ஸ்லோ லிவிங் - கொஞ்சம் நில்லுங்கள் ராஜா!

ஸ்லோ லிவிங் - கொஞ்சம் நில்லுங்கள் ராஜா!

உங்கள் காலை எப்படித் தொடங்குகிறது?

அலாரம் அடித்ததும் அந்த ஸ்னூஸ் பட்டனைத் தேடித் தேய்த்துவிட்டு, பிறகு பதறியடித்து எழுந்து, ஒரு கையில் பிரஷ்ஷும் மறு கையில் பிரெட்டும் பிடித்துக்கொண்டு ஓடுகிறீர்களா? ஆபீஸில் ஒரு முடிவே இல்லாத To-do லிஸ்ட். சதா காலமும் ஸ்ட்ரெஸ். வீட்டுக்கு வந்தால் சோபாவில் விழுந்து மொபைலை நோண்டிக்கொண்டே தூக்கம் வராத ஒரு ராத்திரி.

அப்படி இருந்தால்… ஸ்டாப்! கொஞ்சம் பிரேக் போடுங்கள்.

வாழ்க்கை என்பது ஓடி முடிக்க வேண்டிய ரேஸ் அல்ல, அது ரசித்து அருந்த வேண்டிய ஒரு ஃபில்டர் காபி. ஸ்லோ லிவிங் என்ற தத்துவம் பேசுவது அதைத்தான்.

அதாகப்பட்டது, மெதுவாக.... ஆனால் அர்த்தமுள்ளதாக!

அலாரத்தோடு மல்யுத்தம் செய்வதை நிறுத்துங்கள். ஐந்து நிமிடம் ஜன்னல் வழியே வானத்தைப் பாருங்கள். காபியின் வாசத்தை நுகருங்கள்.

வீடு என்பது வெறும் கான்கிரீட் பெட்டி அல்ல. அதை நிம்மதி தரும் இடமாக மாற்றுங்கள். தேவையற்ற குப்பைகளையும், தேவையற்ற டென்ஷன்களையும் டெலீட் செய்யுங்கள்.

வாட்ஸ்அப் மெசேஜ்களைத் தாண்டி, பக்கத்தில் இருப்பவரின் கண்களைப் பார்த்துப் பேசுங்கள். குவாலிட்டி டைம் என்பது ஓர் இன்வெஸ்ட்மென்ட்.

 சாப்பிடும்போது சாப்பாட்டின் ருசியை உணருங்கள். நடக்கும்போது காலடியில் இருக்கும் மண்ணை உணருங்கள். இயற்கையோடு ஒரு சின்ன தொடர்பு எப்போதும் இருக்கட்டும்.

நிம்மதியான தூக்கம். குறைவான ஸ்ட்ரெஸ். எல்லாவற்றிற்கும் மேலாக, அந்தச் சின்னச் சின்ன விஷயங்களில் ஒளிந்திருக்கும் சந்தோஷம் உங்களைப் பார்த்துப் புன்னகைக்கும்.

மெதுவாகத் தொடங்குங்கள். ஆனால் நிச்சயமாகத் தொடங்குங்கள். ஒரு மகிழ்ச்சியான நீங்கள் உருவாவதற்கு இதுதான் ரூட் மேப்.

வேகமாக ஓடினால் லேண்ட்ஸ்கேப் மங்கலாகத் தெரியும். நிதானமாக நடந்தால் தான் பூக்களின் நிறம் புரியும்! இது குறித்து நாளையும் கொஞ்சம் பார்ப்போம்.

****