செயலாராய்ச்சி படிநிலைகள் விளக்கம்

செயலாராய்ச்சி படிநிலைகள் விளக்கம்

            கல்வி சார் செயலாராய்ச்சியில் பின்வரும் படிநிலைகள் பொதுவாகப் பயன்படுத்தப்படுகின்றன. இப்படிநிலைகள் குறித்த விவரத்தையும் விளக்கத்தையும் கீழே உள்ள அட்டவணை மூலமாக எளிதாக அறிந்து கொள்ளலாம்.

வ. எண்	படிநிலை
1.	அறிமுகம் / முன்னுரை இத்தலைப்பில் பின்வரும் செய்திகள் இடம் பெறலாம். Ø ஆய்வு தொடர்பான செய்திகள் / பிரச்சனைகள் / சவால்கள் Ø ஆய்வு குறித்த சுருக்கமான அறிமுகம்
2.	பிரச்சனையை அடையாளம் காணுதல் இத்தலைப்பில் பின்வரும் செய்திகள் இடம் பெறலாம். Ø ஆய்வுப் பிரச்சனை எங்கு அடையாளம் காணப்பட்டது என்ற விவரம் Ø ஆய்வுப் பிரச்சனை எப்போது, எப்படி அடையாளம் காணப்பட்டது என்ற விவரம் Ø இவ்வாய்வு யாருக்காக மேற்கொள்ளப்படுகிறது என்ற விவரம்
3.	பிரச்சனையை வரையறை செய்தல் இத்தலைப்பில் பின்வரும் செய்திகள் இடம் பெறலாம். Ø ஆய்வில் பிரச்சனைத் தீர்ப்பதற்காக யார் யாரைத் தேர்ந்து கொள்கிறார்கள் என்ற விவரம் Ø எந்தப் பகுதியில் ஆய்வு மேற்கொள்ளப்படுகிறது என்ற விவரம் Ø எந்த வகுப்பு, எந்தப் பாடத்தில், எந்தக் கற்றல் விளைவில் மேற்கொள்ளப்படுகிறது என்பன போன்ற விவரங்கள் Ø தேர்ந்து கொள்ளும் மாணவர்களின் எண்ணிக்கை விவரம்
4.	ஆய்வின் தேவையும் முக்கியத்துவமும் இத்தலைப்பில் பின்வரும் செய்திகள் இடம் பெறலாம். Ø பிரச்சனையை அப்படியே விட்டு விட்டால் என்னவாகும் என்பது குறித்த விளக்கம் Ø பிரச்சனைக்குத் தீர்வு காண்பதால் என்னென்ன நன்மைகள் உண்டாகும் என்பது குறித்த விளக்கம்
5.	ஆய்வின் நோக்கங்கள் இத்தலைப்பில் பின்வரும் செய்திகள் இடம் பெறலாம். Ø பிரச்சனையை அடையாளம் கண்டு தீர்க்கும் விதம் Ø பிரச்சனையை வகைபடுத்தியிருக்கும் தன்மை Ø செயல்பாடுகளை உருவாக்கியிருக்கும் விதம் மற்றும் அதனால் உண்டாகும் தாக்கத்தை அளவிடும் விதம்
6.	உத்தேசக் காரணங்கள் இத்தலைப்பில் பின்வரும் செய்திகள் இடம் பெறலாம். Ø ஆய்வுப் பிரச்சனை உண்டாவதற்கான உத்தேசக் காரணங்களைப் பட்டியலிடுதல் Ø பிரச்சனையின் பின்புலத்தையும் அது உண்டாகும் விதத்தையும் விளக்குதல்
7.	உத்தேசத் தீர்வுகள் இத்தலைப்பில் பின்வரும் செய்திகள் இடம் பெறலாம். Ø படிநிலை 6 இல் குறிப்பிட்ட உத்தேச காரணங்களுக்கான உத்தேசத் தீர்வுகள் Ø உத்தேசக் காரணங்களுக்கு ஒத்து வரும் வகையில் உத்தேசத் தீர்வுகள் அமைவது நலம்
8.	கருதுகோள்கள் இத்தலைப்பில் பின்வரும் செய்திகள் இடம் பெறலாம். Ø உத்தேசக் காரணங்களிலிருந்து உண்மை காரணத்துக்கு வரும் விதம் Ø எந்தெந்தத் தீர்வுகளைக் கொடுத்தால் அது நடைமுறைக்கு உகந்ததாக இருக்கும் என்பதைக் காட்டுதல் Ø ஒரு குறிப்பிட்ட நிபந்தனையை சோதித்துத் தீர்வு காண்பது குறித்த வாக்கியம்
9.	ஆய்வியல் அ) ஆய்வு முறை பரிசோதனை முறை ஆ) வடிவமைப்பு ஒற்றைக் குழு – முன்தேர்வு – பின்தேர்வு வடிவமைப்பு இ) ஆய்வுக்கு உட்படும் மாணவர்கள் இத்தலைப்பில் ஆய்வுக்கு உட்படும் மாணவர்கள் குறித்த பின்வரும் விவரங்கள் இடம் பெறலாம். Ø மாவட்டம் Ø ஒன்றியம் Ø பள்ளி Ø வகுப்பு Ø மாணவர் எண்ணிக்கை ஈ) ஆய்வுக்கருவி அடைவுத்தேர்வு வினாத்தாளின் தன்மை குறித்த விவரமும் விளக்கமும்
10.	முன்தேர்வு இத்தலைப்பில் பின்வரும் செய்திகள் இடம் பெறலாம். Ø எந்த ஆய்வுக்கருவி மூலம் எப்போது, யாருக்கு, எப்படி, எங்கே நடத்தப்பட்டது என்ற விவரங்கள்
11.	செயல்பாடுகள் இத்தலைப்பில் பின்வரும் செய்திகள் இடம் பெறலாம். Ø கருதுகோளின் இலக்கை அடைய மேற்கொண்ட செயல்பாடுகள் குறித்த விளக்கம். Ø விளக்கப்படும் செயல்பாடுகள் படைப்பாற்றல் தன்மையோடும், புதுமைத் தன்மையோடும், நவீனத் தன்மையோடும், சுயத் தன்மையோடும், நடைமுறைக்கு உகந்த தன்மையோடும் அமைவது நலம்
12.	பின்தேர்வு முன்தேர்வில் இடம்பெற்ற வினாத்தாள் அப்படியே இடம் பெற வேண்டும்.
13.	பகுப்பாய்வு இத்தலைப்பில் பின்வரும் செய்திகள் இடம் பெறலாம். Ø முன்தேர்வு மதிப்பீடு Ø பின்தேர்வு மதிப்பீடு Ø முன் தேர்வு, பின்தேர்வுக்கு இடையிலான வேறுபாடு Ø முன்னேற்ற சதவீதம்
14.	முடிவுகள் இத்தலைப்பில் பின்வரும் செய்திகள் இடம் பெறலாம். Ø கருதுகோளில் எடுத்துக் கொள்ளப்பட்ட நோக்கம் நிறைவேறியது குறித்த விளக்கம் Ø எத்தனை கருதுகோள்கள் எடுத்துக் கொள்ளப்பட்டனவோ அத்தனை முடிவுகள் இடம்பெற வேண்டும்
15.	கல்வியியல் பயன்பாடு இத்தலைப்பில் பின்வரும் செய்திகள் இடம் பெறலாம். Ø ஆய்வு முடிவுகள் எந்தெந்த விதத்தில் யார் யாருக்கெல்லாம் பயன்படும் என விளக்குதல். Ø ஆய்வின் தேவை மற்றும் முக்கியத்துவம் பகுதியில் குறிப்பிடப்பட்டது சாத்தியம் என்பதை விளக்கியும் எழுதலாம்.
16.	பரிந்துரைகள் இத்தலைப்பில் பின்வரும் செய்திகள் இடம் பெறலாம். Ø எந்தெந்த இடங்களில் பரிசோதிக்கப்பட்ட ஆய்வு முடிவுகள் பயன்படும் என விளக்குதல். Ø ஒரு குறிப்பிட்ட நிலைமைக்குப் பொருந்திய பரிசோதனை முடிவு இன்ன பிற நிலைமைகளுக்கும் பொருந்துமா என்பது குறித்து எழுதலாம். Ø ஒரு குறிப்பிட்ட பாடத்திற்கு மேற்கொள்ளப்பட்ட பரிசோதனையின் முடிவு பிற பாடங்களுக்கும் பொருந்துமா என்பது குறித்தும் எழுதலாம்.
17.	துணைநூற் பட்டியல் இத்தலைப்பில் பின்வரும் செய்திகள் இடம் பெறலாம். Ø பாடநூல் விவரம் Ø பயன்பட்ட நூல்கள் விவரம் Ø மேற்கோள் காட்டப்பட்ட நூல்கள் விவரம் Ø இதழ்களின் விவரம் Ø இணையதள முகவரி
18.	பிற்சேர்க்கை இத்தலைப்பில் பின்வரும் செய்திகள் இடம் பெறலாம். Ø புகைப்படங்கள் Ø வினாத்தாள்கள் Ø புதிய ஆய்வுக்கருவிகள் பயன்படுத்தப்பட்டிருந்தால் அது குறித்த விளக்கம் Ø அட்டவணைகள் Ø இன்ன பிற ஆய்வோடு தொடர்புடைய ஏதேனும் இருப்பின் அதையும் பிற்சேர்க்கையாக இணைத்துக் கொள்ளலாம்

இதனை PDF ஆகப் பெற கீழே சொடுக்கவும்.

 Click Here to Download

•••••