குரூப் 4 தேர்வுக்கான மாதிரி வினா விடை – 26

குரூப் 4 தேர்வுக்கான மாதிரி வினா விடை – 26

குரூப் 4 தேர்வுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

கல்வி & பொது அறிவுச் செய்திகள் – 15.11.2026

கல்வி & பொது அறிவுச் செய்திகள் – 15.11.2026

1) கடலூர் மாவட்டத்தில் பறவைக் காய்ச்சல் உறுதி செய்யப்பட்டுள்ளது.

2) அடுத்த 5 நாட்களுக்கு தமிழகத்தின் தென் மாவட்டங்களில் மிதமான மழைக்கும், வட மாவட்டங்களில் வறண்ட வானிலைக்கும் வாய்ப்பு உள்ளது.

3) பொங்கல் பண்டிகைக்கான தொடர்வண்டி முன்பதிவு தொடங்கிய 5 நிமிடத்திலேயே நிறைவடைந்தது.

4) டெல்லியில் அதிகரித்து வரும் காற்று மாசுபாட்டால் 50 சதவீத அரசு ஊழியர்கள் வீட்டிலிருந்தே பணி புரிய உத்தரவிடப்பட்டுள்ளது.

5) 36 மணி நேர முடக்கத்துக்குப் பிறகு மைக்ரோசாப்ட் சேவை சீரானது.

Education & GK News

1) Bird flu has been confirmed in Cuddalore district.

2) Over the next 5 days, moderate rain is expected in the southern districts of Tamil Nadu, while dry weather is likely in the northern districts.

3) Train bookings for the Pongal festival were fully booked within 5 minutes of opening.

4) Due to rising air pollution in Delhi, 50 percent of government employees have been ordered to work from home.

5) Microsoft services have been restored following a 36-hour outage.

நீங்கள் எவ்வளவு தங்கம் வைத்திருக்கலாம்?

நீங்கள் எவ்வளவு தங்கம் வைத்திருக்கலாம்?

வாழ்க்கை என்பது கணக்குகளால் மட்டுமே ஆனதன்று; என்றாலும், கணக்கில்லாத வாழ்தல் என்பது நட்ட நடுநிசியில் வெளிச்சமின்றிப் பயணம் செய்வது போன்றது. இன்று நம்மிடையே தங்கத்தின் மீதான மோகமும், அதைச் சுற்றியுள்ள சட்டச் சிக்கல்களும் ஒரு விவாதப் பொருளாக மாறியுள்ளன.

உச்ச நீதிமன்றத்தின் சமீபத்திய தீர்ப்பு ஒன்றின் ஊடாக, நாம் தங்கம் என்ற உலோகத்தை எவ்வாறு அணுகுகிறோம், அதை எத்தகைய உணர்வுடனும் ஆவணங்களோடும் பார்க்க வேண்டும் என்பது மீண்டும் ஒருமுறை நம் மனசாட்சியின் முன் கேள்வியாய் எழுந்துள்ளது.

இயற்கை நமக்கு அளித்த அரிய கொடைகளில் தங்கம் முதன்மையானது. அதன் மீது காலங்காலமாக மனிதனுக்கு இருக்கும் காதலுக்கு அளவே இல்லை.

தலைமுறை தலைமுறையாகப் பாட்டியும் தாயும் சேர்த்து வைத்த நகைகளை, நாம் வெறும் உலோகக் கட்டிகளாகவன்றி, அவர்களின் பாசத்தின் அடையாளமாகவும், எதிர்காலப் பாதுகாப்பாகவுமே பார்க்கிறோம்.

ஆனால், அந்தப் பாதுகாப்பு உணர்வு இப்போது சில சட்டக் கணக்குகளுக்குள் சிக்கித் தவிக்கிறது. "என் பாட்டி கொடுத்த தங்கம், அதற்குக் கணக்கு ஆதாரத்துக்கு எங்கு செல்வது?" என்ற சாதாரணக் குடிமகனின் கேள்வி நியாயமானதே. ஆனாலும், சட்டத்தின் பார்வையில் எல்லாவற்றிற்கும் ஒரு வெளிப்படைத்தன்மை தேவைப்படுகிறது.

வருமான வரித்துறை விதிகளின்படி, குறிப்பிட்ட அளவு நகைகளை ஆண்களும் பெண்களும் வைத்திருக்கலாம். அதாவது, திருமணமான பெண்களுக்கு 500 கிராம், ஆண்களுக்கு 200 கிராம், திருமணமாகாத பெண்களுக்கு 100 கிராம் என அந்த அளவு நிர்ணயிக்கப்பட்டுள்ளது.

இந்த அளவிலான தங்கத்தைச் சோதனையின்போது உடனடியாகப் பறிமுதல் செய்ய முடியாது என்றாலும், அந்தத் தங்கம் யாரிடமிருந்து, எப்படிக் கிடைத்தது என்பதற்கான நியாயமான காரணமும் ஆதாரமும் தேவைப்படுகிறது.

இது ஒருபுறம் நிர்வாகத்தின் வெளிப்படைத்தன்மையைக் குறிக்கிறது என்றாலும், மறுபுறம் பாரம்பரியமாகக் கைமாறும் குடும்ப நகைகளுக்கு நகைளை வாங்கியதற்கான ரசீதுக்கு எங்கு செல்வது என்ற தவிப்பையும் ஏற்படுத்துகிறது. இதுதான் நவீன வாழ்வியல் நமக்கு முன்வைக்கும் முரண்.

பழைய காலத்து நகைகளுக்கு ஹால்மார்க் முத்திரையோ ரசீதுகளோ இருக்காது என்பது மறுக்க முடியாத உண்மை. அந்தந்தக் காலத்து நம்பிக்கைகளின் மீதும் உறவுகளின் மீதும் கட்டமைக்கப்பட்டவை அவை. ஆனால், காலங்கள் மாறுகின்றன; முறைகளும் சட்டங்களும் இறுகுகின்றன.

இனிவரும் காலங்களில், நாம் எதைச் செய்தாலும் அது வெளிப்படைத்தன்மையுடனும், முறையான ஆவணங்களோடும் இருக்க வேண்டும் என்ற பாடத்தை இந்தச் சூழல் நமக்குக் கற்பிக்கிறது. கண்ணுக்குத் தெரியாத அந்தத் தூய்மைதான் நம்மைப் பல சிக்கல்களில் இருந்து காப்பாற்றும்.

தங்கம் விலை உயர்ந்துகொண்டே போகலாம்; அதைச் சுற்றியுள்ள சட்டங்களும் மாறிக் கொண்டே இருக்கலாம். ஆனால், எல்லாவற்றிற்கும் மேலாக நம் மன அமைதியும், நேர்மையான வாழ்வும்தான் மிக முக்கியமானது.

எந்தவொரு பொருளையும் அதன் பலனுக்காகவும், அவசியத்துக்காகவும் மட்டுமே அணுகுவது நல்லது. எதிலும் ஒரு கணக்கு, எதிலும் ஒரு தெளிவு இருந்தால், நாளை எந்தச் சோதனை வந்தாலும் நாம் அச்சமின்றித் நிமிர்ந்து நிற்கலாம்.

வாழ்க்கை என்பது தங்கத்தால் ஒளிர்கிறதா அல்லது நம்முடைய நேர்மையான செயலால் ஒளிர்கிறதா என்பதைச் சிந்திப்பதே உண்மையான ஞானம். கணக்குகளுக்குள் நமது நிம்மதியைத் தொலைக்காமல், விதிகளுக்கு உட்பட்டு, அளவோடு வாழ்ந்து, அமைதியானதொரு பயணத்தை முன்னெடுப்போம்.

*****

போட்டித் தேர்வு வழிகாட்டி – 8

போட்டித் தேர்வு வழிகாட்டி – 8

போட்டித் தேர்வுகளுக்குத் தயாராகும் தேர்வு ஆர்வலர்களுக்குப் பயன்படும் பயனுள்ள தேர்வுக் குறிப்புகளைக் கீழே காண்க. 

*****

குரூப் 4 தேர்வுக்கான மாதிரி வினா விடை – 25

குரூப் 4 தேர்வுக்கான மாதிரி வினா விடை – 25

குரூப் 4 தேர்வுக்குத் தயாராகும் தேர்வு ஆர்வலர்களுக்குப் பயன்படும் மாதிரி வினா விடைகளைக் கீழே காண்க. 

*****

கல்வி & பொது அறிவுச் செய்திகள் – 14.11.2026

கல்வி & பொது அறிவுச் செய்திகள் – 14.11.2026

1) வங்கக் கடலில் நாளை மறுநாள் அக்வான் புயல் உருவாகிறது.

2) மாணவர்களுக்கு விலையில்லா மிதிவண்டி வழங்குவதற்கான ஒப்பந்தப் புள்ளிக்கு ஹீரோ நிறுவனத்தைத் தமிழக அரசு இறுதி செய்தது.

3) விலைவாசி உயர்வில் இந்திய மாநிலங்களில் தமிழகம் முதலிடத்தில் உள்ளது.

4) தமிழக சட்ட ஒழுங்கு நிலவரம் குறித்த அறிக்கையை தமிழக ஆளுநர் ஆர்.வி.ஆர்லேக்கர் உள்துறை அமைச்சர் அமித் ஷாவிடம் வழங்கினார்.

5) தரவகத் தொழில்நுட்ப கோளாறால் மைக்ரோசாப்ட் மென்பொருள் இயங்குதளம் நேற்று உலகெங்கும் பாதிக்கப்பட்டது.

Education & GK News

1) Cyclone 'Akwan' is set to form in the Bay of Bengal the day after tomorrow.

2) The Tamil Nadu government has finalized Hero Cycles for the contract to supply free bicycles to students.

3) Tamil Nadu ranks first among Indian states in terms of price inflation.

4) Tamil Nadu Governor R.V. Arlekar submitted a report on the law and order situation in the state to Union Home Minister Amit Shah.

5) Microsoft software systems were affected globally yesterday due to a technical glitch.

வெள்ளி – இது முதலீட்டுக்கான நேரமா?

வெள்ளி – இது முதலீட்டுக்கான நேரமா?

நம் வாழ்வின் பெரும்பகுதி வேகம் நிறைந்தது. வினாடி முட்களின் பின்னால் ஓடும் மனித மனம், அதன் இரைச்சலில் தன் நிம்மதியைத் தொலைத்துவிடுகிறது. இந்தச் சூழலில், சந்தையின் ஏற்ற இறக்கங்களும், பொருளாதாரப் புள்ளிவிவரங்களும் நம்மை ஒருகணம் அச்சுறுத்துகின்றன.

அப்படித்தான், உலக முதலீட்டுச் சந்தையில் இமாலய உயரம் தொட்ட வெள்ளி, இன்று தன் உச்சத்திலிருந்து சரிந்து, பாதி விலையில் வந்து நிற்கிறது. ஒரு கிலோ ரூ.4.4 லட்சமாய் விண் முட்டிய வெள்ளி, இன்று ரூ.2.1 லட்சத்தில் அமைதி காக்கிறது. இது வீழ்ச்சியா? இல்லை, இயற்கையின் சீர்திருத்தமா?

வாழ்க்கையிலும் சரி, வணிகத்திலும் சரி, எதுவுமே ஒரே நேர்கோட்டில் பயணிப்பதில்லை. மரங்களின் கிளைகள் வானைத் தொட்டாலும், அதன் வேர்கள் மண்ணோடு ஊன்றி இருக்க வேண்டும்.

விலைமதிப்பற்ற இந்த வெள்ளி, வெறும் ஆபரணம் அல்ல; அது நம் நாகரிகத்தின் ஆழமான அச்சாணி. மின் வாகனங்கள், குறைக் கடத்திகள், செயற்கை நுண்ணறிவு என நவீன உலகின் நரம்பு மண்டலமாக அது இயங்குகிறது.

தேவையை விட பேராசை முந்திக் கொண்டு ஓடும்போது, சந்தை ஓர் அடி பின்னோக்கி வைத்து நம்மைச் சிந்திக்க வைக்கிறது.

பழைய நினைவுகளிலோ அல்லது உடனடி லாபத்திலோ திளைப்பவர்கள் இதைக் கண்டு அஞ்சலாம். ஆனால், ஆழமாக வேரூன்ற நினைக்கும் விவேகிக்கு இது ஒரு வாய்ப்பு.

வெட்டியெடுக்கப்படும் தாதுப்பொருள் எப்படி நெருப்பில் காய்ச்சப்பட்டு, அசுத்தங்கள் விலக்கப்பட்டு, புடம்போடப்பட்டுத் தங்கமாக ஒளிர்கிறதோ, அதேபோல பேராசையும் அவசரமும் விலகும்போதுதான் மெய்யான மதிப்பின் வடிவம் புரிகிறது.

வெள்ளியில் முதலீடு செய்வது என்பது எண்களுடன் சூதாடுவது அல்ல; அது காலத்தின் மீது வைக்கப்படும் நம்பிக்கை. வெள்ளி என்றில்லை, முதலீட்டைப் பொருத்த வரையில் எதையும் ஒரே மூச்சில் எல்லாவற்றையும் வாங்கிவிட வேண்டும் என்ற துடிப்பு வேண்டாம். மெல்ல, பொறுமையாக, ஒரு நீண்ட காலப் பார்னையோடு விதையை விதைப்பவன் மட்டுமே அறுவடையின் போது புன்னகைக்க முடியும்.

வெள்ளியில் ஒரு முதலீட்டுப் பயணத்தைத் தொடர நினைப்பவர்களுக்குத் தற்போதைய விலை வீழ்ச்சி ஒரு நல்ல வாய்ப்பாகவும் இருக்கலாம்.

வாழ்வைப்போலவே சந்தையும் ஏற்ற இறக்கங்களின் சங்கமம். வீழ்ச்சி என்பது முடிவல்ல; அது மற்றொரு உயர்வின் தொடக்கத்திற்கான மௌனப் பயிற்சி.

அவசரமின்றி, நிதானமாய், உங்கள் நிதிப் பயணத்தைத் திட்டமிடுங்கள். வெள்ளியையும் முதலீட்டுத் தொகுப்பில் ஒன்றாக இணைத்துக் கொள்வதற்கு, உச்ச மதிப்பிலிருந்து அதன் ஐம்பது சதவீத இறக்கம் தற்போது ஒரு நல்ல வாய்ப்பைத் தருகிறது.

இன்னும் கூட வெள்ளி விலை வீழ்ச்சியைச் சந்திக்கலாம். அப்போதெல்லாம் விலை வீழ்ச்சியைப் பயன்படுத்திச் சிறிது சிறிதாக வாங்கிச் சேர்த்தால், சிறுதுளி பெருவெள்ளமாகி விடும்.

நிம்மதி என்பது வங்கிக் கணக்கில் மட்டும் இல்லை; சீரான சிந்தனையிலும் அடங்கியிருக்கிறது. அப்படிப்பட்ட சீரான சிந்தனை உள்ளவர்கள் வெள்ளியையும் தங்கள் முதலீட்டுக் கூடையில் சேர்த்துக் கொள்ளலாமா என்பது குறித்து இப்போது யோசித்துப் பார்க்கலாம்.

*****