PPF, EPF, NPS எது சிறந்தது?

PPF, EPF, NPS எது சிறந்தது?

பொது சேமநல நிதி (Public Provident Fund),

பணியாளர் சேமநல நிதி (Employee’s Provident Fund),

தேசிய ஓய்வூதியத் திட்டம் (National Pension Scheme)

ஆகிய மூன்று திட்டங்களில் ஒருவர் வருங்காலத்திற்காக முதலீடு செய்யலாம். இந்த மூன்று திட்டங்களில் எதில் முதலீடு செய்வது சிறப்பானது? அதை அறிந்து கொள்வதற்குப் பின்வரும் அட்டவணை உங்களுக்கு உதவியாக இருக்கும்.

PPF	EPF	NPS
கடன் பத்திரங்களில் முதலீடு செய்யப்படுகிறது.	15 சதவீதம் மட்டும் பங்குச் சந்தையில் முதலீடு செய்யப்படுகிறது.	பங்குச் சந்தை மற்றும் கடன் பத்திரங்களில் முதலீடு செய்யப்படுகிறது.
பழைய வருமான வரி முறையில் 80சி பிரிவின் கீழ் 1.5 லட்சம் வரை வரிச்சலுகை உள்ளது. புதிய வருமான வரி முறையில் இல்லை.	பழைய வருமான வரி முறையில் 80சி பிரிவின் கீழ் 1.5 லட்சம் வரை வரிச்சலுகை உள்ளது. புதிய வருமான வரி முறையில் இல்லை.	பழைய வருமான வரி முறையில் 80சி பிரிவின் கீழ் 1.5 லட்சம் வரை வரிச்சலுகை உள்ளது. புதிய வருமான வரி முறையிலும் உள்ளது.
மத்திய அரசு திட்டம் என்பதால் முதலீட்டு அபாயம் இல்லை.	மத்திய அரசு திட்டம் என்பதால் முதலீட்டு அபாயம் இல்லை. 15 சதவீதம் பங்குச் சந்தையில் முதலீடு செய்யப்பட்டாலும் அதற்கான முதலீட்டு அபாயத்தை மத்திய அரசு ஏற்றுக் கொள்கிறது.	பங்கு மற்றும் கடன் பத்திர சந்தையைச் சார்ந்த முதலீட்டு அபாயங்களுக்கு உட்பட்டது.
மூன்று மாதங்களுக்கு ஒரு முறை வட்டி வீதம் குறித்து அரசு அறிவிக்கிறது.	ஆண்டுக்கு ஒரு முறை வட்டி வீதம் குறித்து அரசு அறிவிக்கிறது.	முதலீட்டு வளர்ச்சி என்பது பங்குச் சந்தையைச் சார்ந்தது.
தற்போதைய ஆண்டு வட்டி 7.1 சதவீதமாக உள்ளது.	தற்போயைத ஆண்டு வட்டி 8.25 சதவீதமாக உள்ளது.	12 சதவீதத்துக்கு மேல் வருமானம் கிடைக்கலாம். அது பங்குச் சந்தையின் செயல்பாட்டைப் பொருத்தது.
15 ஆண்டு காலத் திட்டம்.	பணியாளரின் பணி ஓய்வுக் காலம் வரை அல்லது பணியிலிருந்துவிலகும் வரையிலான திட்டம்.	60 வயது வரையிலான திட்டம்.
15 ஆண்டுகளுக்குப் பிறகு முழு பணத்தையும் எடுத்துக் கொள்ள முடியும்.	பணி நிறைவுக்குப் பிறகு முழுத் தொகையையும் எடுத்துக் கொள்ள முடியும்.	60 வயதில் பணி ஓய்வு பெறும் போது 60 சதவீதத் தொகை வழங்கப்படும். மீதி 40 சதவீதத் தொகை ஓய்வூதியம் வழங்க எடுத்துக் கொள்ளப்படும்.

மேற்படி அட்டவணையைக் கொண்டு உங்களது வருங்காலத்துக்கு ஏற்ற சிறந்த திட்டம் எது என்பதை நீங்கள் முடிவு செய்து கொள்ளலாம். இத்திட்டங்களில் ஏதேனும் ஒன்றில் முதலீடு செய்வதை விட, இரண்டிலோ அல்லது மூன்றிலும் கூட நீங்கள் விரும்பினால் முதலீடு செய்து கொள்ளலாம்.

தற்போது இம்மூன்று திட்டங்கள் பற்றியும் சுருக்கமாகக் கூற வேண்டும் என்றால்,

பாதுகாப்பான நிலையான வருமானத்தை விரும்புவோருக்கு PPF மற்றும் EPF ஏற்றதாக இருக்கும். இதில் வட்டி மூலம் கிடைக்கும் முதலீட்டுப் பெருக்கம் குறைவாக அதே நேரத்தில் நிலையானதாக இருக்கும்.

முதலீட்டில் அபாயத்தை எதிர்கொள்ள விரும்புவோருக்கு NPS திட்டம் ஏற்றதாக இருக்கும். இதில் பங்குச் சந்தையின் நீண்ட கால செயல்பாட்டின் அடிப்படையில் முதலீட்டுப் பெருக்கம் கூடுதலாகப் அமைவதற்கான சாத்தியக்கூறுகள் உள்ளது. எனினும் இக்கூடுதல் முதலீட்டுப் பெருக்கம் என்பது சந்தை அபாயங்களுக்கு உட்பட்டது.

மூன்றிலும் கலந்து முதலீடு செய்யும் போது முதலீட்டு அபாயம் பரவலாக்கப்படுவதுடன், கூடுதல் முதலீட்டுப் பெருக்கம் பெறவும் வாய்ப்புள்ளது.

*****