நேர மேலாண்மை முறைகள்!

நேர மேலாண்மை முறைகள்!

பலவித நேர மேலாண்மை முறைகள் உள்ளன. அவற்றுள் சிறப்பான நேர மேலாண்மை முறைகள் குறித்து இங்கு காண்போம்.

ரேப்பிட் பிளானிங் டெக்னிக். (RPM) :

இந்த நுட்பத்தைக் கண்டறிந்தவர் டோனி ராபின்சன். இம்முறையில் R என்பது Result, P என்பது Purpose, M என்பது Massive Access Plan என்பதாகும். இலக்குகளை நிர்ணயித்து அதற்கேற்ப நேர மேலாண்மையை நடைமுறைபடுத்தவதாகும். ஒரு வேலையை நாம் எப்படிப் பார்க்கிறோம், எப்படி உணர்கிறோம், எப்படிச் செய்கிறோம் என்பதைப் பொருத்துதான் அந்த வேலை சிறப்பாக முடிகிறது என்பது இந்நேர மேலாண்மை முறையின் தத்துவமாகும். அதற்கேற்ப ரிசல்ட் எனும் முடிவு, நோக்கம் எனும் பர்ப்போஸ், இலக்கை அடைய செயல்படுத்த வேண்டிய நடவடிக்கைகள் எனும் மாசிவ் அக்செஸ் பிளான் ஆகியவற்றை அறிந்து நேரத்தை மேலாண்மை செய்வதுதான் இம்முறையாகும்.

168 டைம் டிராக்கிங் டெக்னிக் :

லாரா என்பவரின் கண்டுபிடிப்பதுதான் இம்முறை. 168 என்பது ஒரு வாரத்துக்கு உள்ள மொத்த மணி நேரங்கள் ஆகும். இதில் ஒரு நாளைக்கு எட்டு மணி நேர உறக்கம் என்று வைத்துக் கொண்டால் வாரத்துக்கு 56 மணி நேரம் தூக்கத்திற்கும், 5 மணி நேரம் பல் துலக்குதல், குளித்தல் போன்ற பணிகளுக்கும், 4 மணி நேரம் இதர வகைகளிலும் செலவாகிறது. அலுவலகம் அல்லது தொழில் பணிகளுக்கு வாரத்தில் 40 மணி நேரமும் குடும்ப வேலைகளுக்கு 15 மணி நேரமும் செலவிடும் போது எஞ்சியிருப்பது 7 மணி நேரம் ஆகும். இந்த நேரத்தை நம் இலக்குகளை நோக்கிச் செல்ல திட்டமிட்டுப் பயன்படுத்தினால் எல்லா வேலைகளையும் சிறப்பாகச் செய்யலாம்.

பொசெக் டெக்னிக் :

ஸ்டீபன் என்பவர் கண்டறிந்த முறையே POSEC டெக்னிக் என்பதாகும். இதன் படி நேர மேலாண்மை செய்யும் போது பின்வரும் கூறுகளைக் கவனத்தில் கொள்ள வேண்டும்.

P என்பது Priorities அதாவது முன்னுரிமை.

O என்பது Organise அதாவது முறைபடுத்திக் கொள்ளுதல்.

S என்பது Streamline செயலாக்கம். அதாவது திட்டமிட்டபடி முடிப்பதாகும்.

E என்பது Economice மதிப்பிடுதல். அதாவது ஒரு வேலை முக்கியமானதா, அவசரமானதா, அதன் பலன் என்ன என்பதை மதிப்பிட்டு அதற்கேற்ப திட்டமிடுதல்.

C என்பது Contribute அதாவது பங்களிப்பு. நம் வேலையில் முழு கவனத்தையும் செலுத்தி பங்களிப்பது.

ஸ்பின்பெல்ட் டெக்னிக் :

ஒரு பெரிய வேலையைச் சிறிய பகுதிகளாகப் பகுத்துக் கொண்டு சிறிய பகுதிகளைப் படிப்படியாகச் செய்து முடிப்பது இம்முறையாகும். இதனால் பெரிதான வேலை என்று நாம் மலைத்து நின்ற வேலையைச் சுலபமாக சிறு சிறு பகுதிகளாகப் பிரித்துக் கொண்டு செய்து முடித்திருப்போம்.

ஒரு பெரிய யானையைத் தின்ன வேண்டும் என்று நினைக்கும் போது மலைப்புதான் ஏற்படும். அதையே சிறு சிறு துண்டுகளாக வெட்டி பிரிட்ஜில் வைத்துக் கொண்டு அவ்வபோது ஒரு துண்டு என்று தின்று கொண்டே வந்தால் ஒரு முழு யானையைத் தின்று விடலாம் என்பதுதான் இம்முறையாகும்.

ஐசன்ஹோவல் மேட்ரிக்ஸ் டெக்னிக் அல்லது Urgent Important Matrix :

இதன்படி வேலைகளை நான்கு வகையாகப் பிரித்துக் கொண்டு அதற்கேற்ப செய்வதாகும்.

1. அவசரமானது முக்கியமானது. இது போன்ற பணிகளை எவ்வித தாமதமும் நின்றி நாமே முன்னின்று செய்து முடித்து விட வேண்டும்.

2. அவசரமானது முக்கியமல்லாதது. இவ்வித வேலைகளை வேறு யாரையாவது கொண்டு நிறைவேற்றிக் கொள்ளலாம்.

3. அவசரமில்லாதது முக்கியமானது. இதுதான் பிறகு அவசரமானது முக்கியமானது என்று மாறப் போவதால் இவ்வித பணிகளைப் படிப்படியாக செய்யத் துவங்கியிருக்க வேண்டும்.

4. அவசரமில்லாதது முக்கியமில்லாதது. இது போன்றவற்றை எப்போதும் வேண்டுமானாலும் செய்யலாம். அல்லது செய்யாமல் கூட விட்டு விடலாம்.

டைம் பிளாக்கிங் டெக்னிக் :

நாம் செய்ய வேண்டிய வேலைகளில் முக்கியமான வேலைகளை தனி நேரம் ஒதுக்கி, தனிக்கவனம் செலுத்தி முடிப்பதாகும். இதனால் ஒரே நேரத்தில் பல வேலைகளைச் செய்வது, கவனச் சிதறலுக்கு ஆளாவது போன்றவற்றைத் தவிர்க்கலாம்.

Pareto Principle Or 80 / 20 Rule :

இம்முறையில் 80 சதவீத வெற்றி வாய்ப்புகளை 20 சதவீத முயற்சியில் பெறுவதாகும். அதாவது நாம் செய்கின்ற வேலைகளில் முக்கியமான இருபது சதவீத வேலைகளைக் கண்டறிந்து அவற்றைச் செய்து முடித்தாலே மீதி எண்பது சதவீத வேலைகள் சுலபமாக முடிந்து விடும் என்பது இம்முறையின் சிறப்பம்சமாகும். அதை விடுத்து முக்கியமில்லாத எண்பது சதவீத வேலைகளைச் செய்து கொண்டிருந்தால் நேரம்தான் வீணாகும். முக்கியமான இருபது சதவீத வேலைகளும் முடியாமல் வேலை இழுத்துக் கொண்டே போகும்.

இப்போது உங்களுக்கு இந்நேர மேலாண்மை முறைகள் பற்றிய ஒரு நல்ல புரிதல் கிடைத்திருக்கும். இவற்றை உங்களுக்குத் தகுந்தாற் போல தேவையானவற்றைப் பயன்படுத்திப் பலன் பெறுங்கள்.

*****