கொரோனாவைக் கண்டறிய உதவும் அமேசானின் அலெக்ஸா

கொரோனாவைக் கண்டறிய உதவும் அமேசானின் அலெக்ஸா

நாடு முழுவதும் வேகமாக பரவி வரும் கொரோனா வைரஸ் தொற்றை கண்டறிய அமேசானின் அலெக்சா உதவுகிறது.

அமேசான் நிறுவனம் வைரஸ் தொற்று பற்றிய உண்மைகளை வெளியிடுவதற்கான செயல்பாட்டை அலெக்சாவுக்கு வழங்கியுள்ளது.

அமேசான் அலெக்சா மூலம் காலிங், மியூசிக் போன்றவற்றை அனுபவித்திருக்கலாம். தற்போது கொரோனா நோய் தொற்றின் அறிகுறிகள், வெளியூர் சென்று வந்திருந்தால் அவற்றின் பயண வரலாறு மற்றும் வைரஸ் தொற்று பற்றிய முழு தகவல்களையும் அலெக்சாவை பயன்படுத்தி கேட்டறியலாம். கொரோனா வைரஸ் தொற்றுக்கு மத்தியில் மக்களுக்கு உதவும் வகையில் அமேசான் இந்த முயற்சியில் இறங்கியுள்ளது.

இந்த அம்சம் தற்போதுபோது அமெரிக்க பயனர்களுக்கு கிடைக்கிறது. நாம் அலெக்ஸாவிடம் கொரோனா வைரஸ் அல்லது கோவிட் 19 இருந்தால் என்ன செய்வது? என்ற கேள்வியை கேட்பதன் மூலம் voice assistant மூலம் பதிலளிக்கும். அதன் பிறகு, அதைத் தொடர்ந்து அதற்கான வழிகாட்டுதல்கள் குறித்த ஆலோசனைகளை வழங்குகிறது.

ஜப்பானிலும் தற்போது அலெக்சாவைப் பயன்படுத்தி, பாதிப்பு அளவைப் பற்றி கேட்டறியலாம். அதற்கு அலெக்சா பாதிப்பு நிலை மற்றும் அறிகுறிகளுடன் பொருந்தக்கூடிய வழிகாட்டுதல்களை வழங்குகிறது. இந்த பதில்கள் அனைத்தும், ஜப்பானிய சுகாதாரம், தொழிலாளர் மற்றும் நலத்துறை அமைச்சகம் வகுத்துள்ள வழிகாட்டுதல்களின் பேரில் வழங்கப்படுகிறது.

ஆஸ்திரேலியா, பிரேசில், கனடா, பிரான்ஸ், இந்தியா, இங்கிலாந்து மற்றும் அமெரிக்காவில் உள்ள அமேசான் அலெக்சா பயனர்கள் அலெக்சாவிடம் 20 விநாடிகள் ஒரு பாடலைப் பாடச் சொல்லி, அந்த நேரத்தில் அவர்கள் கைகளைக் கழுவி விட செய்யலாம். இதனால் இந்த அம்சம் குழந்தைகளை சரியாக கைகளை கழுவும் பழக்கத்தை ஊக்குவிக்கிறது.

கொரோனாவை எதிர்கொள்ள பிரதமரின் ‘மனதின் குரல்’

பிரதமரின் ‘மனதின் குரல்’

தேசிய அளவில் ஊரடங்கை அமல்படுத்தியதற்காக தன்னை மன்னித்துவிடுமாறு நாட்டு மக்களிடம் பிரதமா் நரேந்திர மோடி அவர்கள் ‘மனதின் குரல்’ நிகழ்ச்சியில் கேட்டுக் கொண்டார். அவர் ‘மனதின் குரல்’ நிகழ்ச்சியில் கேட்டுக் கொண்டதாவது,

Ø நாம் இப்போது எதிர்கொண்டுள்ள பிரச்சனையானது வாழ்வுக்கும் சாவுக்கும் இடையிலான போராட்டம். இந்தப் போராட்டத்தில் நாம் கண்டிப்பாக வெல்வோம்.

Ø உங்கள் அனைவரிடமும் நான் மன்னிப்பு கேட்டுக் கொள்கிறேன். நீங்கள் என்னை மன்னித்துவிடுவீா்கள் என்று உறுதியாக நம்புகிறேன். நாட்டில் உள்ள ஏழை, எளிய சகோதர, சகோதரிகளின் இப்போதைய நிலையைப் பார்க்கும்போது, என்ன மாதிரியான பிரதமா் இவா், நம்மை இந்த அளவுக்கு இக்கட்டில் தள்ளிவிட்டாரே என்று நினைப்பார்கள். இதற்காக அவா்களிடம் மீண்டும் ஒருமுறை மன்னிப்புக் கேட்டுக் கொள்கிறேன்.

Ø ஊரடங்கைத் தவிர வேறு வழியில்லை. நீங்கள் கடுமையான பிரச்னைகளை சந்தித்து வருகிறீா்கள். அதனை என்னால் புரிந்து கொள்ள முடிகிறது. ஆனால் 130 கோடி மக்கள்தொகை உடைய நமது நாட்டில் கொரோனா நோய்த்தொற்றை எதிர்த்துப் போராட இதைத் தவிர வேறு வழியில்லை. இது நமது வாழ்வுக்கும் சாவுக்கும் இடையிலான போராட்டம். இந்தப் போராட்டத்தில் இந்தியா்களாகிய நாம் கண்டிப்பாக வெற்றி பெறுவோம்.

Ø இந்த நேரத்தில் ஊரடங்கு உத்தரவை அமல்படுத்துவதைத் தவிர வேறு வழியில்லை. இதன் மூலம் உங்களையும் உங்கள் குடும்பத்தினரையும் பாதுகாத்துக் கொள்ள முடியும். உங்களுக்கு இப்போது ஏற்பட்டுள்ள பிரச்னைகளுக்காவும் இடா்பாடுகளுக்காகவும் மீண்டும் ஒருமுறை மன்னிப்பு கேட்கிறேன்.

Ø தனிமைப்படுத்தப்பட்டவா்கள் குற்றவாளிகள் அல்ல: கொரோனா பாதிப்பு இருக்கலாம் என்ற சந்தேகத்தில் சிலா் வீடுகளில் தனிமைப்படுத்தப்பட்டுள்ளனா். அவா்களை சிலா் மோசமாக நடத்துவதாக செய்திகள் வருகின்றன. இது மிகவும் துரதிருஷ்டவசமானது. அவா்களது தற்போதைய சூழ்நிலையை நாம் புரிந்து கொள்ள வேண்டும். சமூக விலகலை நாம் உறுதிசெய்ய வேண்டும். ஆனால், உணா்வுபூா்வமாக விலகி இருக்கக் கூடாது. கொரோனா இருப்பதாக சந்தேகத்தின் பேரில் தனிமைப்படுத்தப்பட்டுள்ளவா்கள் ஒன்றும் குற்றவாளிகள் அல்ல. மனித இனத்துக்கு எதிரான சவாலாக கொரோனா உருவெடுத்துள்ளது. இந்தப் பிரச்னையை எதிர்கொள்ள நாம் அனைவரும் ஒன்றிணைய வேண்டும்.

Ø இந்த ஊரடங்கு என்பது உங்களைப் பாதுகாப்பதற்காகத்தான். இப்போது காட்டி வரும் பொறுமையை மேலும் சில நாள்களுக்கும் காட்ட வேண்டும். அரசின் இப்போதைய உத்தரவுகளை யாரும் வேண்டுமென்றே மீறி நடப்பது இல்லை. அப்படி யாராவது சிலா் மீறி நடந்தால் அவா்களுக்கு பிரச்னையின் தீவிரம் புரியவில்லை என்றுதான் அா்த்தம். அவா்களை கொரோனாவில் இருந்து காப்பது கடினம் என்பதையும் புரிந்து கொள்ள வேண்டும். பல நாடுகளில் அரசின் விதிகளை மீறி நடந்தவா்கள் இப்போது தங்கள் செயல்களுக்காக வருத்தப்படுகின்றனா்.

Ø இந்த நேரத்தில் கொரோனாவை நாட்டை விட்டு விரட்ட முதல்நிலை வீரா்களாக மருத்துவா்கள், செவிலியா்கள், துணை மருத்துவ ஊழியா்கள், சுகாதாரப் பணியாளா்கள் உள்ளனா். அவா்களால்தான் நாம் இந்தப் பிரச்னையை எதிர்த்து முழுமூச்சுடன் போராட முடிகிறது. இது தவிர மக்களின் அத்தியாவசியத் தேவைகளைப் பூா்த்தி செய்யும் பணியிலும் பலா் ஈடுபட்டு வருகின்றனா். இவா்கள்தான் அன்றாட வாழ்வின் கதாநாயகா்கள். நமது மருத்துவப் பணியாளா்களின் உடல்நிலையிலும் நாடு அக்கறை கொண்டுள்ளது. அவா்களுக்காக ரூ.50 லட்சம் வரை மருத்துவக் காப்பீடு அளிக்கப்பட்டுள்ளது. இதன் மூலம் அவா்கள் மேற்கொண்டுள்ள போரில் முழு நம்பிக்கையுடன் ஈடுபட்டு வெற்றிகாண முடியும்.

Ø இந்த ஊரடங்கு காலகட்டத்தில் பொதுமக்கள் தங்கள் வீடுகளில் இருந்து தாங்கள் இதுவரை மறந்திருந்த ஆக்கபூா்வமான திறமைகளை மீட்டெடுக்க வேண்டும். பழைய நண்பா்களுடன் நட்பை புதுப்பித்துக் கொள்ள இதனை வாய்ப்பாக பயன்படுத்திக் கொள்ள வேண்டும்.

கொரோனாவால் இங்கிலாந்தை ஆளும் இந்தியர்கள்

கொரோனாவால் இங்கிலாந்தை ஆளும் இந்தியர்கள்

இங்கிலாந்து பிரதமரான போரிஸ் ஜான்சன் கொரோனா நோய்த்தொற்றுக் காரணமாக தனிமையில் இருப்பதாலும், கொரோனா நோய்த் தொற்று விஷயங்களைக் கையாளும் இங்கிலாந்து நல்வாழ்வுத் துறை அமைச்சர் மாட் ஹான்காக்கிற்கும் கொரோனா நோய்த்தொற்றுக் காரணமாக தனிமையில் இருப்பதாலும், பிரதமருடன் இணைந்து செயல்படக்கூடிய மற்றும் வெளியே இருந்து செயல்படுகிற அதிகாரம் மிக்க அமைச்சர்களில் இருவரான இந்திய வம்சாவளியைச் சேர்ந்த ரிஷி சுனக் மற்றும் பிரீத்தி சுசீல் படேல் ஆகிய இருவருமே நெருக்கடியான இந்நிலையில் இங்கிலாந்து நாட்டிற்குத் தேவையான அவசர உத்தரவுகளை வழங்கும் பொறுப்பில் உள்ளனர். இதனால் இந்தியாவை ஆண்ட இங்கிலாந்தை தற்போது கோரோனாவால் இந்தியர்கள் ஆளும் நிலை உள்ளது என்ற தகவல் வெளியாகி இருக்கிறது. இங்கிலாந்து பிரதமர் போரிஸ் ஜான்சன் அமைச்சரவையில் நிதித் துறை அமைச்சராக இருப்பவர் ரிஷி சுனக் ஆவார். இவர் இன்போசிஸ் நாராயணமூர்த்தியின் மருமகன் ஆவார் என்பது குறிப்பிடத்தக்கது. உள்துறை அமைச்சராக இருக்கும் பிரீத்தி சுசீல் படேல் என்பவர் இந்திய வம்சாவளியைச் சார்ந்த பெண்மணி ஆவார் என்பது குறிப்பிடத்தக்கது.

கொரோனா பலி கொண்ட சிவப்பு இளவரசி

கொரோனா பலி கொண்ட சிவப்பு இளவரசி

கொரோனாவுக்கு அரச குடும்பத்தின் முதல் உயிரிழப்பாக ஸ்பெயின் இளவரசியான மரியா தெரசா உயிரிழந்துள்ளார்.

86 வயதான ஸ்பெயின் இளவரசியான மரியா தெரசா கொரோனா தொற்று காரணமாக மரணமடைந்த அரச குடும்பத்தைச் சார்ந்த முதல் நபர் ஆவார். இவர் ஸ்பெயின் அரசரான ஆறாம் பிலிப்பின் உறவினராவார்.

ஸ்பெயின் மன்னர் ஆறாம் பிலிப்புக்கு கொரோனா பரிசோதனை செய்து முடிவில் நோய்த் தொற்று இல்லை என அறிந்த சில வாரத்திற்குப் பிறகு இளவரசி மரியா தெரசா மரணமடைந்திருக்கிறார்.

ஜூலை 28, 1933 இல் பிறந்த இளவரசி மரியா தெரசா பிரான்சில் படித்து, பாரிஸின் சோர்போனில் பேராசிரியராகவும், மாட்ரிட்டின் கம்ப்ளூடென்ஸ் பல்கலைக்கழகத்தில் சமூகவியல் பேராசிரியராகவும் பணியாற்றியவர்.

தனது மாற்றுச் சிந்தனையாலும், முற்போக்கு கருத்தோட்டத்தாலும் அவர் சிவப்பு இளவரசி என்று அழைக்கப்பட்டவர். அவரது மறைவு உலகளவில் அனைவரையும் கவலையில் ஆழ்த்தியுள்ளது.

புகைப்பிடிப்போரைக் கொரோனா கடுமையாகத் தாக்குமா?

புகைப்பிடிப்போரைக் கொரோனா கடுமையாகத் தாக்குமா?

புகைப்பிடிக்கும் நபா்கள் தங்கள் விரல்களில் சிகரெட்டை வைத்து புகைப்பதால் கை விரல்கள் இடையில் கொரோனா கிருமிகள் இருக்கும்பட்சத்தில் சிகரெட்டை உதட்டில் வைத்து எடுக்கும்போது எளிதாக வாய் தொண்டை வழியே கிருமிகள் நுழைந்து மிக எளிதில் நுரையீரலைத் தாக்கும் என்று மருத்துவர்கள் எச்சரிக்கின்றனர். மேலும் மருத்துவர்கள் இது குறித்து கூறுவதாவது,

Ø புகைப்பிடிப்பவா்கள் ஏற்கெனவே நுரையீரல் நோயினாலோ அல்லது நுரையீரல் பாதிப்பிற்கோ ஆளாகியிருந்தால் கொரோனா வைரஸ் எளிதில் உள்ளே சென்று உடனடியாக காய்ச்சல், இருமல், சளி போன்ற தொல்லைகளை உருவாக்கும்.

Ø புகைப்பிடிக்கும் பழக்கம் உள்ளவா்களுக்கு கொரோனா பாதிப்பு இருக்கும்பட்சம் அவா்கள் பயன்படுத்தும் குடிநீா் குழாய்கள் மற்றும் அதில் சொருகி வைக்கும் ‘ஓஸ்’ குழாய்களை அவா்கள் வாயில் வைத்து உறிஞ்சினாலும் கொரோனா வைரஸ் கிருமிகள் தண்ணீா் மூலம் மிக எளிதாக பரவும்.

Ø புகை பிடிப்பதால் உடலுக்கு ஆக்ஸிஜன் தேவைகள் அதிகரித்து அதனை உடல் சரியாகப் பயன்படுத்துவதற்கான திறன் குறைந்து போகும். இது புகைப் பிடிப்பவர்களுக்குக் கொரொனாவால் அதிக ஆபத்தை ஏற்படுத்த காரணமாகி விடும். இயன்றவரை கொரோனாவிலிருந்து தற்காத்துக் கொள்வதற்கு புகைப் பிடிக்காமல் இருப்பதும் ஒரு சிறந்த வழிமுறையாகும்.

உணவுப் பொருள்கள் மூலம் கொரோனா பரவுமா?

உணவுப் பொருள்கள் மூலம் கொரோனா பரவுமா?

உணவுப் பொருள்கள் மூலமாகவும் கொரோனா பரவ வாய்ப்பு இருக்கிறது. உணவுப் பொருளைத் தயாரிப்பவா்கள் கொரோனாவால் பாதிக்கப்பட்டிருந்தால், அவரின் சுவாசம் அந்தப் பொருள்களில்பட்டு, அதன் மூலம் கொரோனா பரவலாம். எனினும் இந்த வகையில் தொற்று பரவும் சதவீதம் குறைவாக இருப்பதாகவே ஆய்வுகள் தெரிவிக்கின்றன.

காய்கறிகளை வாங்கி வந்த உடன், அதைச் சுத்தமாக கழுவிவிட வேண்டும். கைகளையும் கிருமிநாசினி கொண்டு சுத்தப்படுத்திக்கொள்ள வேண்டும்.

பச்சைக் காய்கறிகளை நன்றாகக் கழுவிய பின்பு சாப்பிட வேண்டும்.

இறைச்சி மற்றும் மீன் சாப்பிடுதல், சுடுநீர் குடித்தல் தொடர்பாக கொரோனாவைத் தொடர்புபடுத்திச் சில கருத்துகள் நிலவுகின்றன. அவை எந்த அளவுக்கு உண்மை என்பது குறித்து மருத்துவர்கள் விளக்கமளித்துள்ளனர். அதாவது, ü இறைச்சி, மீன், முட்டை போன்ற அசைவ உணவுகளைச் சாப்பிடலாம். அதனால், கொரோனா பாதிப்பு எதுவும் இல்லை. அவற்றை நன்றாக சமைத்த பிறகே உண்ண வேண்டும். ü சுடுநீா் குடித்தால் தொண்டையில் தங்கியிருக்கும் கொரோனா வைரஸ் அழிந்துவிடும் என்பது அறிவியல் பூர்வமாக நிரூபிக்கப்படவில்லை. அதனால் தொண்டையின் கரகரப்பு வேண்டுமானால் போகலாம். ஏனென்றால் வைரஸை சுடுநீா் ஒன்றும் செய்யாது. ü அதைப்போல கொரோனா வைரஸ் வயிற்றில் தங்காது என்பதும் உண்மை இல்லை. வைரஸ் உடலின் எந்தப் பகுதியிலும் தங்கும்.

நோய் எதிர்ப்பு சக்தியை அதிகப்படுத்துவது கொரோனா உள்ளிட்ட அனைத்து நோய்த் தொற்றுக்கும் பொதுவான தீா்வு. பின்வரும் பொதுவான சில வழிகளில் நோய் எதிர்பாற்றலை அதிகரிக்கலாம். அவையாவன,

Ø நோய் எதிர்ப்பு சக்தியை அதிகரிக்கப்பதில் வைட்டமின் சி முக்கிய பங்கு வகிப்பதால் அது சார்ந்த உணவுப் பொருள்களை அதிகம் எடுத்துக் கொள்ளலாம்.

Ø ஒரு நாளின் 24 மணி நேரத்தில் 8 மணி நேரம் தூங்குவதும் உடலின் நோய் எதிர்பாற்றலை வளர்ப்பதற்கு உதவும்.

Ø காய்கறிகளை உணவை அதிகம் எடுத்துக் கொள்வதன் மூலம் நோய் எதிர்ப்பாற்றல் மேம்படும்.

Ø கீரை வகைகளை அடிக்கடி உணவில் சோ்த்துக்கொள்வதன் மூலமும், ஒருநாளைக்கு 2 முதல் 3 லிட்டா் தண்ணீா் குடிப்பதன் மூலமும் உடல் ஆரோக்கியத்தை நிலைநிறுத்தி நோய் எதிர்ப்பாற்றலை பேணலாம்.

எப்பிடி இருப்பினும் கொரோனா என்பது கண்ணுக்குத் தெரியாத வைரஸ் என்பதால் அதன் பரவல் குறித்து அதிக விழிப்புணர்வும், எச்சரிக்கையும் தேவையாக இருக்கிறது. மேலும், 60 வயது முதல் 80 வயது உடையவர்களை வைரஸ் அதிகம் தாக்குவதாக அண்மை புள்ளி விவரங்கள் தெரிவிக்கின்றன.

கொரோனா நுரையீரலை எவ்வாறு பாதிக்கிறது தெரியுமா?

கொரோனா நுரையீரலை எவ்வாறு பாதிக்கிறது தெரியுமா?

கொரோனா நுரையீரலை எவ்வாறு பாதிக்கிறது? உயிருக்கு எவ்வாறு ஆபத்தை ஏற்படுத்துகிறது? என்பது பற்றித் துல்லியமான விவரங்களை உலகப் புகழ்பெற்ற சுவாச நோய்களுக்கான மருத்துவர் ஜான் வில்சன் தெரிவித்துள்ளார். அவர் கூறியுள்ளதாவது,

கொரோனா பரவுவதை நான்கு நிலைகளாகக் கூறலாம். 1.      'சப்-கிளினிக்கல்' என்று சொல்லப்படும் வைரஸ் தொற்று இருப்பவர்கள். ஆனால், அவர்களிடம்  அறிகுறிகள் தென்படாது.

2.      அடுத்ததாக மேல் சுவாசக் குழாயில் தொற்று ஏற்படுவது. தொற்று ஏற்பட்ட  நபருக்கு காய்ச்சல், இருமல், தலைவலி அல்லது வெண்படல அழற்சி போன்ற லேசான அறிகுறிகள் இருக்கலாம்.ஆனால், குறைவான அறிகுறிகளைக் கொண்டவர்கள்தான் மற்றவர்களைவிட அதிகமாக வைரஸைப் பரப்பும் தன்மை கொண்டவர்கள். ஏனென்றால் அவர்களுக்குத் தொற்று ஏற்பட்டிருப்பதை அவர்களே உணர்ந்திருக்க மாட்டார்கள்.

3.      மூன்றாவதாக, கொரோனா தொற்று உறுதி செய்யப்பட்ட நபர்கள் மூலமாக பரவுவது.

4.      நான்காவது, நிமோனியா அறிகுறிகளுடன் கடுமையான பாதிப்பை ஏற்படுத்தும்.

வூஹானில், கொரோனா தொற்றுக்கு சிகிச்சை அளித்த மருத்துவர்கள், செவிலியர்கள், 6% பேர் கொரோனாவால் பாதிக்கப்பட்டுள்ளதாகப் புள்ளி விவரங்கள் கூறுகின்றன.

வயதானவர்கள் மற்றும் உயர் இரத்த அழுத்தம், இதயம் மற்றும் நுரையீரல் பிரச்னைகள் அல்லது நீரிழிவு போன்ற அடிப்படை பிரச்னைகள் உள்ளவர்களுக்கு கொரோனா தொற்று ஏற்படும் வாய்ப்புகள் அதிகம்.

Ø கொரோனா தொற்று, முதலில் இருமல் மற்றும் காய்ச்சலை உருவாக்கி இறுதியாக சுவாசப் பாதையை அடையும். அதாவது, நுரையீரலுக்கும் வெளிப்புறத்திற்கும் இடையில் காற்று செல்லும் பாதையில் வைரஸ் குடிபுகும்.

Ø இதன் காரணமாக சுவாசப் பாதையில் வீக்கம் ஏற்படுகிறது. மேலும், நரம்புகளிலும் பிரச்னையை ஏற்படுத்துகிறது. தொடர்ந்து, சிறு துகள்கள்கூட வாய்வழியாகத் தொண்டைக்குச் செல்லும்போது இருமல் ஏற்படுத்தும்.

Ø இது அதிகமாகும்பட்சத்தில்,  வைரஸ் காற்றுப் பாதையில் இருந்து அதன் முடிவில் உள்ள வாயு பரிமாற்ற மையத்திற்குச் செல்லும். இறுதியாக நுரையீரலின் அடிப்பகுதியில் உள்ள காற்றுப் பைகளுக்குச் செல்லும். அப்பகுதியில் வீக்கத்தை ஏற்படுத்துவதன் மூலம், நிமோனியா அறிகுறிகள் அதிகம் தோன்றும்.

Ø இதன் காரணமாக நுரையீரலில் பாதிப்பு ஏற்பட்டு, ரத்த ஓட்டத்தில் போதுமான ஆக்ஸிஜன் இல்லாத நிலை ஏற்படும். நுரையீரலுக்குத் போதிய ஆக்சிஜன் கிடைக்காது. இதனால் இதர உடலியக்க செயல்பாடுகள் தடைபடும்.

Ø வழக்கமாக நுரையீரல், காற்றில் உள்ள ஆக்சிஜன், கார்பன்-டை- ஆக்ஸைடு ஆகிய இரண்டையும் எடுத்துக்கொண்டு, அதில் ஆக்சிஜனை மட்டும் பிரித்து உடலின் மற்ற பகுதிகளுக்கு அனுப்பி உடல் இயக்க செயல்பாட்டுக்கு உதவுகிறது.

Ø கொரோனா தொற்று ஏற்பட்டவருக்கு ஆக்சிஜன் போதுமான அளவு கிடைக்காததால் நுரையீரல் செயல்பாடு பாதிக்கிறது. உடலின் ஆக்ஸிஜனை எடுத்துக்கொண்டு கார்பன் டை ஆக்சைடை அகற்றும் வேலையை குறைக்கிறது. இந்த ஒருகட்டத்திற்கு செல்லும்போது தான் மரணம் ஏற்படுகிறது என்று அவர் தெரிவிக்கிறார்.

3 மாத EMI விலக்கின் நன்மைகள் என்னவென்று தெரியுமா?

3 மாத EMI விலக்கின் நன்மைகள் என்னவென்று தெரியுமா?

கொரேனா அச்சுறுத்தலால் நாடு முழுவதும் எழுந்துள்ள அசாதாரண சூழ்நிலையால் ரிசர்வ் வங்கி EMI எனும் கடனுக்கான மாதத் தவணைத் தொகையைச் செலுத்துவதிலிருந்து 3 மாத கால அளவுக்கு விலக்கு அளித்துள்ளது. இதன் நன்மைகளாவன,

v தவணை செலுத்த வங்கிகள் அளிக்கும் 3 மாத அவகாசத்தைப் பயன்படுத்தும் வாடிக்கையாளர்களின் சிபில் ஸ்கோரில் வங்கிகள் சேர்க்காது.

v 3 மாதங்களுக்கு கடன் தவணை செலுத்தாமல் விடுவதால், அதனை வாராக்கடனாகவும் சேர்க்காது.

v ரிசர்வ் வங்கி அளித்த அனுமதியை ஏற்று ஒரு வங்கி 3 மாத கால அவகாசம் வழங்கினால், வரும் ஏப்ரல் மாதம் முதல் 3 மாதங்களுக்கு கடன் தொகைக்கான தவணையை செலுத்துவதில் இருந்து வாடிக்கையாளர்கள் விடுவிக்கப்படுவார்கள்.

v ஆனால் அதே சமயம், இந்த மூன்று மாதத் தவணையை செலுத்த வேண்டும் என்று அர்த்தமாகாது. உதாரணமாக, இன்னும் ஆறு தவணைகளை ஒருவர் செலுத்த வேண்டியிருந்தால், ஏப்ரல் முதல் செப்டம்பர் வரை அவர் தவணையைச் செலுத்த வேண்டும். அதுவே அவர் ஏப்ரல் முதல் 3 மாதம் அவகாசம் எடுத்துக் கொண்டாரேயானால், அதன்பிறகு ஜூலை மாதம் முதல் டிசம்பர் மாதம் வரை அவரது தவணையைச் செலுத்த வேண்டியது வரும். இதன் மூலம் மார்ச் மாதம் விடுமுறை அல்லது தொழில் பாதித்து வருமானம் குறைவாக இருக்கும்பட்சத்தில் வங்கிக்கடனை செலுத்த வேண்டிய அழுத்தம் பொதுமக்களுக்கு இருக்காது.

v அதே சமயம், இந்த மூன்று மாதங்களுக்கு ஒரு வேளை மக்களால் தவணையைச் செலுத்த முடியாமல் போனால், அதனால் வங்கிகளிடம் இருந்து எடுக்கப்படும் நடவடிக்கைகளில் இருந்தும், வட்டி அல்லது அபராதம் போன்றவற்றில் இருந்தும், சிபில் ஸ்கோரில் சிக்கல் ஏற்படுவதில் இருந்தும் தப்பிக்கலாம்.

v மேலும், இது கடன் தவணைகளுக்கு உட்பட, கிரெடிட் கார்டில் செலுத்த வேண்டிய தொகைக்கும் பொருந்தும் என்றும் தகவல்கள் தெரிவிக்கின்றன.

கொரோனா மீட்பு - ரிசர்வ் வங்கியின் முக்கிய அறிவிப்புகள்

கொரோனா மீட்பு - ரிசர்வ் வங்கியின் முக்கிய அறிவிப்புகள்

நாடு முழுவதும் கொரோனா தொடர்பாக எழுந்துள்ள அசாதாரண நிலைமையை எதிர்கொள்ளும் வகையில், மத்திய ரிசர்வ் வங்கி ஆளுநர் சக்தி காந்ததாஸ் வெளியிட்ட அறிவிப்புகளாவது,

ü வங்கிகளுக்கான ரெப்போ வட்டி விகிதமானது 5.15 சதவீதத்திலிருந்து 4.4 சதவீதமாக குறைக்கப்படுகிறது. ரிவர்ஸ் ரெப்போ 4.9 சதவீதத்தில் இருந்து 4 சதவீதமாக குறைக்கப்படுகிறது.

ü வங்கிகளுக்கான ரெப்போ விகிதம் குறைக்கப்பட்டிருப்பதால் வீட்டு கடன் வட்டி குறைய வாய்ப்புள்ளது.

ü வங்கிகளுக்கான ரெப்போ விகிதம் குறைக்கப்பட்டிருப்பதால் வீட்டுக்கடன் வட்டி மட்டுமின்றி தொழில்துறையினர் பெற்ற கடன்களுக்கான வட்டியும் குறைய வாய்ப்புள்ளது. வட்டி குறைப்பு காரணாக மாத தவணைகளின் எண்ணிக்கையும் குறையக்கூடும்.  வங்கிகளில் கடன் வாங்கியவர்கள் 3 மாதத்திற்கு இஎம்ஐ கட்ட தேவையில்லை. எல்லா வகையான கடன்களின், தவணைகளுக்கு 3 மாதங்களுக்கு விலக்கு அளிக்கப்படுகிறது. விலக்கு அளிக்கப்பட்ட மாதங்களின் தவணைகளை 3 மாதம் கழித்து கட்ட வேண்டும்.

மேலும் இந்திய வங்கி முறை பாதுகாப்பாகவும், சிறப்பாகவும் உள்ளது. வங்கிகள் சவாலான சூழலில் உள்ள போதிலும் தாம் நம்பிக்கையுடன் இருப்பதாக ரிசர்வ் வங்கி ஆளுநர் நம்பிக்கை தெரிவித்துள்ளார்.

Corona Update

Corona Update

கீழே உள்ள இணைப்பைச் சொடுக்குவதன் மூலம் வரும் சுழலும் உலக உருண்டையில் உள்ள எந்த நாட்டை தொட்டாலும் அந்த நாட்டின் தற்போதைய கொரொனா அபாயம் குறித்த தகவல்கள் உடனுக்குடன் தெரிய வரும். இணைப்புக்குக் கீழே சொடுக்கவும்.

https://www.covidvisualizer.com/

மத்திய நிதி அமைச்சரின் கொரோனா மீட்பு அறிவிப்புகள்

மத்திய நிதி அமைச்சரின் கொரோனா மீட்பு அறிவிப்புகள்

கொரோனா தொற்று இந்தியா முழுவதும் தீவிரமாகப் பரவி வரும் நிலையில், மத்திய நிதியமைச்சர் நிர்மலா சீதாராமன் இன்று செய்தியாளர்களை சந்தித்து பேசினார். இதில் மருத்துவர்கள் மற்றும் தொழிலாளர் நலன் சார்ந்த கொரோனா மீட்புக்கான முக்கிய அறிவிப்புகளை வெளியிட்டார். அவையாவன,

Ø மத்திய அரசின் 'கிஷன் சம்மான் நிதி' திட்டத்தின் கீழ் விவசாயிகளுக்கு 6000 ரூபாய் வழங்கப்படும் என்று மத்திய அரசு அறிவிக்கப்பட்டிருந்தது. இதில், 2000 ரூபாய் தற்போது உடனடியாக வழங்கப்படும். இதன் மூலம், 8.69 கோடி விவசாயிகள் பயன்பெறுவார்கள்.

Ø ஊரக வேலைவாய்ப்பு திட்டத்தின் கீழ் தொழிலாளர்களுக்கு தலா ரூ.2,000 வழங்கப்படும். இதன் மூலம்  5 கோடி குடும்பங்கள் பயன்பெறுவர்.

Ø ஏழை மூத்த குடிமக்கள், மாற்றுத்திறனாளிகள், விதவைப் பெண்கள் பயன்பெறும் வகையில் தலா ரூ.1000 இரண்டு தவணைகளாக வழங்கப்படும். 3 கோடி பேர் இதில் பயன்பெறுவர்.

Ø ஜன் தன் யோஜனா திட்டத்தின் கீழ் வங்கிக்கணக்கு வைத்திருக்கும் பெண்களுக்கு அடுத்த 3 மாதத்திற்கு தலா ரூ.500 வழங்கப்படும்.  இதன் மூலமாக 20 கோடி பெண்கள் பயன்பெறுவார்கள்.

Ø உஜ்வாலா திட்டத்தின் கீழ் பெண்களுக்கு கேஸ் இணைப்பு இலவசமாக வழங்கப்பட்டுள்ளது. ஏற்கெனவே உஜ்வாலா திட்டத்தின் கீழ் உள்ள பெண்களுக்கு அடுத்த 3 மாதத்திற்கு இலவச சிலிண்டர் வழங்கப்படும். இதில் 8.3 கோடி பெண்கள் பயன்பெறுவர்.

Ø மகளிர் சுய உதவி குழுக்களில் இருக்கும் 7 கோடி குடும்பப் பெண்களுக்கு இதுவரை 10 லட்சம் உதவி அளிக்கப்பட்டு வந்தது. தற்போது இது 20 லட்சமாக உயர்த்தி வழங்கப்படும்.

Ø வருங்கால வைப்பு நிதி காப்பீட்டுத் தொகையை(24%) அடுத்த 3 மாதத்திற்கு அரசே செலுத்தும். அதாவது நிறுவனம் தரப்பில் வழங்கப்படும் 12% தொகை, தொழிலாளர்கள் தரப்பில் இருந்து செலுத்தப்படும் 12% என மொத்தம் 24% தொகையையும் அரசே செலுத்தும். 100 பணியாளர்களுக்கு குறைவாக உள்ள நிறுவனங்கள் மற்றும் மாத வருமானம் ரூ. 15,000க்கு குறைவாக இருக்கும் பணியாளர்களுக்கு இது பொருந்தும்.

Ø அடுத்ததாக, பி.எப் கணக்கு வைத்திருக்கும் தொழிலாளர்கள் தங்கள் கணக்கில் உள்ள 75% தொகை அல்லது 3 மாத ஊதியம், இதில் எது குறைவாக உள்ளதோ அதை எடுத்துக்கொள்ள முடியும்.

Ø கட்டடத் தொழிலாளர்களுக்கான நல நிதியில் இருந்து (ரூ.31,000 கோடி உள்ளது) அவர்களுக்குத் தேவையான உதவித்தொகையை மாநில அரசு வழங்கலாம்.

Ø நாட்டில் 80 கோடி மக்களுக்கு தலா 5 கிலோ அரிசி மற்றும் 1 கிலோ பருப்பு அடுத்த 3 மாதங்களுக்கு இலவசமாக வழங்கப்படும்.

Ø மருத்துவர்கள், செவிலியர்கள், சுகாதாரப் பணியாளர்களுக்கு ரூ.50 லட்சம் வரையில் மருத்துவ காப்பீடு வழங்கப்படும்.