக்கான (சிபிஎஸ்இ) பத்தாம் வகுப்பு மற்றும் பனிரெண்டாம் வகுப்பு பொதுத்தேர்வுகள் பிப்ரவரி 16 முதல் துவங்குகின்றன.

3) தீபாவளி பண்டிகையை முன்னிட்டு சென்னையிலிருந்து 10 லட்சத்திற்கும் மேற்பட்டோர் சொந்த ஊர்களுக்குப் பயணிக்கின்றனர்.

4) தமிழகத்துக்கு இன்றிலிருந்து நவம்பர் 21 வரை 3000 கனஅடி தண்ணீர் நாள்தோறும் வழங்குமாறு கர்நாடகத்துக்குக் காவிரி நீர்மேலாண்மை ஆணையம் உத்தரவிட்டுள்ளது.

5) உலகின் உயரமான தொடர்வண்டி நிலையத்தை லடாக்கில் அமைக்க இந்தியா திட்டமிட்டு வருகிறது.

Education & GK News

1) The Meteorological Department has stated that a new low-pressure area is likely to form over the southwest Bay of Bengal during the second week of November.

2) The Class 10 and Class 12 public examinations for Central Board of Secondary Education (CBSE) schools will commence on February 16.

3) Over a million people are traveling from Chennai to their hometowns for the Diwali festival.

4) The Cauvery Water Management Authority has directed Karnataka to release 3,000 cubic feet of water per second (cusecs) daily to Tamil Nadu, effective from today until November 21.

5) India is planning to construct the world’s highest railway station in Ladakh.

குரூப் 4 தேர்வுக்கான மாதிரி வினா விடை – 18

குரூப் 4 தேர்வுக்கான மாதிரி வினா விடை – 18

குரூப் 4 தேர்வுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

கல்வி & பொது அறிவுச் செய்திகள் – 06.11.2026

கல்வி & பொது அறிவுச் செய்திகள் – 06.11.2026

1) தீபாவளியை முன்னிட்டு அனைத்து அங்காடிகளுக்கும் இன்று செயல்படும் என அறிவிக்கப்பட்டுள்ளது.

2) நவம்பர் 13 இல் வங்கக் கடலில் புதிய புயல் உருவாக வாய்ப்புள்ளதாக வானிலை ஆய்வு மையம் தெரிவித்துள்ளது.

3) இன்று தென் தமிழகத்தில் கனமழைக்கான வாய்ப்பு உள்ளது.

4) தங்கள் விலைஇரண்டு நாட்களில்சவரனுக்கு 4680 ரூபாய் உயர்ந்தது.

5) சர்வதேச கால்பந்து போட்டிகளில் இருந்து ஓய்வு பெறுவதாக ரொனால்டோ அறிவித்துள்ளார்.

Education & GK News

1) It has been announced that all Ration shops will remain open today in view of Diwali.

2) The Meteorological Department has stated that there is a possibility of a new cyclone forming in the Bay of Bengal on November 13.

3) There is a possibility of heavy rain in southern Tamil Nadu today.

4) The price of gold has increased by Rs. 4,680 per sovereign over the last two days.

5) Ronaldo has announced his retirement from international football.