யாரை மாற்ற வேண்டும் முதலில்? – உங்களுக்காகவே ஒரு கதை!

யாரை மாற்ற வேண்டும் முதலில்? – உங்களுக்காகவே ஒரு கதை!

உலகை மாற்றுவதா?

உங்களை மாற்றுவதா?

சில நேரங்களில் உலகை மாற்றுவதை விட உங்களை மாற்றுவதே போதுமானதாக இருக்கிறது. இதை விளக்கும் வகையிலான கதை ஒன்றை அறிவோமா?

அந்தக் காலத்து மன்னன் ஒருவன்.

நாடு முழுவதையும் நடைபயணம் மூலமாகச் சுற்றிப் பார்க்க நினைத்தான்.

காடும் மலையும் கல்லும் முள்ளும் நிறைந்த பாதைகளைக் கடந்து நாடு முழுவதும் சுற்றி வந்தான்.

அவன் கால்கள் காயம் பட்டிருந்தன. வலியும் வேதனையும் உண்டாகியிருந்தன.

அதனால் இனி தான் செல்லும் பாதை எங்கும் தோலாலான கம்பளத்தை விரிக்க வேண்டும் என்று ஆணையிட்டான்.

எவ்வளவு தூரத்துக்கு அப்படி கம்பளத்தை விரிப்பது? அதற்காக எத்தனை விலங்குகளை வேட்டையாடுவது? நாடு முழுவதும் உள்ள விலங்குகள் அதனால் அழிந்து விட்டால் என்னாவது?

ஆணையிட்டது மன்னனாயிற்றே.

யார் இதை மன்னனுக்குப் புரியும்படி எடுத்துச்   சொல்வது?

ஓர் அமைச்சர் மட்டும் துணிந்தார்.

இப்படி செல்லும் பாதையெங்கும் கம்பளம் விரிப்பதை விட, மன்னரான தாங்கள் தோலால் ஆன ஒரு காலணி அணிந்து கொண்டால் எவ்வளவு சிறப்பாக இருக்கும் என்று.

மன்னன் யோசித்தான். அமைச்சர் சொன்னது சரிதான் என்பதைப் புரிந்து கொண்டான். செல்லும் பாதையெங்கும் கம்பளம் விரிக்க வேண்டும் என்றால் எவ்வளவு தேவையில்லாத செலவு? அது எவ்வளவு மெனக்கெட்ட வேலை? அமைச்சர் சொன்னதன் நியாயம் அரசனுக்குப் புரிந்தது.

நல்லவேளை அந்த அரசன் புரிந்து கொள்ளக் கூடியவனாக இருந்தான். ஒருவேளை அரசன் அகங்காரத்தோடு புரிந்து கொள்ளாமல் இருந்திருந்தால், உலகைத்தான் மாற்ற நினைத்திருப்பான். தேவையில்லாத தொல்லைகளை உலகுக்குக் கொடுத்திருப்பான். ஆனால் இந்த விசயத்தில் உலகை மாற்றுவதை விட தன்னை மாற்றிக் கொள்வதுதானே சிறந்தது.

சில நேரங்களில் இப்படித்தான் உலகை மாற்றுவதை விட உங்களை மாற்றிக் கொள்வதே போதுமானதாக இருக்கிறது.

இந்தக் கதை உங்களுக்குப் பயனுள்ளதாக இருந்திருக்கும் என்று நம்புகிறோம். இது போன்ற பயனுள்ள கதைகளுக்குத் தொடர்ந்து இணைந்திருங்கள். நன்றி. வணக்கம்.

*****

இன்றைய கல்வி & பொதுஅறிவுச் செய்திகள் – 28.02.2025 (வெள்ளி)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) இந்தியாவின் மருத்துவ தலைநகராகச் சென்னை விளங்குவதாகத் தமிழக முதல்வர் பெருமிதம் தெரிவித்துள்ளார்.

2) போதை மீட்பு சிகிச்சைக்கு 25 மறுவாழ்வு மையங்களை முதல்வர் திறந்து வைத்தார்.

3) உலக தமிழாராய்ச்சி நிறுவனத் தலைவராக ஆர். பாலகிருஷ்ணன் நியமனம் செய்யப்பட்டுள்ளார்.

4) இளநிலை பொறியியல் (பி.இ.), இளநிலை கல்வியியல் (பி.எட்.) முடித்தவர்கள் பள்ளிகளில் இயற்பியல் பட்டதாரி ஆசிரியராகப் பணி புரியலாம் என அறிவிக்கப்பட்டுள்ளது.

5) மார்ச் 5 இல் நடைபெற உள்ள அனைத்துக் கட்சி கூட்டத்துக்கு 45 அரசியல் கட்சிகளுக்குத் தமிழக அரசு அழைப்பு விடுத்துள்ளது.

6) கரூர் மற்றும் பெரம்பலூர் மாவட்டங்களில் 5000 கோடியில் புதிய தொழில்திட்டங்கள் தொடங்கப்பட்டுள்ளன.

7) 45 நாட்கள் நடைபெற்ற மகா கும்பமேளாவில் 66 கோடி பக்தர்கள் புனித நீராடியுள்ளனர்.

8) தெலுங்கானா மாநிலத்தில் அனைத்துப் பள்ளிகளிலும் பத்தாம் வகுப்பு வரையில் தெலுங்குப் பாடம் கட்டாயம் என அம்மாநில அரசு அறிவித்துள்ளது.

9) தெலுங்கானாவைத் தொடர்ந்து பஞ்சாப் மாநிலமும் பஞ்சாபி மொழியைப் பள்ளிகளில் கட்டாயப் பாடமாக அறிவித்துள்ளது.

10) பெட்ரோலில் 20 சதவீதத்திற்கு மேல் எத்தனால் கலக்க மத்திய அரசு முடிவு செய்துள்ளது.

11) அமெரிக்காவில் 43 கோடி ரூபாய் முதலீடு செய்வோருக்கு தங்க அட்டை விசா வழங்கப்படும் என டொனால்ட் டிரம்ப் அறிவித்துள்ளார்.

English News

1) The Tamil Nadu Chief Minister has expressed his pride in Chennai being the medical capital of India.

2) The Chief Minister inaugurated 25 rehabilitation centres for drug recovery treatment.

3) R. Balakrishnan has been appointed as the Chairman of the World Tamil Research Institute.

4) It has been announced that those who have completed Bachelor of Engineering (B.E.) and Bachelor of Education (B.Ed.) can work as physics graduate teachers in schools.

5) The Tamil Nadu government has invited 45 political parties to the all-party meeting to be held on March 5.

6) New industrial projects worth Rs 5,000 crore have been started in Karur and Perambalur districts.

7) 66 crore devotees took holy dip in the 45-day Maha Kumbh Mela.

8) The state government has announced that Telugu will be compulsory in all schools in the state of Telangana up to Class X.

9) Following Telangana, Punjab has also declared Punjabi as a compulsory subject in schools.

10) The central government has decided to blend more than 20 percent ethanol in petrol.

11) Donald Trump has announced that those who invest Rs 43 crore in the US will be given a golden card visa.

இன்றைய கல்வி & பொதுஅறிவுச் செய்திகள் – 27.02.2025 (வியாழன்)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) அடுத்த வாரம் தொடங்க உள்ள பதினொன்றாம் வகுப்பு மற்றும் பனிரெண்டாம் வகுப்புகளுக்கான பொதுத் தேர்வுக்கான முன்னேற்பாடுகள் தீவிரமாக நடைபெற்று வருகின்றன.

2) தொழில் முனைவோருக்கான இணையவழி உச்சி மாநாடு நாளை (பிப்ரவரி 28) இல் தொடங்குகிறது.

3) 2642 மருத்துவர்களுக்கு அரசு மருத்துவமனையில் பணி புரிவதற்கான பணி நியமன ஆணையை முதல்வர் வழங்கினார்.

4) தூத்துகுடி வஉசி துறைமுகம் அதிக அளவு சரக்குகளைக் கையாண்டு சாதனை படைத்துள்ளது.

5) ஜனவரி 13 இல் துவங்கிய மகா கும்பமேளா நேற்றுடன் (பிப்ரவரி 26) நிறைவு பெற்றது.

6) மகா கும்பமேளாவில் 63 கோடி பேர் புனித நீராடியுள்ளனர்.

7) தமிழகத்தில் இன்றிலிருந்து மழைக்கான வாய்ப்புகள் நிலவுவதாக வானிலை ஆய்வு மையம் அறிவித்துள்ளது.

8) தென் மாவட்டங்கள் மற்றும் டெல்டா மாவட்டங்களில் கனமழை பெய்ய வாய்ப்புள்ளது.

English News

1) Preparations are in full swing for the public examinations for classes XI and XII, which will begin next week.

2) The online summit for entrepreneurs will begin tomorrow (February 28).

3) The Chief Minister issued appointment orders to 2642 doctors to work in government hospitals.

4) The Thoothukudi VOC port has created a record by handling the highest volume of cargo.

5) The Maha Kumbh Mela, which began on January 13, concluded yesterday (February 26).

6) 63 crore people took holy dip in the Maha Kumbh Mela.

7) The Meteorological Department has announced that there is a possibility of rain in Tamil Nadu from today.

8) There is a possibility of heavy rain in the southern districts and delta districts.

இன்றைய கல்வி & பொதுஅறிவுச் செய்திகள் – 26.02.2025 (புதன்)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) மக்கள்தொகை அடிப்படையில் தொகுதி மறுசீரமைப்பு செய்தால் தமிழகத்தில் 8 மக்களவைத் தொகுதிகள் குறையும் என முதல்வர் தெரிவித்துள்ளார்.

2) மார்ச் 5 இல் அனைத்துக் கட்சிக் கூட்டம் தமிழகத்தில் நடைபெற உள்ளது.

3) முதல்வர் மருந்தகத்தில் பிரதமர் மருந்தகத்தை விட மருந்துகள் 20 சதவீதம் விலை குறைவாகக் கிடைக்கும்.

4) செம்மொழிநாள் விழாவுக்கான மாவட்ட அளவிலான கட்டுரை மற்றும் பேச்சுப் போட்டிகள் மே 9, 10 ஆகிய நாட்களில் நடைபெறுகிறது. இது குறித்த மேலதிக விவரங்களைக் கீழே உள்ள இணையதளத்தின் மூலமாக அறிந்து கொள்ளலாம்.

 https://tamilvalarchithurai.tn.gov.in/

5) சென்னையில் குத்துச்சண்டை அகாதெமியை முதல்வர் திறந்து வைத்தார்.

6) தங்கம் விலை மேலும் உயர்ந்து சவரனுக்கு 65 ஆயிரத்தை நெருங்குகிறது.

7) புற்றுநோயால் ஏற்படும் மரணங்களில் அமெரிக்காவும் சீனாவும் முதலிடத்திலும் இந்தியா இரண்டாம் இடத்திலும் உள்ளது.

8) ஐ.நா.வில் நடைபெற்ற உக்ரைன் போர் தொடர்பான தீர்மானத்தில் முதன் முதலாக ரஷ்யாவின் பக்கம் அமெரிக்கா வாக்களித்துள்ளது.

English News

1) The Chief Minister has said that if the constituency is redrawn based on population, 8 Lok Sabha seats will be reduced in Tamil Nadu.

2) An all-party meeting is to be held in Tamil Nadu on March 5.

3) Medicines will be available at the Chief Minister's pharmacy at a price 20 percent lower than that of the Prime Minister's pharmacy.

4) District-level essay and speech competitions for the Classical Language Day festival will be held on May 9 and 10. More details about this can be found on the website below.

 https://tamilvalarchithurai.tn.gov.in/

5) The Chief Minister inaugurated the Boxing Academy in Chennai.

6) The price of gold has increased further and is approaching 65 thousand per sovereign.

7) The US and China are at the top and India is at the second place in deaths due to cancer.

8) For the first time, the US has voted in favor of Russia in the resolution regarding the Ukraine war held at the UNO.

இன்றைய கல்வி & பொதுஅறிவுச் செய்திகள் – 25.02.2025 (செவ்வாய்)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) தமிழகம் முழுவதும் 1000 முதல்வர் மருந்தகங்களை முதல்வர் மு.க.ஸ்டாலின் சென்னையில் நடைபெற்ற விழாவில் தொடங்கிவைத்தார்.

2) கொளத்தூரில் கட்டப்பட்டுள்ள புதிய மருத்துவமனைக்குப் பெரியாரின் பெயர் சூட்டப்பட்டுள்ளது.

3) 19 ஆவது தவணையாக 9.8 கோடி விவசாயிகளுக்கு தலா 2000 ரூபாய் வீதம் 23 ஆயிரம் கோடி நிதியைப் பிரதமர் நேற்று விடுவித்தார்.

4) முழு உலகமும் இந்தியாவின் மீது நம்பிக்கையுடன் உள்ளதாக போபாலில் நடைபெற்ற முதலீட்டாளர்கள் மாநாட்டில் பிரதமர் தெரிவித்துள்ளார்.

5) அநீதிக்கு எதிரான அறச்சீற்றல் அவசியமானது என மகாத்மா காந்தியின் பேரன் கோபாலகிருஷ்ண காந்தி தெரிவித்துள்ளார்.

6) உணவில் எண்ணெய் அளவைக் குறைக்குமாறு நாட்டு மக்களுக்குப் பிரதமர் அறிவுறுத்தியுள்ளார்.

7) அமெரிக்காவில் பணியாற்றும் அரசு ஊழியர்களிடம் அந்தந்த வார பணி விவரங்களைச் சமர்ப்பிக்குமாறு எலான் மஸ்க் கெடு விதித்துள்ளார்.

8) ஒகேனக்கலுக்கு வரும் சுற்றுலா பயணிகளின் எண்ணிக்கை அதிகரித்துள்ளது.

English News

1) Chief Minister M.K. Stalin inaugurated 1000 Chief Minister's dispensaries across Tamil Nadu at a function held in Chennai.

2) A new hospital built in Kolathur has been named after Periyar.

3) The Prime Minister yesterday released the 19th installment of Rs. 23,000 crore to 9.8 crore farmers at the rate of Rs. 2,000 each.

4) The Prime Minister said at the investors' conference held in Bhopal that the entire world has faith in India.

5) Mahatma Gandhi's grandson Gopalkrishna Gandhi said that moral outrage against injustice is necessary.

6) The Prime Minister has advised the people  to reduce the amount of oil in their food.

7) Elon Musk has set a deadline for government employees working in the US to submit their weekly work details.

8) The number of tourists visiting Okenakkal has increased.

இன்றைய கல்வி & பொதுஅறிவுச் செய்திகள் – 24.02.2025 (திங்கள்)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) பத்தாயிரம் கோடி கொடுத்தாலும் மும்மொழிக் கொள்கையை ஏற்க மாட்டோம் எனத் தமிழக முதல்வர் தெரிவித்துள்ளார்.

2) தரமான கல்வி வழங்குவதில் தமிழகம் நாட்டிலேயே இரண்டாம் இடம் வகிக்கிறது.

3) கடலூரில் நடைபெற்ற பெற்றோரைக் கொண்டாடுவோம் நிகழ்வில் ‘அப்பா’ செயலி வெளியிடப்பட்டது.

4) தமிழ்நாடு முழுவதும் 86,271 பேருக்கு விரைவில் பட்டா வழங்கப்படும் என துணை முதல்வர் உதயநிதி ஸ்டாலின் தெரிவித்துள்ளார்.

5) கடந்த முப்பது ஆண்டுகளில் 66,000/- கோடி ரூபாய் நட்டத்தைத் தமிழக அரசுப் போக்குவரத்துக் கழகம் சந்தித்துள்ளது.

6) நாகப்பட்டினத்திலிருந்து இலங்கைக்குக் கப்பல் போக்குவரத்து மீண்டும் தொடங்கியது.

7) சமூக ஊடகப் பதிவுகளை ஒழுங்குபடுத்தும் புதிய சட்டம் குறித்து மத்திய அரசு பரிசீலனை செய்து வருகிறது.

8) தமிழகத்தில் பிப்ரவரி 25 முதல் மழைக்கு வாய்ப்பு இருப்பதாக வானிலை ஆய்வு மையம் தெரிவித்துள்ளது.

9) விரைவில் ரஷ்ய அதிபர் விளாதிமிர் புதினும், அமெரிக்க அதிபர் டொனால்ட் டிரம்பும் சந்திக்க உள்ளனர்.

English News

1) Tamil Nadu Chief Minister has said that he will not accept the three-language policy even if he is given ten thousand crores.

2) Tamil Nadu ranks second in the country in providing quality education.

3) The ‘Appa’ app was launched at the ‘Celebrate Parents’ event held in Cuddalore.

4) Deputy Chief Minister Udhayanidhi Stalin has said that 86,271 people across Tamil Nadu will soon be given Patta.

5) The Tamil Nadu State Transport Corporation has incurred a loss of Rs. 66,000/- crore in the last thirty years.

6) Shipping from Nagapattinam to Sri Lanka has resumed.

7) The central government is considering a new law to regulate social media posts.

8) The Meteorological Department has said that there is a possibility of rain in Tamil Nadu from February 25.

9) Russian President Vladimir Putin and US President Donald Trump are set to meet soon.

எவ்வளவு மதிப்பிற்கு மேல் சொத்து வாங்கினால் டிடிஎஸ்?

எவ்வளவு மதிப்பிற்கு மேல் சொத்து வாங்கினால் டிடிஎஸ்?

ஐம்பது லட்சத்துக்கு மேல் சொத்து வாங்கினால் ஒரு சதவீத தொகையை டிடிஎஸ் (TDS – Tax Deducted at Source) ஆக கட்ட வேண்டும். இத்தொகையைச் சொத்து வாங்குபவர் விற்பவரின் பான் எண்ணைக் குறிப்பிட்டு மத்திய அரசு கணக்கில் செலுத்த வேண்டும். இந்தத் தொகையைச் சொத்தை வாங்கும் போது, விற்பவருக்குக் கொடுக்கும் தொகையில் கழித்துக் கொள்ள வேண்டும்.

*****

உங்கள் கர்மா எப்படி வேலை செய்கிறது தெரியுமா? – ஓர் எதார்த்தக் கதை!

உங்கள் கர்மா எப்படி வேலை செய்கிறது தெரியுமா?

– ஓர் எதார்த்தக் கதை!

நீங்கள் என்ன செய்கிறீர்களோ, அதுவே உங்களுக்குத் திரும்ப நடக்கும்.

இது கர்மாவா என்றால், எதார்த்தம் இதுதான்.

இதை உணர்த்தும் வகையிலான கதை ஒன்றை அறிவோமா?

அவர் வீட்டுத் தொலைபேசிக் கட்டணம் அதிகமாக வந்தது.

அவர் அந்த வீட்டின் தொலைபேசியைப் பயன்படுத்துவதில்லை. அலுவலகத் தொலைபேசியைத்தான் அவரது அனைத்துத் தேவைகளுக்கும் பயன்படுத்துவார்.

அதனால் மனைவியைக் கூப்பிட்டு விசாரித்தார்.

அவரும் தனது அனைத்துத் தேவைகளுக்கும் அவருடைய அலுவலகத் தொலைபேசியைத்தான் பயன்படுத்தவதாகக் கூறினார்.

உடனே, மகனைக் கூப்பிட்டு விசாரித்தார்.

மகனும் அவனது அனைத்துத் தேவைகளுக்கும் அவன் வேலை பார்க்கும் அலுவலகத் தொலைபேசியைத்தான் பயன்படுத்துவதாகக் கூறினான்.

அடுத்ததாக, மகளைக் கூப்பிட்டு விசாரித்தார்.

மகளும் அவளது அனைத்துத் தேவைகளுக்கும் அவள் வேலை பார்க்கும் அலுவலகத் தொலைபேசியைத்தான் பயன்படுத்துவதாகக் கூறினாள்.

யாரும் வீட்டில் உள்ள தொலைபேசியைப் பயன்படுத்தாமல் தொலைபேசிக் கட்டணம் எப்படி வர முடியும்? அதுவும் அளவுக்கதிகமாக எப்படி வர முடியும்? என்று யோசித்தார் அவர்.

அடுத்ததாக அவர் அந்த வீட்டின் வேலைக்காரரைக் கூப்பிட்டு விசாரித்தார்.

அவர் தன்னுடைய அனைத்துத் தேவைகளுக்கும் தான் வேலை பார்க்கும் இந்த வீட்டில் உள்ள இந்தத் தொலைபேசியைத்தான் பயன்படுத்துவதாகக் கூறினார்.

அவருக்கு அவருடைய கர்மா எப்படி வேலை செய்கிறது என்பதைப் புரிந்தது.

உங்கள் கர்மா எப்படி வேலை செய்கிறது என்பதை அறிந்து கொள்ள நீங்கள் உங்களுக்கு நீங்களே ஆழ்ந்த விசாரணை செய்ய வேண்டும். அப்படி செய்தால் உங்களுக்குப் புரியும், உங்கள் கர்மா எப்படி வேலை செய்கிறது என்பது.

இந்தக் கதை உங்களுக்குப் பிடித்திருக்கும் என்று நம்புகிறோம். இது போன்ற பயனுள்ள கதைகளுக்குத் தொடர்ந்து இணைந்திருங்கள்.

நன்றி!

வணக்கம்!

*****

நினைத்ததை அடைய உதவும் நிபுணத்துவம்!

நினைத்ததை அடைய உதவும் நிபுணத்துவம்!

நீங்கள் உங்கள் வாழ்க்கையில் நினைத்ததை எல்லாம் அடைந்து விட்டீர்களா?

நினைப்பதெல்லாம் நடந்து விட்டால் பிறகு தெய்வம் எதற்கு என்கிறீர்களா?

ஒரு மனிதர் தன் வாழ்வில் நினைப்பதையெல்லாம் அடைய முடியுமா என்ற சந்தேகம் உங்களுக்கு இருந்தால் இன்றிலிருந்து அதை விட்டு விடுங்கள்.

ஏனென்றால் நீங்கள் எந்தத் துறையில் எதை அடைய நினைக்கிறீர்களோ, அதை அடைய வழி இருக்கிறது.

அந்தத் துறையில் நீங்கள் நிபுணத்துவம் பெற்றால் நீங்கள் நினைத்ததை அடைந்து விடுவீர்கள்.

நீங்கள் ஒரு நிபுணர் என்பதற்கான அடையாளம் என்ன தெரியுமா?

ஒரு வேலையில் நீங்கள் நிபுணராக இருக்கிறீர்கள் என்றால் அந்த வேலையைச் செய்வது உங்களுக்குக் கடினமாக இருக்காது.

நீங்கள் சுவாசிப்பதைப் போல வெகு எளிதாக அதைச் செய்வீர்கள்.

யாராவது கஷ்டப்பட்டு சுவாசிப்பதாக சொல்லி நீங்கள் கேட்டதுண்டா என்ன?

நீங்கள் அந்த வேலையில் நிபுணராகி விட்ட பின்பு, நீண்ட நேரம் விருப்பமாகவும் ஆர்வமாகவும் ஈடுபாட்டோடும் வேலை செய்வீர்கள்.

நிபுணத்துவம் உங்கள் ஆர்வத்தை வளர்த்துக் கொண்டே போகும். அந்தத் துறையில் உங்களை உச்சத்துக்குக் கொண்டு போகும். அதற்குக் காரணம் நீங்கள் கண்டடைந்த எளிமையே.

எந்த ஒரு வேலையையும் கடினப்பட்டுச் செய்ய வேண்டாம். ஏன் அப்படி என்றால்…

கடினமாக ஒரு வேலையைச் செய்வதாக நீங்கள் நினைத்தால் உங்களுக்குள் ஓர் எதிர்ப்புணர்வு வந்துவிடும்.

உங்களையே நீங்கள் எதிர்த்துக் கொண்டு நீங்கள் எதைச் சாதிக்க முடியும்?

மேலும், கடினமாக ஒரு வேலையைச் செய்யும் போது எதிர்பார்த்தபடி அது முடியாது. அதன் பலனும் நினைத்தபடி இருக்காது.

உங்களுக்கு ஒன்று தெரியுமா?

ஒரு நிர்வாகமோ, தலைமையோ எவ்வளவு கடினமாக முயன்று அந்த வேலையைச் செய்தீர்கள் என்று பார்ப்பதில்லை.

அந்த வேலை எப்படி முடிந்திருக்கிறது என்பதைத்தான் பார்க்கிறார்கள்.

இந்த உலகம் எதை விரும்புகிறது தெரியுமா?

நான்கு நாட்கள் கடினமாக முயன்றும் ஒரு வேலை தவறானால் அதை யார் விரும்புவார்கள்.

நான்கு நாட்கள் வேலை அரை நாளில் மிகச் சரியாக முடிந்திருந்தால் அதைத்தான் விரும்புவார்கள்.

இந்த உலகம் என்ன எதிர்பார்க்கிறது தெரியுமா?

ஒரு வேலை எப்படி செய்யப்பட்டுள்ளது என்பதை பொறுத்தே அதற்கான அங்கீகாரம் வழங்கப்படுகிறது.

மற்றபடி எவ்வளவு கடினப்பட்டு செய்தீர்கள், எவ்வளவு நேரம் செய்தீர்கள் என்பதெல்லாம் இரண்டாம் பட்சம்தான்.

இதைத்தான் இந்த உலகம் எதிர்பார்க்கிறது.

இளையராஜா ஒரு பாடலுக்கு ஐந்து நிமிடத்தில் இசையமைத்து விடுவார்.

இன்னோர் இசையமைப்பாளர் மிக கடினமாக முயன்று அந்தப் பாடலுக்கு ஐந்து நாட்கள் இசையமைப்பார்.

யாருடைய பாடலை மக்கள் விரும்புவார்கள் என்பதைச் சொல்லத் தேவையில்லை.

இப்போது உங்களுக்குப் புரிந்திருக்கும், ஒரு துறையில் நிபுணத்துவம் எப்படி வேலை செய்கிறது என்பது.

நிபுணத்துவம் பெறுவதற்கு முக்கியமான கூறு ஒன்று இருக்கிறது. அது என்னவென்றால்,

உங்களுக்குப் பிடித்ததைச் செய்யுங்கள். மற்றவர்களுக்குப் பிடிக்க வேண்டும் என்பதற்காக எதையும் செய்யாதீர்கள்.

நீங்கள் ரசித்துச் செய்து கொண்டே போகும் எந்த ஒரு பணியிலும் நிச்சயம் உங்களால் நிபுணத்துவம் பெற முடியும்.

நிபுணத்துவம் பெற்று விட்டால் உங்கள் வேலையை யார்தான் விரும்பாமல் இருப்பார்கள்?

அதன்பின் யார்தான் உங்களுக்குக் கிடைக்கப் போகும் அங்கீகாரத்தையும் புகழையும் தடுக்க முடியும்?

ஆகவே நிபுணத்துவம் பெறுவதில் குறியாக இருங்கள். நீங்கள் குறி வைத்த அனைத்தும் அதன் பின் தானாகவே உங்களை வந்த அடையும்.

வாழ்க்கையில் நிபுணத்துவம் பெற்று சாதிக்க வாழ்த்துகள்!

*****

தனுஷின் ‘நிலவுக்கு என்மேல் என்னடி கோபம்?’

தனுஷின் ‘நிலவுக்கு என்மேல் என்னடி கோபம்?’

தனுஷ் தமிழ்நாடறிந்த நல்ல நடிகர் மட்டுமல்ல, நாடறிந்த, உலகறிந்த நடிகரும் கூட. அப்படிப்பட்டவருக்குள் இருக்கும் இயக்குநர் கனவு அவரைத் தற்போது தொடர்ந்து படங்களை இயக்க வைக்கிறது.

அவரது இயக்குநர் அவதாரம் வெளிப்பட்ட முதல் படம் ‘பவர் பாண்டி’. அப்படத்தில் தனுஷின் தந்தையான கஸ்தூரி ராஜா இயக்கிய ராஜ்கிரணை மகனான தனுசும் இயக்கியிருப்பார்.

அவரது இயக்கத்தில் வெளிவந்த இரண்டாவது படம் ‘ராயன்’. இப்படத்தில் அவர் கதைநாயகனாகவும் நடித்திருந்தார். இப்படத்தில் அவரை இயக்கி அழகு பார்த்த அண்ணன் செல்வராகவனை இயக்கியிருப்பார்.

தற்போது அவரது இயக்கத்தில் வெளியாகியிருக்கும் மூன்றாவது படம் ‘நிலவுக்கு என்மேல் என்னடி கோபம்?’ என்ற திரைப்படம்.

இத்திரைப்படத்தில் அவரது அக்கா மகன் பவிஷைக் கதை நாயகனாக்கி  இயக்கி இருக்கிறார்.

தான் திருமணம் செய்யப் போகும் பெண்ணிடம் தன்னுடைய முன்னாள் காதல் தோல்விகளைச் சொன்னால் என்னவாகும் என்கிற ஒற்றை வரியை மையமாகக் கொண்டு இத்திரைப்படத்தை இயக்கியுள்ளார் தனுஷ்.

இப்படத்துக்கு ஜி.வி. பிரகாஷ்குமார் இசையமைத்துள்ளார்.

இப்படத்தில் சரத்குமார், சரண்யா பொன்வண்ணன் போன்ற அனுபவமிக்க நடிகர்களும் நடித்திருக்கிறார்கள்.

*****

பிரதீப் ரங்கநாதனின் ‘டிராகன்’ திரைப்படம்!

பிரதீப் ரங்கநாதனின் ‘டிராகன்’ திரைப்படம்!

பிரதீப் ரங்கநாதன் ஓர் இயக்குநர் மற்றும் நடிகர். ஜெயம் ரவி நடித்த ‘கோமாளி’ படத்தின் இயக்குநர் இவர்தான். அப்படத்தில் முச்சக்கர வாகன (ஆட்டோ) ஓட்டுநராகவும் நடித்திருப்பார்.

அதைத் தொடர்ந்து இவர் இயக்கி நடித்த ‘லவ் டுடே’ திரைப்படம் மிகப் பெரிய வெற்றி பெற்றது.

தற்போது பிரதீப் ரங்கநாதன் நடித்து வெளியாகியிருக்கும் ‘டிராகன்’ திரைப்படம் இளைஞர்களின் நாடித்துடிப்பை எகிறச் செய்துள்ளது.

‘டிராகன்’ திரைப்படத்தின் இயக்குநர் அஸ்வத் மாரிமுத்து. இது இவரது இரண்டாம் படம். இவரது முதல் படம் ‘ஓ மை கடவுளே’. இத்திரைப்படம் பரவலான கவனத்தையும் நல்ல விமர்சனத்தையும் பெற்ற படமாகும்.

பிரதீப் ரங்கநாதன் மற்றும் அஸ்வத் மாரிமுத்து இணைவதால் ‘டிராகன்’ திரைப்படத்திற்குத் தனிக்கவனம் கிடைத்துள்ளது.

இத்திரைப்படத்தைச் சிறப்புக் காட்சியாகப் பார்வையிட்ட நடிகர் சிலம்பரசன் (சிம்பு / எஸ்டிஆர்) இத்திரைப்படமானது மிகப்பெரிய அதிரிபுதிரி வெற்றி (ப்ளக்பஸ்டர் ஹிட்) அடையும் என்று தெரிவித்திருந்தது குறிப்பிடத்தக்கது.

‘டிராகன்’ திரைப்படத்தில் அனுபமா பரமேஸ்வரன், சயாடு லோஹர் ஆகியோருடன் இயக்குநர் மிஷ்கின், கவுதம் மேனன், கேஎஸ் ரவிக்குமார் ஆகியோரும் நடித்துள்ளனர்.

படத்திற்கு லியோன் ஜேம்ஸ் இசையமைத்துள்ளார்.

‘டிராகன்’ வெளியாகும் இந்நாளில் நடிகர் தனுஷ் இயக்கத்தில் ‘நிலவுக்கு என்மேல் என்னடி கோபம்’ என்ற திரைப்படமும் வெளியாகிறது.

*****

இன்றைய கல்வி & பொதுஅறிவுச் செய்திகள் – 21.02.2025 (வெள்ளி)

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) மத்திய அரசு நிதி வழங்காவிட்டாலும் பள்ளிக் கல்வியின் அனைத்து கல்வித் திட்டங்களும் தொடரும் என அன்பில் மகேஷ் பொய்யாமொழி தெரிவித்துள்ளார்.

2) அரசுப் பள்ளிகளில் மார்ச் 1 முதல் மாணவர் சேர்க்கையைத் தொடங்குமாறு தொடக்கக் கல்வித் துறை உத்தரவிட்டுள்ளது.

3) ஆசிரியர் மாணவர் நலன் கருதி 2152 கோடி கல்வி நிதியை விடுவிக்குமாறு பிரதமருக்குத் தமிழக முதல்வர் கடிதம் எழுதியுள்ளார்.

4) கல்லூரிகள் மற்றும் பல்கலைக்கழங்களில் வருகைப் பதிவு குறைவாக உள்ள மாணவர்களைத் தேர்வெழுத அனுமதிக்கக் கூடாது என உயர்நீதிமன்றம் உத்தரவிட்டுள்ளது.

5) இந்தித் திணிப்பு வேண்டாம் என முதல்வர் பாரதிதாசன் பாடலை மேற்கோள் காட்டி முதல்வர் வேண்டுகோள் விடுத்துள்ளார்.

6) டில்லியின் ஒன்பதாவது முதல்வராக ரேகா குப்தா பதவியேற்றுக் கொண்டார்.

7) சென்னைக்குத் தண்ணீர் வழங்கும் ஏரிகளில் 2 டிஎம்சி தண்ணீர் கூடுதலாக உள்ளது.

8) லோக் ஆயுக்தா தலைவராக ஓய்வுபெற்ற நீதிபதி ராஜமாணிக்கம் நியமிக்கப்பட்டுள்ளார்.

9) திரிவேணி சங்கமத்தின் நீர் குளிக்க பாதுகாப்பானதாக இல்லை என மத்திய அரசின் மாசு கட்டுப்பாட்டு வாரிய தரவுகள் தெரிவித்துள்ளன.

10) உக்ரைன் போருக்குக் காரணம் அந்நாட்டின் அதிபர் வினாதிமிர் செலன்ஸ்கிதான் என அமெரிக்க அதிபர் டொனால்ட் டிரம்ப் குற்றம் சாட்டியுள்ளார்.

11) இந்தியாவின் தங்க இறக்குமதி 41 சதவீதம் அதிகரித்துள்ளது.

English News

1) Anbil Mahesh Poyyamozhi has said that all educational programs of school education will continue even if the central government does not provide funds.

2) The Department of Elementary Education has ordered that student admissions in government schools will start from March 1.

3) The Chief Minister of Tamil Nadu has written a letter to the Prime Minister to release 2152 crore education funds for the welfare of teachers and students.

4) The High Court has ordered that students with low attendance records in colleges and universities should not be allowed to write exams.

5) The Chief Minister has requested, quoting the song Bharathidasan, not to impose Hindi.

6) Rekha Gupta took oath as the ninth Chief Minister of Delhi.

7) There is 2 TMC of excess water in the lakes that supply water to Chennai.

8) Retired Justice Rajamanickam has been appointed as the Chairman of the Lok Ayukta.

9) The water of Triveni Sangam is not safe for bathing, according to the Central Pollution Control Board data.

10) US President Donald Trump has blamed the Ukraine President Vladimir Zelensky for the war in Ukraine.

11) India's gold imports have increased by 41 percent.

இன்றைய செய்திகள் (20.02.2025) - 90% வாக்குறுதிகள் நிறைவேற்றப்பட்டு விட்டன - முதல்வர்

பள்ளிக் காலை வழிபாட்டு நிகழ்வுக்கான இன்றைய செய்திகள்

தமிழ் செய்திகள்

1) இந்தியா – கத்தார் இடையே 7 ஒப்பந்தங்கள் கையெழுத்தாயின. இரு நாடுகளின் வணிகத்தை இரட்டிப்பாக்கவும் நடவடிக்கை மேற்கொள்ளப்பட்டுள்ளது.

2) பென்ஜல் புயல் பாதிப்புக்கு 498 கோடி நிவாரணம் வழங்க முதல்வர் உத்தரவிட்டுள்ளார்.

3) அனைத்துச் சிறைச்சாலைகளிலும் நூலகங்கள் அமைக்கப்படும் என துணை முதல்வர் உதயநிதி ஸ்டாலின் உறுதி அளித்துள்ளார்.

4) ஐம்பது வயதுக்கு மேற்பட்ட ஆசிரியர்கள் முழு உடல் பரிசோதனைக்கு பிப்ரவரி 28க்குள் விண்ணப்பிக்கலாம்.

5) பெண்களின் பாதுகாப்பை உறுதிபடுத்தவும், பெண்களுக்கான வேலைவாய்ப்பைப் பெருக்கவும் சென்னையில் இளஞ்சிவப்பு முச்சக்கர வாகனத் திட்டம் (பிங்க் ஆட்டோ) செயல்படுத்தப்பட்டு உள்ளது.

6) தமிழகத்தில் இணைய வழி மோசடிகள் இரண்டரை மடங்கு அதிகரித்துள்ளது.

7) தலைமைத் தேர்தல் ஆணையராக ஞானேஷ்குமார் பதவியேற்றார். இவர் 2029 வரை பதவியில் இருப்பார்.

8) சர்சைக்குரிய கருத்துகளைச் சமூக வலைதளத்தில் பரப்புவதைத் தடுக்க உரிய நடவடிக்கை எடுக்குமாறு மத்திய அரசுக்கு உச்சநீதிமன்றம் அறிவுறுத்தியுள்ளது.

9) மகா கும்பமேளாவி இதுவரை 55 கோடி பேர் புனித நீராடியுள்ளனர்.

10) உக்ரைன் போர் நிறுத்தம் தொடர்பாக விரைவில் ரஷ்ய அதிபருடன் பேச உள்ளதாக அமெரிக்க அதிபர் டொனாட் டிரம்ப் தெரிவித்துள்ளார்.

11) இந்திய நகர்ப்புறங்களில் வேலைவாய்ப்பின்மை 6 சதவீதமாகக் குறைந்துள்ளது.

12) இனிவரும் நாட்களில் தமிழகத்தில் இயல்பை விட அதிக வெப்பம் நிலவும் என வானிலை ஆய்வு மையம் தெரிவித்துள்ளது.

13) தங்கம் விலை மீண்டும் சவரனுக்கு 64,000/- ஐக் கடந்தது.

14) அதிக வரி விதிப்பதால் இந்தியாவிடம் அதிக பணம் இருப்பதாக அமெரிக்க அதிபர் டொனால்ட் டிரம்ப் தெரிவித்துள்ளார்.

English News

1) 7 agreements signed between India and Qatar. Steps have been taken to double the trade between the two countries.

2) The Chief Minister has ordered a relief of Rs 498 crore for the damage caused by Cyclone Fenjal.

3) Deputy Chief Minister Udhayanidhi Stalin has assured that libraries will be set up in all prisons.

4) Teachers above the age of fifty can apply for a full medical check up by February 28.

5) The Pink Auto Scheme has been implemented in Chennai to ensure the safety of women and increase employment opportunities for women.

6) Online fraud has increased two and a half times in Tamil Nadu.

7) Gyanesh Kumar took office as the Chief Election Commissioner. He will hold office until 2029.

8) The Supreme Court has directed the Central Government to take appropriate steps to prevent the spread of controversial comments on social media.

9) 550 million people have taken holy dip in the Maha Kumbh Mela so far.

10) US President Donald Trump has said that he will soon talk to the Russian President regarding the ceasefire in Ukraine.

11) Unemployment in urban India has come down to 6 percent.

12) The Meteorological Department has said that Tamil Nadu will experience higher temperatures than normal in the coming days.

13) Gold prices have again crossed 64,000/- per sovereign.

14) US President Donald Trump has said that India has more money due to high taxes.