NMMS - SAT - வடிவியல் பகுதியில் எதிர்பார்க்கப்படும் வினாக்கள் குறித்த குறிப்புகள்

 

NMMS - SAT - வடிவியல் பகுதியில் எதிர்பார்க்கப்படும் வினாக்கள் குறித்த குறிப்புகள்

இதுவரை நாம் பார்த்த ஐந்து வருட வினாத்தாள்களில் இடம் பெற்றிருந்த வினாக்கள் கேட்கப்பட்டுள்ள விதத்திலிருந்து நாம் பின்வரும் குறிப்புகளை அறிந்து கொள்ள இயலும். அவையாவன,

Ø படிப்பறிவுத் திறன் (SAT) பகுதியில் வடிவியல் பாடப்பகுதியிலிருந்து மூன்றிலிருந்து நான்கு வினாக்கள் கேட்கப்பட வாய்ப்புள்ளது.

Ø வினாக்கள் அறிதலைச் சோதிக்கும் நேரடி வினாக்களாகவோ அல்லது புரிதலை வெளிக்கொணரும் இடைநிலை வினாவாகோ அல்லது உயர் சிந்தனை வினாவாகவோ அமையவோ வாய்ப்புள்ளது.

Ø முக்கோணத்தின் பண்புகள் மற்றும் பிதாகரஸ் தேற்றத்தைப் பயன்படுத்தித் தீர்வு காணும் கணக்குகள் கட்டாயம் இடம்பெற வாய்ப்புள்ளது.

Ø குறுக்குவெட்டி தொடர்பான கணக்கு ஒன்றையும் எதிர்பார்க்கலாம்.

Ø வடிவியல் உருவங்களான சதுரம் , செவ்வகம் , முக்கோணம் , வட்டம் , நாற்கரம்  இணைகரம் , சரிவகம், சாய்சதுரம் ஆகியவற்றின் பண்புகள் மற்றும் கோண வகைகள் குறித்து அறிந்திருத்தல் அவசியம். இவை சார்ந்த நேரடி வினாக்கள் கேட்கப்பட வாய்ப்புள்ளது. 

நுணுக்கங்களும் நுட்பங்களும் (Tips & Tricks)

ü கொடுக்கப்பட்ட கணக்கு கோண வகையைச் சேர்ந்தது என்றால் ஒரு கோடமை  கோணங்கள் = 180⁰, ஒரு புள்ளியமை கோணங்கள் = 360⁰ என்பதைப் பயன்படுத்த முடியுமா என்று பாருங்கள்.

ü முக்கோணம் தொடர்பான கணக்குகளில் பிதாகரஸ் தேற்றத்தைப் பயன்படுத்த முடியுமா என்று பாருங்கள்.

ü முக்கோணங்களில் கோணவகை தொடர்பான கணக்குகளில் உள்ளெதிர்க் கோணங்கள் வெளிக்கோணத்திற்குச் சமம் என்ற கருத்தைப் பயன்படுத்த முடியுமா என்று பாருங்கள்.

ü குறுக்குவெட்டி தொடர்பான கணக்குகளில் ஒத்தக்கோணங்கள் சமம், ஒன்றுவிட்ட கோணங்கள் சமம், குத்தெதிர்க் கொணங்கள் சமம் என்ற கருத்தைப் பயன்படுத்தி முயற்சி செய்யுங்கள்.

ü நேரடி வினாக்களுக்கு வடிவியல் தொடர்பான அடிப்படைக் கருத்துகளை  மனதில் இருத்திக் கொள்ளுங்கள்.