காந்தியடிகளின் கல்விக் கோட்பாடுகள்!

காந்தியடிகளின் கல்விக் கோட்பாடுகள்!

ஒரு மனிதனின் உடல், மனம், ஆன்மாவில் இருந்து சிறந்தவற்றை வெளிக்கொணர கல்வியால் மட்டுமே முடியும் என்பது காந்தியடிகளின் கல்விக் கோட்பாடாகும்.

எழுத்தறிவு என்பது கல்வியின் தொடக்கமும் அல்ல, முடிவும் அல்ல. அதன் வாயிலாக நாம் கல்வி கற்கிறோம் என்கிறார் காந்தியடிகள்.

தாய்மொழி வாயிலாகவே கல்வி கற்பிக்கப்பட வேண்டும் என்று விரும்புகிறார் காந்தியடிகள்.

7 வயது முதல் 14 வயது வரையுள்ள குழந்தைகளுக்குத் தரமான இலவசக் கட்டாயக் கல்வி வழங்க வேண்டும் என்பது காந்தியடிகளின் எதிர்பார்ப்பாகும்.

வெறும் எழுத்தறிவைக் கல்வியோடு ஒப்பிட முடியாது. குழந்தைகளுக்குக் கைவினைக் கலைகளைக் கற்பிக்க வேண்டும். அதன் மூலம் குழந்தைகளின் தற்சார்பு சிந்தனையை வளர்க்க வேண்டும் என்றும் காந்தியடிகள் கூறுகிறார்.

கல்வி குழந்தைகளிடம் மனித நேயத்தை வளர்க்க வேண்டும் என்பது காந்தியடிகளின் கல்வி குறித்த மாபெரும் விருப்பம் ஆகும்.

கல்வி பொறுப்புள்ள, ஆற்றல்மிக்க குடிமக்களை உருவாக்க வேண்டும் என்று காந்தியடிகள் கல்வி குறித்து எதிர்பார்க்கிறார்.

வாழ்வாதாரத்துக்குத் தேவையான பொருளாதாரச் சுதந்திரத்தையும் தன்னம்பிக்கையையும் கல்வி வழங்க வேண்டும் என்றும் கல்வி குறித்துக் காந்தியடிகள் பெரிதும் எதிர்ப்பார்க்கிறார்.

கல்விப்புலத்தில் உள்ளோருக்கும், கற்பித்தல் பணியில் உள்ளோருக்கும் காந்தியடிகளின் இக்கல்விக் கோட்பாடுகளை அறிந்து கொள்வது பெரிதும் உதவும்.

*****