இந்தியாவின் வண்ண நகரங்களை அறிந்து கொள்வோமா?

இந்தியாவின் வண்ண நகரங்களை அறிந்து கொள்வோமா?

இந்தியாவில் மஞ்சள் நகரம் (தங்க நகரம்), நீல நகரம், இளஞ்சிவப்பு நகரம், வெள்ளை நகரம், சிவப்பு நகரம், ஆரஞ்சு நகரம் என நிறங்களை அடிப்படையாகக் கொண்ட நகரங்கள் உள்ளன. அவற்றைப் பற்றி அறிந்து கொள்வோமா?

1. மஞ்சள் நகரம் அல்லது தங்க நகரம்

தங்க நகரம் என அழைக்கப்படுவது ஜெய்சால்மர். இது ராஜாஸ்தானில் உள்ளது. இந்நகரின் கோட்டைகள், அரண்மனைகள், மணல் முகடுகள், ஏரிகள் போன்றவை சூரிய ஒளியில் தங்க நிறமாக ஜொலிக்கின்றன. இந்நகரை நிறுவியர் ராவ் ஜெய்சால். அவரது நினைவாக இந்நகரம் ஜெய்சால்மர் எனப்படுகிறது.

2. நீலநகரம்

நீல நகரம் என அழைக்கப்படுவது ஜோத்பூர். இந்நகரமும் ராஜஸ்தானில்தான் உள்ளது. இந்நகரின் வீடுகள், மதில்கள் அனைத்துக்கும் நீல நிறமே அடிக்கப்படுகின்றன. இந்நகரில்தான் இந்திய ராணுவத்தின் ஆராய்ச்சி மற்றும் மேம்பாட்டு மையம் அமைந்துள்ளது.

3. இளஞ்சிவப்பு நிறம்

இளஞ்சிவப்பு நிறம் என அழைக்கப்படுவது ஜெய்ப்பூர். இந்நகரமும் ராஜஸ்தானில்தான் உள்ளது. இந்நகரமே ராஜஸ்தானின் தலைநகரமும் ஆகும். இந்நகரில் உள்ள கோட்டைகள், அரண்மனைகள் இளஞ்சிவப்பு நிறத்தில் ஜொலிப்பதால் இந்நகருக்கு இப்படி ஒரு பெயர்.

4. வெள்ளை நகரம்

வெள்ளை நகரம் என அழைக்கப்படுவது உதய்பூர். இந்நகரமும் ராஜஸ்தானில்தான் உள்ளது. இந்நகரை நிர்மாணித்தவர் உதய்சிங். அவரது பெயரால் இந்நகரம் வழங்கப்படுகிறது. இந்நகரம் ஏரிகளின் நகரம் என்றும் அழைக்கப்படுகிறது. இந்நகரின் அரண்மனைகள், கோட்டைகள் வெள்ளை நிறத்தில் காட்சியளிப்பதால் இந்நகருக்கு இப்படி ஒரு பெயர்.

5. சிவப்பு நகரம்

சிவப்பு நகரம் என அழைக்கப்படுவது ஆக்ரா. இது உத்திரபிரதேச மாநிலத்தில் உள்ளது. இந்நகரின் பெரும்பாலான அரண்மனைகள், கோட்டைகள் சிவப்பு நிறத்தில் உள்ளதால் இப்படி ஒரு பெயர். ஆனால் தாஜ்மஹால், பதேபூர் சிக்ரி, சிக்கந்திரா போன்றவை வெள்ளை நிறத்திலானவை.

6. ஆரஞ்சு நகரம்

ஆரஞ்சு நகரம் என அழைக்கப்படுவது நாக்பூர். இது மத்தியபிரதேச மாநிலத்தில் உள்ளது. ஆரஞ்சுகள் அதிகம் விளைவதால் இந்நகரத்திற்கு இப்படி ஒரு பெயர். மேலும் இந்நகரில் உள்ள அரசு கட்டடங்களும் பொது கட்டடங்களும் ஆரஞ்சு வண்ணத்தில் உள்ளன.

இந்தியாவில் உள்ள வண்ண நகரங்களில் பெரும்பாலானவை ராஜஸ்தானில் உள்ளன என்பது குறிப்பிடத்தக்கது. சிவப்பு நகரமும், ஆரஞ்சு நகரமும் மட்டுமே வேறு மாநிலங்களில் உள்ளன.

*****